Хабарҳо
Вохӯрии роҳбарони муассисаҳои олии вилоят бо хатмкунандагон дар ноҳияи Ашт - 12.02.2020 14:04
ЭЪЛОН: 15 феврал ярмарка-фурӯши ниҳол ва кӯчату тухмии гулу зироатҳо доир мешавад - 12.02.2020 16:45
Барои дарёфти Ҷоизаи журналистони вилоят ба номи Ҳоҷӣ Содиқ - 14.02.2020 17:10
Шиносоии Раиси вилоят бо фаъолити ҶСК “Қолинҳои Қайроққум” - 18.02.2020 18:39
Айби худ аблаҳ набинад дар ҷаҳон.... - 18.02.2020 17:51
Мулоқоти Раиси вилояти Суғд, Раиси Федератсияи футболи вилоят Раҷаббой Аҳмадзода бо намояндагони дастаҳои футболи шаҳру ноҳияҳо - 17.02.2020 18:02
Раиси вилоят намояндагони Академияи илмҳои миллии Ҷумҳурии Белорусро ба ҳузур пазируфт - 18.02.2020 12:04
Шиносоии Раиси вилоят бо фаъолити ҶСК “Қолинҳои Қайроққум” - 18.02.2020 14:39
Ба сохтмони бинои маъмурии Кумитаи иҷроияи ҲХДТ дар шаҳри Гулистон санги асос гузошта шуд - 18.02.2020 14:42
Раиси вилоят аз сохтмони осоишгоҳ дар шаҳри Гулистон сохташаванда шинос шуд - 18.02.2020 14:43

Табрики Раиси вилоят бахшида ба 22 - солагии Истиқлолияти давлатии Ҷумҳурии Тоҷикистон

( 1 Овоз )

Ҳамватанони азиз!

Боиси ифтихор ва шодмонӣ аст, ки мардуми сарбаланди кишвар дар фазои сулҳу ваҳдат ва якдиливу ҳамдигарфаҳмӣ баъди таассуроти неку наҷиб аз баргузории Конфронси байналмилалӣ оид ба ҳамкорӣ дар соҳаи об дар пойтахти Ватанамон шаҳри Душанбе солгарди Истиқлолияти давлатии Ҷумҳурии Тоҷикистонро ботантана таҷлил менамоянд.

Дар Паёми имсолаи хеш Президенти мамлакат, Ҷаноби Олӣ, мӯҳтарам Эмомалӣ Раҳмон марҳилаи муҳими тайкардаи халқи тоҷикро дар даврони Истиқлолият ҷамъбаст намуда, ҳафт ҳадафи асосиро таъкид карданд, ки ҳамаи онҳо ба ҳифзи давлату давлатдорӣ, анъанаҳои аҷдодӣ, ҳуввият ва худшиносии миллӣ, муқаддас доштани забони давлатӣ ва рӯ овардан ба нерӯю афкори ҷавонон, бузург доштани анъанаҳои фарҳанги миллӣ ва баланд бардоштани маърифати ҷомеа нигаронда шудаанд.

Дар дарозои таърих ҳамеша миллати тоҷик тамаддунпарвар, шаҳрнишин, фарҳанггаро, адабпарвар ва зебоишинос буд.

Имрӯз рисолати ҳар фарди тоҷик обод намудани диёри хушманзару зебо мебошад. Дар пойтахти мамлакат Қасри миллат, Китобхонаю Осорхонаи миллӣ ва даҳҳо иншоотҳои бузургу зебо сохта шуданд ва дар вилояти Суғд низ ин амали нек пайваста амалӣ гардида, Қасри фарҳангии Арбобу Чойхонаи миллии он, Мактаби Президентӣ, Кохи матбуот, Осоишгоҳи «Баҳористон», истироҳатгоҳи бачагон ва наврасони «20-солагии Истиқлолият», варзишгоҳҳои бузург дар Хуҷанду Истаравшану Исфара, Қасри варзиш ва мактабу дабистонҳо – ҳама бо тарҳу намуди нотакрор ва зебою беҳамто қомат афрохтанду мавриди истифода қарор доранд.

Ҳамватанони азиз!

Дар чунин лаҳзаҳои ҳаяҷонбахш барои ман басо фараҳбахш аст, ки тамоми мардуми шарафманди вилоятро бо 22-умин солгарди Истиқлолияти давлатии Ҷумҳурии Тоҷикистон табрику таҳният гуфта, барои ҳамагон бахту саодат, сиҳатмандию комёбиҳои беназири меҳнатӣ ва ривоҷу баракати рӯзгорро таманно намоям.

Бигузор бузургтарин дастоварди миллатамон – Истиқлолияти давлатӣ поянда ва ҷовидон бимонад!

Рӯзи Истиқлол муборак, ҳамдиёрони азиз!

ШУМО ДАР: Паёму табрикот Табрики Раиси вилоят бахшида ба 22 - солагии Истиқлолияти давлатии Ҷумҳурии Тоҷикистон