Хабарҳо
Соли равон ба Мақомоти иҷроияи ҳокимияти давлатии вилояти Суғд 5075 муроҷиат ворид гардид - 15.12.2017 09:37
4,8 ҳазор метри мураббаъ қолинҳои дастибоф истеҳсол шуд - 15.12.2017 09:36
Суғд: Музди миёнаи маош 1004,76 сомониро ташкил намуд, ки нисбати соли гузашта 244,95 сомонӣ зиёд мебошад - 15.12.2017 09:35
Зариф Мирдадо ба 50 донишҷӯ 5 000 сомонӣ кумакпулӣ тақдим намуд - 15.12.2017 09:34
Беш аз 2414 километр роҳҳои ҳудуди вилояти Суғд таъмир шуд - 15.12.2017 09:31
Нақшаи даромади буҷети давлатӣ 109,7 фоиз таъмин гардид. Ба буҷет 1 694,8 млн. сомонӣ ворид гардид - 15.12.2017 09:32
Суғд: Ба маблағи 450 млн. доллари ИМА маҳсулот содирот шуд - 15.12.2017 09:31
Ба донишҷӯёни фаъолу аълохон ва ихтироъкор беш аз 20 ҳазор сомонӣ тақдим шуд - 15.12.2017 09:28
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30

Паёми табрикии Раиси вилоят бахшида ба Иди байналмилалии Наврўз

( 1 Овоз )

Ҳамдиёрони гиромӣ!

Фарорасии гаронбаҳотарин мероси ниёгон-Иди байналмилалӣ ва бостонии Наврўзи Аҷамро, ки бо қадамҳои мубораки худ ба табиати кишварамон сарсабзию шукуфоӣ, ба хонадони мардум шодиву нишот ва файзу баракат меорад, бароятон табрику таҳният гуфта, рўзгори бонишот,  фатҳу кушоиш, хушбахтӣ ва иқболи нек таманно менамоям.

Наврўз дар худ муҳимтарин арзишҳои башариро ҷой дода, дар заминаи сиёсати фарҳангсолоронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон ҳамчун рукни муҳими худшиносии миллӣ, таҳкимбахши ваҳдату ҳамдилӣ, рамзи расидан ба қадри зиндагии хушу хуррамона муаррифӣ гардид.

Талошҳои пайгирона ва дастурҳои хирадмандонаи  Пешвои миллат дар бобати мақоми ҷаҳонӣ гирифтани ин мероси маънавӣ, эҳёи суннатҳои неки ниёгон, ҳифз ва муқаддас донистани арзишҳои волои аҷдодӣ фарру шукӯҳи ҷашни Наврӯзи бостониро бамаротиб афзуд.

Боиси ифтихор аст, ки дар ягон давру замон ҳеҷ як   ҷаҳонбинӣ, дину мазҳаб, сиёсат ва нерўи ҳукмрон натавонист,   ин ҷашни мардумиро манъ намояд. Зеро Наврўз аз ибтидо бо некиву зебоӣ тавъам буда, маҳз бо ҳамин сифаташ дар дилу дидаи инсонҳо ҷой гирифтааст. Таҳқиқоти олимон собит намудааст, ки бисёр рамзҳо ва оинҳои наврўзӣ дар фарҳанги халқҳои ҳиндуаврупоӣ таъсири муайян гузоштааст, ки ин аз умумияти пайдоиши халқҳои мазкур ва умуман инсоният шаҳодат медиҳад.

Ҷашни Наврўз идомаи мубориза барои рушди фарҳанги миллӣ, ҷузъи таркибии тамаддуни умумибашарӣ, пайвандгари дирўз, имрӯз ва оянда, нишони бузурги ваҳдат, созандагиву бунёдкорӣ маҳсуб мешавад.

Таҷлили шукўҳманди ҷашни Наврўз моро водор менамояд, ки барои ободу зебо гардонидани Ватани биҳиштосоямон корҳои созадагию ободониро вусъат бахшида, ҷиҳати таъмини зиндагии босаодат ва орому осудаи сокинони кишвари маҳубамон бештар заҳмат кашем ва сарҷамъу муттаҳид бошем.

Бори дигар, ҳамаи Шумо ҳамватанони азизро бо фарорасии Наврўзи фархундапай табрику таҳният намуда, ба хонадони ҳар як сокини кишвар файзу баракат ва нусрату пирўзӣ орзу менамоям.

ШУМО ДАР: Паёму табрикот Паёми табрикии Раиси вилоят бахшида ба Иди байналмилалии Наврўз