Хабарҳо
Шабаҳе болои Бадахшон пар мезанад, аммо чаро касе ӯро намебинад? - 23.10.2018 17:44
Баромади Абдуқодирзода дар Истамбул - 23.10.2018 17:43
МУРОЉИАТНОМАИ Кумитаи рушди љамоатхонањои шиаи имомии исмоилї ба сокинони Вилояти Мухтори Кўњистони Бадахшон - 23.10.2018 17:42
Муфтии Тоҷикистон дар меҳмонии Ҷамъияти тоҷикони Миср - 23.10.2018 16:50
Ректори Донишгоҳи Истанбул: «Тоҷикистон ва Туркия- шоҳиди ду кӯшиши ноком ба табаддулоти давлатӣ» - 23.10.2018 16:49
Боздиди Пешвои миллат Эмомалӣ Раҳмон аз Муассисаи давлатии Боғи миллии “Ваҳдат” дар ноҳияи Бобоҷон Ғафуров - 23.10.2018 15:22
Дар Конибодом аз оғози сол то имрӯз 50 иншооти нав бунёд ва мавриди истифода қарор гирифтааст - 23.10.2018 15:27
Суиистифодаи наҳзат аз Ислом - 23.10.2018 15:22
Конференсияи байналмилалии Қоҳира: Шурои уламои ҷаҳон ТТЭ ҲНИ-ро ташкилоти террористӣ ва маблағгузори онро душмани инсоният ва башарият хонданд - 23.10.2018 15:21
Раиси Анҷумани тоҷикон дар Туркия: «Ҷомеаи Тоҷикистон ақидаҳои ҲНИ-ро қабул надорад» - 23.10.2018 15:20

Паёми табрикии Раиси вилоят Абдураҳмон Қодирӣ ба муносибати Иди саиди Фитр

( 0 Овоз )

Ҳамдиёрони азиз!

Ҳамаи сокинони вилоятро ба муносибати Иди саиди Фитр табрику муборакбод намуда, барояшон саломативу сарбаландӣ ва саодати зиндагиро таманно менамоям.

Шоистаи зикр аст, ки дар Тоҷикистони соҳибистиқлол мардуми кишвар дар қатори кулли мусулмонони ҷаҳон Иди саиди Фитрро ба таври шоиста ҷашн мегиранд.

Асосгузори сулҳу Ваҳдати миллӣ – Пешвои миллат, Президенти мамлакат, мўҳтарам Эмомалӣ Раҳмон ба муносибати моҳи шарифи Рамазон, барҳақ, зикр намудаанд: «Рамазон моҳи сабру таҳаммул ва айёми кушода шудани дарҳои раҳмати Худованд буда, ба инсон устувориву пойдорӣ ва парҳезкориву қаноатро меомўзад, имонашро комил, иродаашро қавӣ мегардонад. Ин моҳи шариф дар қалби одамон фурўтаниву хоксорӣ ва сабру таҳаммулро ҷой намуда, вуҷуди инсонро ба назаргоҳи ҳусни адабу шукрона табдил медиҳад».

Басо рамзист, ки таҷлили имсолаи Иди саиди Фитр ба рўзҳое рост омад, ки мардуми шарифи вилоят дар арафаи ҷашни 20-солагии Ваҳдати миллӣ ва 10-солагии қабули Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» қарор доранд.

Бо шукргузорӣ аз соҳибистиқлолии Тоҷикистони азиз дар кишварамон озодии виҷдон ва эътиқод таъмин буда, мардум ба масҷид барои тоату ибодат ва гирифтани ғизои маънавӣ меоянд ва мусалмони асил дар ин макон ба ташвиқоту тарғиботи ақидаву андешаҳои ифротгароёна ва тундравона, намоишкорӣ, паҳншавии таассубу хурофот ва ихтилофу парокандагӣ байни ҷомеа асло роҳ намедиҳанд.

Бо ифтихор изҳор менамоям, ки мардуми вилоят чун тамоми сокинони кишвари соҳибистиқлоламон дар партави сиёсати оқилонаи Пешвои миллат дар таҳкими сулҳу Ваҳдат, ризоияти миллӣ, пешрафти иқтисодиёт, фарҳанг, такмилёбии ҳамаи соҳаҳои хоҷагии халқ ба комёбиҳои назаррас ноил гардида истодаанд.

Мардуми олиҳиммату саховатманди вилоятамон дар рўзи мубораки Иди Фитр ва минбаъд ҳам ба амалҳои неку хайр, ободкориву созандагӣ рўй оварда, ба ятимону бепарасторон ва барҷомондагон хайру эҳсонро дареғ намедоранд.

Умед ба он дорам, ки бо ҳиммати баланду меҳнати фидокоронаи мардуми меҳнатқарин Ватани азизамон – Тоҷикистон боз ҳам ободу шукуфотар хоҳад шуд.

Бори дигар Иди саиди Фитрро ба мардуми кишвар муборакбод гуфта, барои ҳамаи мусулмонон хонаи обод, ризқи фаровон, тандурустӣ ва саодати рўзгорро орзу менамоям.

Бигзор сулҳу субот, оромиву осоиш, файзу баракат ва фаровонии рўзгор дар Ватани маҳбубамон ҳамеша ҳукмфармо бошад.

Иди саиди Фитр муборак, ҳамдиёрони азиз!

ШУМО ДАР: Паёму табрикот Паёми табрикии Раиси вилоят Абдураҳмон Қодирӣ ба муносибати Иди саиди Фитр