Хабарҳо
Вохӯрии роҳбарони муассисаҳои олии вилоят бо хатмкунандагон дар ноҳияи Ашт - 12.02.2020 14:04
ЭЪЛОН: 15 феврал ярмарка-фурӯши ниҳол ва кӯчату тухмии гулу зироатҳо доир мешавад - 12.02.2020 16:45
Барои дарёфти Ҷоизаи журналистони вилоят ба номи Ҳоҷӣ Содиқ - 14.02.2020 17:10
Шиносоии Раиси вилоят бо фаъолити ҶСК “Қолинҳои Қайроққум” - 18.02.2020 18:39
Айби худ аблаҳ набинад дар ҷаҳон.... - 18.02.2020 17:51
Мулоқоти Раиси вилояти Суғд, Раиси Федератсияи футболи вилоят Раҷаббой Аҳмадзода бо намояндагони дастаҳои футболи шаҳру ноҳияҳо - 17.02.2020 18:02
Раиси вилоят намояндагони Академияи илмҳои миллии Ҷумҳурии Белорусро ба ҳузур пазируфт - 18.02.2020 12:04
Шиносоии Раиси вилоят бо фаъолити ҶСК “Қолинҳои Қайроққум” - 18.02.2020 14:39
Ба сохтмони бинои маъмурии Кумитаи иҷроияи ҲХДТ дар шаҳри Гулистон санги асос гузошта шуд - 18.02.2020 14:42
Раиси вилоят аз сохтмони осоишгоҳ дар шаҳри Гулистон сохташаванда шинос шуд - 18.02.2020 14:43

Табрики Раиси вилоят ба муносибати Рӯзи мошинсозон

( 1 Овоз )

Мошинсозони мӯҳтарам,

Мусаллам аст, ки соҳаи мошинсозӣ солҳои охир дар мамлакат эҳё гардида, ривоҷу равнақ ёфта ба самтҳои иқтисодӣ таъсири мусбӣ мерасонад, ки ин яке аз равандҳои муҳим ва самари сиёсати бунёдкоронаи Ҳукумати мамлакат маҳсуб меёбад. Президенти Ҷумҳурии Тоҷикистон, мӯҳтарам Эмомалӣ Раҳмон саноатро меҳвари асосии иқтисодиёт ҳисобида, таъкид намудаанд, ки ворид намудани технологияи нави муосир, таъсиси ҷойҳои нави корӣ ва истеҳсоли маҳсулоти рақобатпазир аз вазифаҳои муҳими рӯз аст.

Дар вилоят ба фаъолият ва рушди корхонаҳои ин соҳа таваҷҷӯҳи хоса зоҳир карда шуда, барои барқароркунии иқтидорҳо кӯмаки ҳамаҷиҳата расонида мешавад. Хушбахтона, тадбирҳои амалӣ намудаи мақомоти иҷроияи ҳокимияти давлатии вилоят натиҷаҳои хуб медиҳанд ва сол то сол рушду инкишоф дар соҳа ба назар мерасад.

Истеҳсол ва сифати маҳсулоти ватанӣ аз қабили қисмҳои эҳтиётии таъмири қатораҳо,  техникаи хоҷагии қишлоқ, таҷҳизоти автомобилӣ, барқӣ, радио, аробачаҳои маъюбон ва ғайра имрӯз писанди мизоҷон гардидаанд ва дар идомаи ин самти муҳим кормандони соҳа дар ҳафт моҳи соли 2013 ҳаҷми истеҳсоли маҳсулотро ба 11,5 млн. сомонӣ расониданд, ки дар қиёс бо соли гузашта натиҷаи нек ва назаррас маҳсуб меёбад.

Бояд зикр кард, ки корхонаҳои таъмири қатораҳои Маҳрами шаҳри Конибодом, корхонаи воҳиди давлатии «Таъмири механикӣ»-и ноҳияи Ҷаббор Расулов,  Ҷамъияти дорои масъулияти маҳдуди «Ҳадид»-и шаҳри Истаравшан, ҷамъияти дорои масъулияти маҳдуди КМ «Само», Ҷамъияти дорои масъулияти маҳдуди «Алмоси Хуҷанд» ва Ҷамъияти дорои масъулияти маҳдуди КМ «Садаф Чан Юй»-и шаҳри Хуҷанд иди касбии худро бо натиҷаҳои хуб истиқбол мегиранд.

Соҳаи мошинсозӣ ояндаи нек дорад. Эътимоди комил дорам, ки роҳбарият, кормандони муҳандисӣ, техникӣ ва коргарон анъанаҳои беҳтарини меҳнатиро идома дода, барои пойдор намудани шӯҳрати соҳа меҳнати пурсамар мекунанд.

Кормандони соҳаро бо иди касбиашон табрику таҳният гуфта, барояшон умри дароз, бахту саодат ва дар фаъолияти  меҳнатиашон муваффақияту комёбиҳо таманно менамоям.

ШУМО ДАР: Паёму табрикот Табрики Раиси вилоят ба муносибати Рӯзи мошинсозон