Хабарҳо
Соли равон ба Мақомоти иҷроияи ҳокимияти давлатии вилояти Суғд 5075 муроҷиат ворид гардид - 15.12.2017 09:37
4,8 ҳазор метри мураббаъ қолинҳои дастибоф истеҳсол шуд - 15.12.2017 09:36
Суғд: Музди миёнаи маош 1004,76 сомониро ташкил намуд, ки нисбати соли гузашта 244,95 сомонӣ зиёд мебошад - 15.12.2017 09:35
Зариф Мирдадо ба 50 донишҷӯ 5 000 сомонӣ кумакпулӣ тақдим намуд - 15.12.2017 09:34
Беш аз 2414 километр роҳҳои ҳудуди вилояти Суғд таъмир шуд - 15.12.2017 09:31
Нақшаи даромади буҷети давлатӣ 109,7 фоиз таъмин гардид. Ба буҷет 1 694,8 млн. сомонӣ ворид гардид - 15.12.2017 09:32
Суғд: Ба маблағи 450 млн. доллари ИМА маҳсулот содирот шуд - 15.12.2017 09:31
Ба донишҷӯёни фаъолу аълохон ва ихтироъкор беш аз 20 ҳазор сомонӣ тақдим шуд - 15.12.2017 09:28
Основной телохранитель: Из командиров в созидатели беседа с бывшим командиром Хакимом Каландаровым - 14.12.2017 16:58
Ҳисоботи Раиси вилояти Суғд Абдураҳмон Қодирӣ доир ба натиҷаҳои рушди иҷтимоию иқтисодии вилоят дар ёздаҳ моҳи соли 2017 - 14.12.2017 14:30

Паёми табрикии Раиси вилоят бахшида ба Соли нави 2017

( 1 Овоз )

Ҳамдиёрони азиз!

Соли 2016 дар таърихи халқу мамлакатамон соли воқеоти фараҳбахш, рӯйдодҳои таърихӣ ва фаромӯшнашаванда ба ҳисоб меравад. Дар ин соли файзбор мардуми вилоят дар роҳи татбиқи сиёсати оқилонаву дурандешонаи Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба дастовардҳои назарраси меҳнатӣ ноил гардида, ҷашни бошукӯҳи 25-солагии Истиқлолияти давлатии Ҷумҳурии Тоҷикистонро бо рўҳияи баланди ватандорию меҳанпарастӣ истиқбол гирифтанд.

Чунонки Пешвои миллат дар Паёми солонаи худ таъкид намуданд: “Истиқлолият бароямон дастоварди бузургтарин ва ғояи муқаддаси миллӣ буда, мо барои ҳимоя ва пойдору устувор мондани он тамоми саъю талоши худро равона месозем ва ин неъмати бузурги миллатамонро чун гавҳараки чашм эҳтиёту ҳифз мекунем”.

Қобили таъкид аст, ки ба шарофати ин неъмати беназир соли 2016 дар вилоят ҷиҳати иҷрои дастуру супоришҳои Пешвои миллат мўҳтарам Эмомалӣ Раҳмон ва таъмини ҳадафҳои созандаи Ҳукумати ҷумҳурӣ таъмиру таҷдиди саросарии роҳҳои вилоят, бунёди шаҳракҳои аҳолинишин, сохтмони корхонаву коргоҳҳои замонавӣ, муассисаҳои таълимию тандурустӣ, кохҳои фарҳангию маърифатӣ, эҳёи суннатҳои қадимаи қолинбофии дастӣ ва адрасу атласбофӣ дар байни занону духтарон ба таври муназзам идома ёфт.

Сафарҳои навбатии Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба вилоят ва мавриди истифода қарор гирифтани иншооти ҳаётан муҳим ба аҳли ҷомеа рӯҳу илҳоми тоза бахшида, эътимоди мардумро ба шукуфоии Ватани азизамон Тоҷикистон бамаротиб афзун намуд.

Ифтихормандем, ки маҳз бо талошу кӯшишҳои бесобиқаи Пешвои миллат кишвари азизамон дар арсаи дунё баландмақому соҳибмартаба гардидааст. Аз ҷониби ташкилоти бонуфузи ҷаҳонии СММ пазируфта шудани иқдоми навбатии Ҷумҳурии Тоҷикистон оид ба Даҳсолаи нави байналмилалии «Об барои рушди устувор» бори дигар аз нуфузи давлати соҳибистиқлоли мо дар арсаи байналмилалӣ дарак медиҳад.

Итминони комил дорам, ки дар Соли нав низ сокинони вилоят чун тамоми мардуми шарифи кишвар дар татбиқи сиёсати созандаву оқилонаи Президенти Ҷумҳурии Тоҷикистон, мӯҳтарам Эмомалӣ Раҳмон саҳми бештар мегузоранд.

Бо чунин ниятҳои нек фарорасии Соли нави 2017-ро аз номи худ ва мақомоти иҷроияи ҳокимияти давлатии вилоят ба ҳамаи ҳамватанони азиз муборакбод гуфта, оромию осудагӣ, дастархони пур аз нозу неъмат ва саломатию хотирҷамъӣ таманно дорам.

Соли нав муборак бошад!

ШУМО ДАР: Паёму табрикот Паёми табрикии Раиси вилоят бахшида ба Соли нави 2017