Хабарҳо
Дар Конибодом Маркази барқарорсозӣ барои кӯдакони имконияташон маҳдуд кушода шуд - 20.10.2017 11:16
Истаравшан. Нақшаи қисми даромади буҷети давлатӣ бе назардошти андози иҷтимоӣ ба андозаи 104% иҷро шуд - 20.10.2017 11:13
Афзоиши ҳаҷми истеҳсоли гӯшт ва шир дар ноҳияи Ашт - 20.10.2017 09:03
Ҳаҷми гардиши савдои хориҷии вилояти Суғд 1 474 913,8 ҳазор доллари ИМА-ро ташкил дод - 20.10.2017 08:55
Дар ноҳияи Мастчоҳ 47 603 тонна полезиҳо истеҳсол шудааст - 20.10.2017 08:42
Суғд: Ҳаҷми маҳсулоти моҳипарварӣ 2 775,4 ҳазор сомониро ташкил кард - 20.10.2017 08:37
«Мактаби сарварӣ» занони роҳбарро омода менамояд - 19.10.2017 15:52
Қарори Раиси вилоят “Дар бораи тасдиқи Барномаи маҳаллии маҷмӯии рушди тарбияи ҷисмонӣ ва варзиш дар вилояти Суғд барои солҳои 2017-2021” ба тасвиб расид - 19.10.2017 10:25
Аз Хуҷанд ба хориҷи кишвар ба маблағи 189,2 миллион сомонӣ маҳсулот содирот карда шудааст - 19.10.2017 09:18
Ҷаласаи Шӯрои ҷамъиятӣ доир шуд - 18.10.2017 13:41

Паёми табрикии Раиси вилоят бахшида ба Рўзи соҳибкорон

( 0 Овоз )

Ҳамдиёрони гиромӣ!

Асосгузори сулҳу Ваҳдати миллӣ – Пешвои миллат, мўҳтарам Эмомалӣ Раҳмон ҳанўз ду сол қабл дар мулоқоти худ бо соҳибкорону сармоягузорон чунин иброз карда буданд: «Пешниҳод мекунам, ки ба хотири заҳматҳои кашидаи шумо дар роҳи ободии Ватан ва ҳамчун рамзи дастгирии фаъ-олияти содиқонаву софдилонаатон 14 октябр дар мамлакат Рўзи соҳибкорон эълон карда шавад».

Дар таърихи навини Тоҷикистони соҳибистиқлол таҷлили Рўзи соҳибкорон бо дастовардҳои азими меҳнатӣ, ки ба сўи ояндаи нек қадамҳои боэътимод мегузоранд, нақши муниру барҷаста дорад.

Дар Паёми худ ба Маҷлиси Олии Ҷумҳурии Тоҷикистон Асосгузори сулҳу Ваҳдати миллӣ - Пешвои миллат, мўҳтарам Эмомалӣ Раҳмон рушди устувори соҳибкориро ҳамчун кафолати боэътимоди иқтисодиёт ва паст гардидани шиддати таъсири бўҳрони молиявӣ шуморида, мақом ва рисолати соҳибкоронро дар ҳаёти давлату ҷамъият ва таҷдиди рукнҳои бунёдии он пайваста таъкид карда, ба густариши созандагию бунёдкорӣ даъват менамоянд.

Сарвари давлат бо боварӣ ба нерўи бузурги соҳибкорон эътимод доранд, чунки рушди соҳибкорӣ барои ғанӣ гардонидани буҷети давлатӣ мусоидат хоҳад кард.

Барои рушди фаъолияти соҳибкорӣ «Барномаи дастгирии давлатии соҳибкорӣ дар Ҷумҳурии Тоҷикистон барои солҳои 2012-2020», ки бо қарори Ҳукумати Ҷумҳурии Тоҷикистон аз 1 декабри соли 2014 тасдиқ шудааст, мусоидат хоҳад намуд.

Ҳукумат ва роҳбарияти вилоят ҳар як иқдоми нек ва ташаббуси созандагии соҳибкорону сармоягузоронро ҳамеша дастгирӣ карда, барои амалишавии мақсаду мароми онҳо ҳамаи шароитҳои заруриро муҳайё менамояд. Зеро ҳадафи аслии  ҳар яки мо ободу зебо сохтани Ватани азизамон мебошад, ки ба ин васила барои наслҳои имрўзу ояндаи кишвар шароити хуби кору зиндагиро  таъмин намоем. Итминон дорам, ки бо азму талоши Ҳукумат ва саҳми ҳар як фарди ватандўсту бо- нангу номуси миллат дар солҳои наздиктарин истеҳсоли маҳсулоти ватанӣ ба маротиб афзун гардида, ин иқдом боиси боз ҳам таҳким ёфтани имкониятҳои иқтисодии давлати соҳибистиқлоламон ва беҳтар шудани сатҳу сифати зиндагии мардуми кишварамон мегардад.

Саҳми соҳибкорон дар рушди иҷтимоию иқтисодии вилоят, дар ворид намудани технологияҳои нави истеҳсолӣ ва вусъати корҳои созандагию  бунёдкорӣ назаррас аст.

Тамоми соҳибкоронро бо рўзи касбиашон табрик намуда, ба онҳо сарбаландию хонаободӣ ва дастовардҳои навини меҳнатиро таманно дорам.


ШУМО ДАР: Паёму табрикот Паёми табрикии Раиси вилоят бахшида ба Рўзи соҳибкорон