Хабарҳо
Қарори навбатии Раиси вилояти Суғд ба тасвиб расид - 20.06.2018 16:48
Дар Истаравшан корхонаи коркарди шир ба истифода дода шуд - 20.06.2018 16:45
Иштироки Пешвои миллат Эмомалӣ Раҳмон дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” - 20.06.2018 13:16
Мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов - 20.06.2018 13:13
Маросими супоридани “Медали Созмони Умумиҷаҳонии Тандурустӣ” ба Пешвои миллат Эмомалӣ Раҳмон ба муносибати Рӯзи умумиҷаҳонии мубориза алайҳи тамоку - 20.06.2018 08:52
Мулоқоти Пешвои миллат Эмомалӣ Раҳмон бо гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид - 20.06.2018 08:51
Омодагиҳо ба мусобиқаи байналмилалии шиноварӣ /АКСҲО/ - 19.06.2018 20:13
Мулоқоту музокироти сатҳи олии Тоҷикистону Покистон - 19.06.2018 16:56
Иштироки Раиси вилоят дар маросими супоридани ҷоизаҳо ба ғолибони озмуни рӯзномаи “Ҷумҳурият” - 19.06.2018 16:46
Сафари расмии Президенти Ҷумҳурии Исломии Покистон Мамнун Ҳусейн дар Тоҷикистон - 19.06.2018 15:36

Паёми табрикии Раиси вилоят ба муносибати Рӯзи байналмилалии оила

( 0 Овоз )

Ҳамдиёрони азиз!

Фарорасии Рӯзи байналмилалии оиларо ба мардуми шарафманди вилоят табрику муборакбод намуда, ба ҳамагон хушбахатии оилавӣ, бахту саодати зиндагиро таманно менамоям.

Оила воҳиди муҳими ҷомеа маҳсуб ёфта, асоси онро ташкил мекунад. Ҳамаи пешравию муваффақиятҳои инсон маҳз аз оила сарчашма мегирад. Бинобар ин, фазои оила бояд иборат аз меҳр ва муҳаббат, фидокорӣ ва гузашт, самимият ва гармӣ бошад.

Асосгузори сулҳу Ваҳдати миллӣ – Пешвои миллат, Президенти кишвар, мӯҳтарам Эмомалӣ Раҳмон роҷеъ ба мақоми оила ва оиладорӣ  дар ташаккули ҷомеаи солим изҳори андеша карда, аз ҷумла таъкид намудаанд: “Масъалаҳои маърифати оиладорӣ, баланд бардоштани масъулияти падару модарон дар таълиму тарбияи фарзандон, омода кардани онҳо ба ҳаёти мустақилона ва пойдории оила аз ҷумлаи масъалаҳое мебошанд, ки диққати доимии мақомоти давлатӣ, муассисаҳои таҳсилотӣ ва кулли аъзои ҷомеаро тақозо мекунад”.

Айни замон Ҳукумати кишвар барои давра ба давра беҳтаршавии вазъи иқтисодӣ, паст гаштани сатҳи камбизоатӣ, таъмини беҳдошти зиндагии мардум, аз ҷумла фароҳам овардани муҳити хуби иҷтимоии оилаҳои ҷавон тадбирҳо андешида, барои равнақи созандагӣ ва бунёди ҷомеаи ҳуқуқбунёду демократӣ заминаи устувор фароҳам меоварад.

Дар ин раванд бо ибтикори Пешвои миллат дар вилоят шаҳраки Сайҳун бунёд гашта, 6002 оилаҳо бо қитъаи замини наздиҳавлигӣ таъмин гардиданд. Ҳамчунин, баҳри ба шуғли доимӣ фаро гирифтани занону духтарон 225 марказҳои таълимӣ – истеҳсолии атласу адрасбофӣ ва қолинбофӣ таъсис дода шуда, айни замон 2639 шогирдон нозукиҳои ин ҳунарро омӯхта истодаанд.

Итминони комил дорам, ки мардуми вилоят дар Соли ҷавонон эълон гардидани соли 2017 ҷиҳати пойдории оилаҳои ҷавон, пешгирии паёмадҳои никоҳи хешу таборӣ, рушди ҳунарҳои мардумӣ, тарбияи насли худогоҳу ватандӯст ва ободии Ватани азизамон саҳми бештар мегузоранд.

Фаро расидани Рӯзи байналмилалии оиларо ба кулли ҳамдиёрони азиз табрик гуфта, барояшон рӯзгори орому осоишта, хонадони обод, оилаи пойдор ва ҳаёти пурфайзу шукӯҳро таманно менамоям.


ШУМО ДАР: Паёму табрикот Паёми табрикии Раиси вилоят ба муносибати Рӯзи байналмилалии оила