Хабарҳо
Қарори навбатии Раиси вилояти Суғд ба тасвиб расид - 20.06.2018 16:48
Дар Истаравшан корхонаи коркарди шир ба истифода дода шуд - 20.06.2018 16:45
Иштироки Пешвои миллат Эмомалӣ Раҳмон дар Конференсияи байналмилалии сатҳи баланд оид ба Даҳсолаи байналмилалии амал “Об барои рушди устувор, солҳои 2018-2028” - 20.06.2018 13:16
Мулоқоти Президенти Ҷумҳурии Тоҷикистон Эмомалӣ Раҳмон бо Президенти Туркманистон Гурбонгулӣ Бердимуҳаммадов - 20.06.2018 13:13
Маросими супоридани “Медали Созмони Умумиҷаҳонии Тандурустӣ” ба Пешвои миллат Эмомалӣ Раҳмон ба муносибати Рӯзи умумиҷаҳонии мубориза алайҳи тамоку - 20.06.2018 08:52
Мулоқоти Пешвои миллат Эмомалӣ Раҳмон бо гурӯҳи намояндагони доимии як қатор кишварҳои хориҷӣ дар назди Созмони Милали Муттаҳид - 20.06.2018 08:51
Омодагиҳо ба мусобиқаи байналмилалии шиноварӣ /АКСҲО/ - 19.06.2018 20:13
Мулоқоту музокироти сатҳи олии Тоҷикистону Покистон - 19.06.2018 16:56
Иштироки Раиси вилоят дар маросими супоридани ҷоизаҳо ба ғолибони озмуни рӯзномаи “Ҷумҳурият” - 19.06.2018 16:46
Сафари расмии Президенти Ҷумҳурии Исломии Покистон Мамнун Ҳусейн дар Тоҷикистон - 19.06.2018 15:36

Табрики Раиси вилоят бахшида ба Рӯзи зиёиёни эҷодкор

( 0 Овоз )

Зиёиёни гиромӣ!

Шуморо бо Рӯзи зиёиёни эҷодкор, ки дар арафаи таҷлили ҷашни Наврӯзи байналмилалӣ иттифоқ афтодааст, самимона таҳният гуфта, бароятон саломатии бардавом, саодати рӯзгор, муваффақиятҳои эҷодӣ ва дар ҷодаи таҳкиму густариши илму маърифат комёбиҳои беназир таманно дорам.

Шумо зиёиён ҳамчун нуру рӯшноии ҷомеа тамоми мардумро ба сӯи арзишҳои олии маънавӣ, инсонӣ ва ахлоқӣ ҳидоят менамоед.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон барҳақ таъкид намудаанд, ки «зиёиён вазифадоранд, ки наслҳои ояндаро дар рӯҳияи худогоҳию худшиносӣ, ватандӯстию меҳанпарастӣ, заҳматдӯстиву ҳимматбаландӣ, ҳифзи манфиатҳои миллӣ, таҳкиму пойдории забони давлатӣ ва арҷгузорӣ ба арзишҳои миллӣ тарбия намоянд».

Маҳз ба шарофати аҳли зиё дар ҷомеа афкори созандаву бунёдкор, андешаҳои солиму инсонофар миёни мардум тарғибу ташвиқ гардида,  ҳосили он дар сурати  китобу рисола ва осори арзишманд арзи ҳастӣ менамояд.

Дар шароити ташаннуҷи авзои ҷаҳони муосир рисолати инсонгароии зиёиён боз ҳам вусъат меёбад, зеро интишори афкори ахлоқӣ ва рушди маънавиёти ҷомеа барои гирифтани пеши роҳи падидаҳои номатлуб ва мухталифи ифротӣ дар ҷомеа нақши муассир мегузорад.

Имрӯз вазифаи аҳли зиё тарғиби дастовардҳои даврони истиқлолият, рушди илму маориф, тарбияву ҳидояти ҷомеа, бахусус насли ҷавон ба сӯи афкори пешқадам, офаридани арзишҳои мондагор ва тарбияи завқи зебоишиносии инсон мебошад.

Итминони комил дорам, ки Шумо дар роҳи ташвиқу тарғиби ҷаҳонбинии миллӣ ва арзишҳои солими дунявӣ ҷиҳати ҳимояи дастовардҳои даврони истиқлолият саҳм мегузоред.

Бо чунин ниятҳои нек Рӯзи зиёиёни эҷодкор ва ҳамзамон фарорасии Наврӯзи байналмилалиро бароятон самимона таҳният гуфта, ба Шумо хушбахтии оилавӣ, хотири ҷамъ ва дар фаъолияти эҷодӣ дастовардҳои  беназир таманно дорам.

ШУМО ДАР: Паёму табрикот Табрики Раиси вилоят бахшида ба Рӯзи зиёиёни эҷодкор