Хабарҳо
Дар шаҳри Истаравшан зиёда аз 100 намуди ҳунарҳои мардумӣ мавҷуд аст - 19.01.2018 12:50
Ба озмуни «Техникони наврас» беш аз 230 ихтироот ва маҳсули эҷоди хонандагон пешниҳод шуд - 19.01.2018 11:31
Рӯзҳои 20 ва 21 январ дар шаҳрҳои Хуҷанд, Гулистон, Бӯстон ва Истиқлол ярмарка-фурӯши маҳсулоти кишоварзӣ баргузор мегардад - 19.01.2018 08:41
Нақшаи чорабиниҳои вилоятӣ оид ба иҷрои вазифаҳое, ки дар Паёми Президенти Ҷумҳурии Тоҷикистон зикр гардидаанд, тасдиқ гардид - 18.01.2018 22:11
Маҷлиси васеи Ҳукумати Ҷумҳурии Тоҷикистон - 18.01.2018 19:37
Дар Конибодом ситод оид ба назорати раванди яхобмонӣ таъсис дода шуд - 18.01.2018 09:12
Хонандагон дар таътили зимистона ба маҳфилҳои ҳунаромӯзӣ ҷалб шуданд - 18.01.2018 09:07
Аввалин маҳфили “Ганҷи сухан” дар соли 2018 дар ДДХ баргузор шуд - 17.01.2018 10:32
Иҷрокунандаи вазифаи Раиси вилоят Раҷаббой Аҳмадзода собиқадорони меҳнатро аёдат намуд - 17.01.2018 10:09
Шиносоии Раҷаббой Аҳмадзода бо ҷараёни омодагиҳо ба мавсими нави киштукор дар ноҳияи Бобоҷон Ғафуров - 17.01.2018 09:59

Паёми табрикии Раиси вилоят ба муносибати Рӯзи байналмилалии ҳифзи кӯдакон

( 1 Овоз )

Ҳар сол рӯзи якуми июн дар аксарияти кишварҳои ҷаҳон, аз ҷумла дар Тоҷикистони соҳибистиқлоли мо ҳамчун Рӯзи байналмилалии ҳифзи кӯдакон ботантана таҷлил карда мешавад. Ин санаи фархундаро ба тамоми кӯдакону наврасон табрику муборакбод гуфта, барои онҳо даврони босаодати наврасӣ, осмони соф, оромию осудагӣ ва хандаи беғубори тифлӣ таманно дорам.

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон таълиму тарбияи фарзандонро аз рисолати наҷиби падару модар ва вазифаи муқаддаси ҷомеа ҳисобида, таъкид медоранд: “Мо вазифадорем, ки наврасону ҷавононро дар рӯҳияи арҷгузорӣ ба илму маърифат, худшиносию худогоҳӣ ва ватандӯстию ватанпарастӣ тарбия кунем, то ки онҳо ворисони ҳақиқии ин давлату миллат буданашонро ботинан эҳсос намоянд ва барои ободии сарзамини аҷдодии хеш огоҳона саъю талош варзанд”.

Ба шарофати истиқлол дар кишвар пешрафти соҳаи маориф равшан ба назар расида, наслҳои ҷавон зери осмони софу беғубор саодати зиндагӣ доранд.

Таҳти ғамхории доимӣ фаро гирифтани кӯдакону наврасон, дар замири насли ҷавон парваридани ҳисси баланди миллӣ, эҳсоси худшиносию ватандӯстӣ, ахлоқи ҳамида дар мадди назари ҳамешагии давлату Ҳукумат қарор дорад.

Солҳои охир дар қаламрави вилоят чандин мактаб-интернатҳои нав бунёд гардида, хонаҳои ятимону маъюбон аз таъмир бароварда шуданд. Таҳти сарпарастӣ қарор гирифтани муассисаҳои томактабӣ ва мактаб-парваришгоҳҳо имконият фароҳам овард, ки сатҳи таълиму тарбия ва шароити зиндагии кӯдакон рӯ ба беҳбудӣ оварад.

Имрӯз фаро гирифтани кӯдакону наврасон ба истироҳатгоҳҳо ва доир намудани чорабиниҳои мухталифи маданиву маърифатӣ ифодагари он аст, ки насли ояндасоз дар партави ғамхории калонсолон ва масъулони соҳа қарор доранд.

Ба муносибати Рӯзи байналмилалии ҳифзи кӯдакон сокинони вилоят, омӯзгорону мураббиён ва гулғунчаҳои боғи ҳаёт – кӯдаконро самимона табрику муборакбод намуда, таманнои онро дорам, ки ҳамеша саломату сарбаланд ва номбардори Ватани хеш бошанд.

ШУМО ДАР: Паёму табрикот Паёми табрикии Раиси вилоят ба муносибати Рӯзи байналмилалии ҳифзи кӯдакон