Хабарҳо
Соли равон ба Мақомоти иҷроияи ҳокимияти давлатии вилояти Суғд 5075 муроҷиат ворид гардид - 15.12.2017 09:37
4,8 ҳазор метри мураббаъ қолинҳои дастибоф истеҳсол шуд - 15.12.2017 09:36
Суғд: Музди миёнаи маош 1004,76 сомониро ташкил намуд, ки нисбати соли гузашта 244,95 сомонӣ зиёд мебошад - 15.12.2017 09:35
Зариф Мирдадо ба 50 донишҷӯ 5 000 сомонӣ кумакпулӣ тақдим намуд - 15.12.2017 09:34
Беш аз 2414 километр роҳҳои ҳудуди вилояти Суғд таъмир шуд - 15.12.2017 09:31
Нақшаи даромади буҷети давлатӣ 109,7 фоиз таъмин гардид. Ба буҷет 1 694,8 млн. сомонӣ ворид гардид - 15.12.2017 09:32
Суғд: Ба маблағи 450 млн. доллари ИМА маҳсулот содирот шуд - 15.12.2017 09:31
Ба донишҷӯёни фаъолу аълохон ва ихтироъкор беш аз 20 ҳазор сомонӣ тақдим шуд - 15.12.2017 09:28
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30

Паёми табрикии Раиси вилоят муҳтарам Абдураҳмон Қодирӣ ба муносибати Рӯзи Ғалаба

( 0 Овоз )

Ҳамватонони азиз!

Муҳтарам иштирокчиёни ҷанг ва собиқадорони меҳнат!

Соли равон мардуми шарафманди кишвар муқаддастарин дастоварди таърихи навини давлатдориамон 20-солагии Ваҳдати миллиро бо шукргузорӣ аз сулҳу суботи комил ва рӯҳияи баланди ифтихори ватандорӣ таҷлил менамоянд.

Дар ин раванд ба ёд овардани корномаҳои ҷангии падарони қаҳрамон, ки дар воқеаи мудҳиштарини таърихи асри ХХ – Ҷанги Бузурги Ватанӣ ширкат намуда, бо анҷом додани қаҳрамониҳои бемисли ватандӯстона дар таъмини ғалаба бар зидди истилогарони фашистӣ ҳисса гузоштанд, ниҳоят муҳим мебошад.

Таҷлили Рӯзи Ғалаба барои инсонҳои ватандӯст ва сулҳпарвар, пеш аз ҳама, аз он ҷиҳат муҳим арзёбӣ мегардад, ки он тантанаи адолату шуҷоат бар ҷаҳлу зулмат, пирӯзии некӣ бар бадӣ мебошад. Аз ин лиҳоз, ҳамасола мардуми сарбаланди Тоҷикистони соҳибистиқлол чун тамоми мардуми тараққипарвари ҷаҳон Рӯзи Ғалабаро бо ифтихор ва арҷгузориву қадрдонӣ аз ҷоннисориҳои фарзандони худ таҷлил намуда, хотираи неки сарбозону афсароне, ки дар майдонҳои набард қаҳрамонона ба ҳалокат расидаанд, гиромӣ медоранд.

Дар таъмини Ғалабаи бузург саҳми халқи тоҷик дар ақибгоҳ низ калон буда, корномаи меҳнатии онҳо чун мактаби ибратомӯзию баҳрабардорӣ дар саҳифаҳои таърихи халқамон абадӣ сабт гардидааст.

Дар ин бора, Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон таъкид намудаанд:

«Корномаву диловарии фарзандони баору номуси он солҳо ҳамеша намунаи ибрати наслҳои имрӯзаву оянда хоҳад буд, чунки омӯзиши таҷрибаи онҳо, маслиҳатҳои муфид ва насиҳатҳои падарона, кору пайкор ва зиндагиву фаъолияти собиқадорони ҷангу меҳнат ба наслҳои имрӯз ва фардои миллати тоҷик барои бунёди давлати демократӣ, ҳуқуқбунёд, дунявӣ ва пешрафта ҳамеша дастури зиндагиву фаъолият мебошад».

Дар шароити таҳаввулоти босуръат ва мураккаби ҷаҳони муосир, ки қувваҳои муайян бо истифода аз амалҳои террористиву ифротгароӣ кӯшиш доранд вазъи дохилии давлатҳои мустақилро халалдор созанд, масъалаи таъмини амнияти милливу давлатӣ аҳамияти аввалиндараҷа пайдо карда, аз кормандони мақомоти ҳифзи ҳуқуқ, сохторҳои низомӣ, хизматчиёни ҳарбии Қувваҳои Мусаллаҳ ва ҳар фарди ватандӯст талаб менамояд, ки аз ҳарвақта бештар масъулиятшинос ва ба миллату Ватани худ вафодор бошанд.

Мақомоти иҷроияи ҳокимияти давлатии вилоят беҳтар намудани шароити зиндагии иштирокчиёни ҷанг ва собиқадорони меҳнат, ба табобату истироҳат фаро гирифтан, аёдат ва  ғамхории ҳамешагӣ зоҳир намудан дар ҳақи онҳоро, ки  намунаи устуворӣ, мардонагӣ ва ибрати наслҳои ҷавони миллат ҳастанд, аз вазифаҳои муҳими худ меҳисобад.

Падарони қаҳрамон чун кӯҳ устувор ва чун офтоб равшанибахши зиндагии моянд. Бо эҳтирому арҷгузорӣ  иштирокчиён, собиқадорони  Ҷанги Бузурги Ватанӣ ва кулли мардуми вилоятро бо фарорасии 72-юмин солгарди Рӯзи Ғалаба самимона табрику таҳният гуфта, барояшон сулҳу осоиш, сиҳатмандии бардавом ва хотири ҷамъ таманно менамоям.

Ҷашни Ғалаба муборак ҳамватанони азиз!

ШУМО ДАР: Паёму табрикот Паёми табрикии Раиси вилоят муҳтарам Абдураҳмон Қодирӣ ба муносибати Рӯзи Ғалаба