Хабарҳо
Шабаҳе болои Бадахшон пар мезанад, аммо чаро касе ӯро намебинад? - 23.10.2018 17:44
Баромади Абдуқодирзода дар Истамбул - 23.10.2018 17:43
МУРОЉИАТНОМАИ Кумитаи рушди љамоатхонањои шиаи имомии исмоилї ба сокинони Вилояти Мухтори Кўњистони Бадахшон - 23.10.2018 17:42
Муфтии Тоҷикистон дар меҳмонии Ҷамъияти тоҷикони Миср - 23.10.2018 16:50
Ректори Донишгоҳи Истанбул: «Тоҷикистон ва Туркия- шоҳиди ду кӯшиши ноком ба табаддулоти давлатӣ» - 23.10.2018 16:49
Боздиди Пешвои миллат Эмомалӣ Раҳмон аз Муассисаи давлатии Боғи миллии “Ваҳдат” дар ноҳияи Бобоҷон Ғафуров - 23.10.2018 15:22
Дар Конибодом аз оғози сол то имрӯз 50 иншооти нав бунёд ва мавриди истифода қарор гирифтааст - 23.10.2018 15:27
Суиистифодаи наҳзат аз Ислом - 23.10.2018 15:22
Конференсияи байналмилалии Қоҳира: Шурои уламои ҷаҳон ТТЭ ҲНИ-ро ташкилоти террористӣ ва маблағгузори онро душмани инсоният ва башарият хонданд - 23.10.2018 15:21
Раиси Анҷумани тоҷикон дар Туркия: «Ҷомеаи Тоҷикистон ақидаҳои ҲНИ-ро қабул надорад» - 23.10.2018 15:20

Паёми табрикии Раиси вилоят Абдураҳмон Қодирӣ бахшида ба Рўзи кимиёгарон

( 0 Овоз )

Ҳамватанони гиромӣ!

Боиси қаноатмандист, ки ҳамасола якшанбеи охири моҳи май таҷлил намудани иди касбии кормандони соҳаи саноати кимиё ба анъанаи нек даромада, кимиёгарони вилоят ин санаро бо дастовардҳои назарраси меҳнатӣ истиқбол мегиранд.

Соли равон Рўзи кимиёгарон дар остонаи ҷашни фархундаи миллат – 20-солагии ба имзо расидани Созишномаи умумии истиқрори сулҳ ва ризоияти миллӣ, Рўзи Ваҳдати миллӣ таҷлил карда мешавад. Аз ин хотир, ҳар кору пайкоре, ки мову шумо дар ин рўз-ҳо ба анҷом мерасонем, бояд ба пеш- вози шоиставу сазовори ин санаи тақдирсози миллат амалӣ карда шавад.

Тавре Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон таъкид менамоянд, соҳаи саноати кимиё аз соҳаҳои ниҳоят муҳими хоҷагии халқи мамлакат буда, нақши он дар пешрафти иқтисодиёту иҷтимоиёт ва баланд бардоштани сатҳи зиндагии мардуми кишвар назаррас мебошад.

Аз ин лиҳоз, рушди соҳаи саноати кимиё дар Ҷумҳурии Тоҷикистон самти афзалиятноки сиёсати давлат маҳсуб меёбад. Боиси ифтихор аст, ки кимиёгарони вилоят бо фаъолияти софдилонаи худ бобати раҳоӣ ёфтани кишвар аз бунбасти коммуникатсионӣ ва рушди соҳаи энергетикаи мамлакат саҳми хоса гузошта истодаанд.

Солҳои охир дар корхонаҳои соҳаи саноати кимиёи вилоят истеҳсоли даҳҳо намуди нави маҳсулот, аз ҷумла, сурмаю руҳ, рангу шишаи моеъ, плёнкаҳои полиэтиленӣ, нуриҳои минералӣ, қубурҳои пластикӣ ва ғайра ба роҳ монда шудааст.

Қобили зикр аст, ки иди касбии худро кормандони соҳа бо ворид намудани технологияҳои муосир ва таъсис додани ҷойҳои нави корӣ таҷлил мекунанд, ки ин тадбирҳо таҷассумгари ҷонибдорӣ ва амалигардонии сиёсати Ҳукумати Ҷумҳурии Тоҷикистон дар самти саноатикунонии иқтисодиёти мамлакат ба шумор меравад.

Итминони комил дорам, ки кимиёгарони вилоят минбаъд низ анъанаҳои неки устодони соҳаро идома дода, баҳри ободию шукуфоии Тоҷикистони соҳибистиқлоламон хизмати софдилона менамоянд. Кулли кимиёгарони вилоят-ро бо иди касбиашон муборакбод намуда, барояшон саломативу сарбаландӣ ва комёбиҳои беназир таманно дорам.

Иди касбӣ муборак!

ШУМО ДАР: Паёму табрикот Паёми табрикии Раиси вилоят Абдураҳмон Қодирӣ бахшида ба Рўзи кимиёгарон