Хабарҳо
Шабаҳе болои Бадахшон пар мезанад, аммо чаро касе ӯро намебинад? - 23.10.2018 17:44
Баромади Абдуқодирзода дар Истамбул - 23.10.2018 17:43
МУРОЉИАТНОМАИ Кумитаи рушди љамоатхонањои шиаи имомии исмоилї ба сокинони Вилояти Мухтори Кўњистони Бадахшон - 23.10.2018 17:42
Муфтии Тоҷикистон дар меҳмонии Ҷамъияти тоҷикони Миср - 23.10.2018 16:50
Ректори Донишгоҳи Истанбул: «Тоҷикистон ва Туркия- шоҳиди ду кӯшиши ноком ба табаддулоти давлатӣ» - 23.10.2018 16:49
Боздиди Пешвои миллат Эмомалӣ Раҳмон аз Муассисаи давлатии Боғи миллии “Ваҳдат” дар ноҳияи Бобоҷон Ғафуров - 23.10.2018 15:22
Дар Конибодом аз оғози сол то имрӯз 50 иншооти нав бунёд ва мавриди истифода қарор гирифтааст - 23.10.2018 15:27
Суиистифодаи наҳзат аз Ислом - 23.10.2018 15:22
Конференсияи байналмилалии Қоҳира: Шурои уламои ҷаҳон ТТЭ ҲНИ-ро ташкилоти террористӣ ва маблағгузори онро душмани инсоният ва башарият хонданд - 23.10.2018 15:21
Раиси Анҷумани тоҷикон дар Туркия: «Ҷомеаи Тоҷикистон ақидаҳои ҲНИ-ро қабул надорад» - 23.10.2018 15:20

Паёми табрикии Раиси вилоят ба муносибати фарорасии Иди саиди Қурбон

( 0 Овоз )

Ҳамаи сокинони вилоятро ба муносибати фарорасии Иди саиди Қурбон, ки иди садоқат ва меҳрубонист, табрику муборакбод намуда, барояшон саломативу сарбаландӣ ва саодати зиндагӣ орзу менамоям.

Боиси хурсандист, ки имсол таҷлили ин иди суннатии аҷдодонамон дар остонаи таҷлили санаҳои муҳими таърихии 26-солагии Истиқлолияти давлатӣ ва 25-солагии Иҷлосияи ХVI Шӯрои Олии Ҷумҳурии Тоҷикистон рост омад. Ба шарофати соҳибистиқлолии Тоҷикистони азиз имрӯзҳо наздик 1600 нафар шаҳрвандони вилоят ба маконҳои муқаддас сафар намуда, яке аз рукнҳои муҳими дини мубини ислом – маросими ҳаҷро ба ҷо оварда истодаанд. Умедворем, ки онҳо баъди адои маносики ҳаҷ бо дилу нияти пок ба Ватан баргашта, барои баланд бардоштани одобу ахлоқ ва рафтору гуфтори ҳамида, тарғибу ташвиқи корҳои созандагиву бунёдкорӣ нақши арзанда мегузоранд.

Шоистаи таъкид аст, ки Иди Қурбон ба рукни панҷуми дини мубини ислом иртибот дошта, ҳамасола дар арафаи ҳаҷҷи акбар баргузор мегардад. Дар ин айём дили касеро ба даст овардан, нисбат ба мискинону муҳтоҷон, бахусус ятимону бепарасторон ва беморону пиронсолон дасти меҳрубонию навозиш кушодан ва муҳимтар аз ҳама, хайру эҳсон намуда, ба дармондагону ниёзмандон ва шахсони камбизоат хайру саховат намудан аз амалҳои неку савоб ва фазилатҳои нек маҳсуб меёбад.

Дар ин маврид Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барҳақ таъкид намудаанд: “Яке аз ҳикматҳои муҳимтарини ин анъанаи неки динӣ иттиҳоду ҳамбастагии мусулмонон тавассути кӯмак ба ҳамдигар ва гирифтани дасти эҳтиёҷмандону ятимон ва барҷомондагон аст”.

Дар баробари ин, ҳар кадоми мо вазифадор ҳастем, ки дар анҷоми амалҳои нек бо назардошти ҳимояи манфиатҳои молии шаҳрвандон ва баланд бардоштани фарҳанги маъракаороӣ ба исрофкорию зиёдаравӣ ва худнамоиву зоҳирпарастӣ роҳ надода, ҷиҳати риояи Қонуни Ҷумҳурии Тоҷикистон “Дар бораи танзими анъана ва ҷашну маросимҳо дар Ҷумҳурии Тоҷикистон” талош варзем.

Итминони комил дорам, ки шахсони ҳимматбаланду саховатпеша барои анҷом додани рисолати инсонӣ ва қарзи шаҳрвандияшон ба таври доимӣ кӯшиш менамоянд, зеро инсонҳо танҳо бо дастгирии якдигар саодатманд шуда метавонанд.

Бо ҳамин орзуву ниятҳои нек бори дигар, Иди саиди Қурбонро ба мардуми кишвар табрику таҳният намуда, ба кулли сокинони вилоят хонаи обод, ризқи фаровон, тандурустӣ ва саодати рӯзгор таманно менамоям.

Иди Қурбон муборак, ҳамдиёрони азиз!

ШУМО ДАР: Паёму табрикот Паёми табрикии Раиси вилоят ба муносибати фарорасии Иди саиди Қурбон