Хабарҳо
Мулоқоти Раиси вилоят бо устодон ва донишҷӯёни МДТ Коллеҷи тиббӣ - 24.05.2018 18:58
Дар Ҷамоати деҳоти Унҷии ноҳияи Бобоҷон Ғафуров макони истироҳативу фароғатӣ бунёд мешавад - 24.05.2018 12:04
Фармони Президенти Ҷумҳурии Тоҷикистон дар бораи озод намудани судяҳо - 24.05.2018 11:38
Раиси вилоят ба муносибати Рӯзи ҷавонон чанде аз ҷавонони маъюбро аёдат намуд - 24.05.2018 11:17
Таҷлили Рӯзи ҷавонон дар Суғд/АКСҲО/ - 24.05.2018 09:23
РАҶАББОЙ АҲМАДЗОДА: Ҷавонони соҳибназару ватандӯст барои таҳкими нуфуз ва эътибори Ватани маҳбубамон саҳми босазои хешро мегузоранд - 24.05.2018 08:44
Хуҷанд: Аёдати ҷавонони маъюбу камбизоат дар Рӯзи ҷавонон - 23.05.2018 16:58
Шаҳрдори Хуҷанд ба 100 нафар идрорпулӣ тақдим кард - 23.05.2018 09:36
Шаҳрдори Исфара: Ҷавонон дар рушду ободии сарзамини аҷдодии хеш саҳми арзанда мегузоранд - 23.05.2018 09:33
Раҳпаймоии идонаи ҷавонон дар ноҳияи Ашт - 23.05.2018 09:31

Паёми табрикии Раиси вилоят ба муносибати Рӯзи Артиши миллӣ

( 1 Овоз )

Ҳамдиёрони гиромӣ!

Хизматчиёни  ҳарбии  Қувваҳои  Мусаллаҳи Ҷумҳурии Тоҷикистонро ба ифтихори Рӯзи таъсисёбии Артиши миллӣ табрику  таҳният  гуфта, дар иҷрои вазифаи пуршарафу муқаддас барору  комёбиҳо  орзу менамоям.

Қувваҳои Мусаллаҳи Тоҷикистон  аз  рӯзҳои таъсисёбии худ  дар барқарор кардани сохти конститутсионӣ ва ҳокимияти  қонунӣ, мубориза бар  зидди  дастаҳои мусаллаҳи  ҷинояткор, ошӯбҳои хиёнаткорона,  кӯшишҳои табаддулоти ҳарбии хоинони миллат ва ҳифзи сарҳади давлатӣ  хизмати фидокоронаро анҷом дода, имтиҳони  ҷиддии ҳаётро паси сар намудаанд. Дар ин  раванд хизматчиёни ҳарбии Қувваҳои Мусаллаҳ  борҳо  бо ҷасорату  шуҷоат ва далериву матонати худ ватандӯсти асил будани худро собит намудаанд.

Сарфармондеҳи Олиии Қувваҳои Мусаллаҳи Ҷумҳурии Тоҷикистон,  мӯҳтарам  Эмомалӣ  Раҳмон бо ишора ба садоқати ин нерӯи тавоно ва сипари боэътимоди  давлат қайд намудаанд: “Аз оғози таъсисёбӣ то имрӯз ҳайати шахсии  Қувваҳои  Мусаллаҳи  кишвар дар лаҳзаҳои бисёр ҳассосу тақдирсоз борҳо садоқати худро ба Ватан ва миллати худ, Ҳукумат ва Президенти Тоҷикистон собит сохтааст”.

Қувваҳои Мусаллаҳи Ҷумҳурии Тоҷикистон  имрӯз қодиранд манфиатҳои давлати соҳибистиқлоламонро сарбаландона ҳимоя намоянд. Сол аз сол  беҳтар шудани таъминоти   қисмҳои низомӣ,  шаклан ва мазмунан тағйир ёфтани корҳои  тарбиявию сиёсӣ,  мунтазам гузаронида шудани машқҳои ҳарбӣ  боиси афзудани маҳорати касбию ҷангии сарбозон  мегардад.

Имрӯз бо ифтихор гуфта метавонем, ки Артиши миллиамон  ба талаботи замон ҷавобгӯ буда,  натанҳо дар дохили мамлакат, балки берун аз он низ нуфузу мавқеи хоса касб намудааст. Мардуми шарифи Тоҷикистон бояд дарк намоянд, ки артиши қобили ҳифзи марзу буми кишвари худро доранд ва  халқ метавонад таҳти ҳимояи он  ҳаёти осоишта  ба сар  барад.

Бори дигар фарорасии Рӯзи Артиши миллиро ба сокинони вилоят,  аз  ҷумла  хизматчиёни  ҷузъу  томҳои гарнизони Суғд  табрик гуфта, барояшон сиҳатию  саломатӣ ва  дар фаъолияти пурифтихори хизматӣ комёбиҳо орзу мекунам.

ШУМО ДАР: Паёму табрикот Паёми табрикии Раиси вилоят ба муносибати Рӯзи Артиши миллӣ