Хабарҳо
26 сентябр иҷлосияи шонздаҳуми Маҷлиси вакилони халқи вилояти Суғд, даъвати панҷум баргузор мегардад - 19.09.2018 09:48
Фармонҳои Президенти Ҷумҳурии Тоҷикистон - 18.09.2018 14:33
Таъиноти кадрӣ - 18.09.2018 14:27
Сокинони Хуҷандшаҳр 23 сентябр Рӯзи шаҳрро таҷлил менамоянд - 18.09.2018 10:02
Баргузории Фестивал-озмуни «Атласу адраси Суғд-2018» дар ноҳияи Спитамен - 18.09.2018 10:01
Нишасти навбатии маҳфили илмиву адабии Ганҷи сухан ба «Рӯзи Рӯдакӣ» ва «Рӯзи забони тоҷикӣ» бахшида шуд - 18.09.2018 09:59
Суғд: Дар 8 моҳи соли равон 57 корхонаи нави саноатӣ бо 812 ҷойи корӣ таъсис дода шуд - 18.09.2018 09:57
«Хуҷанд» ба даври ½- ниҳоии Ҷоми Тоҷикистон баромад - 17.09.2018 13:03
Лоиҳаи «Рушди нақлиёти ҷамъиятии шаҳри Хуҷанд» пурра татбиқ шуд ва шумораи умумии автобусҳо ба 100 адад расид - 17.09.2018 10:20
Ходимони дин ва намозгузорони шаҳри Бӯстон дар мумфаршкунии роҳҳо саҳм мегузоранд - 17.09.2018 09:55

Паёми табрикии Раиси вилоят ба муносибати Рӯзи забон

( 0 Овоз )

Ҳамдиёрони азиз!

Боиси ифтихор аст, ки дар кишвари мо ҳар сол 5 октябр ҳамчун Рӯзи забони тоҷикӣ ботантана таҷлил карда мешавад. Зеро забон ҳамчун воситаи муътамади омӯзиши таърих ва фарҳангу тамаддуни миллат дар инъикоси воқеияти ҳаёти ҷомеа нақши муассир дошта, гузаштагони мо барои рушду инкишоф ва ба пояи забони расмию давлатӣ баровардани он кӯшиши зиёд ба харҷ додаанд.

Хеле рамзист, ки имсол ин ҷашн ба таҷлили яке аз санаҳои фархундаи таърихи миллат – 25 – солагии Иҷлосияи Шӯрои Олии Ҷумҳурии Тоҷикистон рост омад.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ишора ба пешинаи таърихӣ ва мақоми забони тоҷикӣ барҳақ таъкид намудаанд: “Забони тоҷикӣ дар тӯли таърихи чандҳазорсолаи хеш бо вуҷуди он ҳама бархӯрд ва рӯёрӯйӣ бо чандин забонҳои тавонои дунё чеҳраи аслии худро нигоҳ доштааст, ки ин далели тавоноии бунёдии ин шохаи забони ориёӣ аз даврони бостон то имрӯз мебошад”.

Ин нукта баёнгари он аст, ки нуфуз ва иқтидори ин забон дар асрҳои миёна на танҳо дар ҳавзаи илму фарҳанг, балки дар сиёсату давлатдорӣ низ муассир будааст.

Дар замони муосир маҳз бо шарофати Истиқлолият масъалаи омӯзиш ва таҳқиқи таърихи забон раванди тоза касб намуда, он ҳамчун яке аз рукнҳои муҳими давлатдорӣ ҷойгоҳи шоиста пайдо кард. Зеро, маҳз забони модариамон тамаддун, фарҳанг, таърихи бою рангин, сарвати гаронсанги адабию бадеӣ ва ахлоқӣ, анъана, расму оин ва суннатҳоеро, ки баёнгари махсусиятҳои халқи тоҷик ҳастанд, дар худ маҳфуз доштааст.

Аз ин лиҳоз, имрӯз ҳар як шаҳрванди кишвар вазифадор аст, ки ҷиҳати покиза ва беолоиш ҳифз намудани ин ганҷинаи миллат саъю талош намуда, ба ин восита мероси гаронбаҳои маънавии гузаштагони пурифтихорро ба ояндагон интиқол диҳад. Гиромидошт ва эҳтироми забони модарӣ рукни имон ва қарзи шаҳрвандии ҳар фарди соҳибдил ва бонангу номус аст.

Мақомоти иҷроияи ҳокимияти давлатии вилояти Суғд барои дар амал татбиқ гардидани муқаррароти Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” пайваста талош варзида, ҷиҳати рушду такмили он тадбирҳои муассирро роҳандозӣ менамояд.

Таҷлили Рӯзи забони тоҷикиро ба мардуми шарафманди вилоят ва кулли ҳамватанон самимона таҳният гуфта, таманно мекунам, ки он ҳамеша пайвандгари дилҳо ва муаррифи дастовардҳои тамаддуни миллат дар арсаи ҷаҳон бошад.


ШУМО ДАР: Паёму табрикот Паёми табрикии Раиси вилоят ба муносибати Рӯзи забон