Хабарҳо
Машварати кории Раиси вилоят бо кормандони соҳаи тиб - 16.08.2017 14:50
Варзишгарони ноҳияи Бобоҷон Ғафуров 218 медали тилло ба даст овардаанд - 16.08.2017 09:29
Дар шаҳри Гулистон ба маблағи 1,8 миллиард сомонӣ маҳсулоти саноатӣ истеҳсол гардид - 16.08.2017 09:21
Ҳафтаи фарҳанги ВМКБ дар вилояти Суғд баргузор мешавад - 15.08.2017 14:09
Саёҳати як гурӯҳ сокинони вилояти Суғд дар шаҳрҳои Душанбе, Ҳисор ва Турсунзода - 15.08.2017 09:08
Дастаи “Хуҷанд” аз дастаи КМВА «Помир»-и Душанбе шикаст хӯрд - 14.08.2017 15:49
Ҷаласаи 15 – уми Шӯрои байнидавлатии ИДМ дар шаҳри Гулистон баргузор мешавад - 14.08.2017 14:07
Беш аз 100 нафар омӯзгорон ройгон ба истироҳат фаро гирифта шуданд - 14.08.2017 09:21
Боз як филми нав аз “Суғдсинамо”. Нахустнамоиши “Тангно” моҳи сентябр баргузор мешавад - 14.08.2017 09:20
Шарҳи тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ва дигар санадҳои меъёрии ҳуқуқӣ дар самти танзими анъана ва ҷашну маросимҳо - 14.08.2017 09:18

Табрики Раиси вилоят Абдураҳмон Қодирӣ бахшида ба Рўзи Фалак

( 0 Овоз )

Ҳамдиёрони гиромӣ!

Бо мақсади ривоҷу равнақ бахшидан ба рушду инкишофи санъати фалакхонӣ дар қаламрави кишвар бо ҳидоят ва дастгирии Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон, мўҳтарам Эмомалӣ Раҳмон таҷлили Рўзи Фалак санаи 10 октябр ба тақвими ҷашнвораҳои мамлакат ворид гардидааст.

Муддати 9 сол аст, ки мардуми кишвар ва кормандони соҳаи фарҳанг Рўзи Фалакро ҳамчун рўйдоди муҳими фарҳангӣ хотирмон таҷлил менамоянд.

Таҷлили ин ҷашн муҳимтарин рўйдоди фарҳангӣ дар даврони соҳибистиқлолии кишвар маҳсуб ёфта, он дар рушди минбаъдаи санъати сарояндагӣ, мусиқии миллии халқӣ, тарғибу ташвиқи эҷодиёти бадеӣ ва фолклору мардумшиносӣ, ки аз эҷодиёти бою рангини халқ сарчашма мегирад, нақши шоиста дорад.

Санъатҳои қадимаи миллӣ, аз ҷумла Фалак собит месозад, ки миллати тамаддунофари тоҷик фарҳанги бою қадима, сабки хосаи санъати мусиқӣ ва сарояндагиро тўли асрҳо аз насл ба насл интиқол дода, дар рушди ҷомеа ва болоравии маънавиёти мардум нақши амиқ гузоштааст.

Дар вилоят низ бобати амалӣ намудани дастури Сарвари давлат ҷиҳати ташкил намудани ансамбли фолклорӣ-этнографии “Фалак” ва ба роҳ мондани фаъолияти ҳунариву эҷодии он бо фароҳам овардани шароити мусоид тадбирҳои мушаххас амалӣ гардиданд.

Дар санъати фалаксароӣ орзуву ормонҳои халқ – созандагиву бунёдкорӣ ва ҳидоят ба зиндагии арзанда, намунаҳои беҳтарину нотакрори рўҳбахш, инсонҳоро ба кору пайкори нек, амалҳои наҷиб ва нисбат ба ҳамдигар ҳалиму меҳрубон гардонанда таҷассум ёфтааст.

Итминон дорем, ки дўстдорону алоқамандон ва санъаткорони вилоят, аҳли ҳунару эҷод ҷавобан ба дастгириву ғамхориҳои роҳбарияти мамлакат дар самти рушди соҳаи фарҳанг, дар тарбияву камолоти истеъдодҳои нав ва ҷустуҷўву бозёфти беҳтарин намунаҳои назмиву мусиқии санъати Фалак ба комёбиҳои арзанда шарафёб гардида, барои боз ҳам ғанӣ гардонидани барномаҳои ҳунариву эҷодӣ ва ба ин васила саҳмгузорӣ дар рушд ва ободии Ватани азизамон – Тоҷикистони соҳибистиқлол саҳми назаррас мегузоранд.

Рўзи Фалак барои кулли санъаткорон, алоқамандони санъати фалаксароӣ муборак бошад!

Иди касбӣ муборак!

ШУМО ДАР: Паёму табрикот Табрики Раиси вилоят Абдураҳмон Қодирӣ бахшида ба Рўзи Фалак