Хабарҳо
Боздиди Раиси вилоят аз парвариши помидор ва қаламфури ширин дар хоҷагии деҳқонии «Дӯстобод-2» - 29.05.2020 19:20
Раиси вилоят Раҷаббой Аҳмадзода наврасони маъюбро аёдат намуд - 29.05.2020 18:26
Спитамен: Оилаҳои аз бемории сироятӣ фавтида аёдат карда шуданд - 29.05.2020 16:53
Боздиди Раиси вилоят аз рафти корҳои саҳроӣ дар ноҳияи Спитамен - 29.05.2020 16:36
Боздиди Президенти мамлакат Эмомалӣ Раҳмон аз намоиши маҳсулоти кишоварзии сокинони шаҳру ноҳияҳои вилояти Хатлон дар бозори Каёнуши ноҳияи Данғара - 29.05.2020 13:46
Президенти мамлакат Эмомалӣ Раҳмон бинои Суди ноҳияи Данғараро ифтитоҳ намуданд - 29.05.2020 13:44
ҲИСОБОТ оид ба иҷрои буҷети вилояти Суғд дар семоҳаи якуми соли 2020 - 28.05.2020 18:48
Хуҷанд: Ташхисгоҳи нави вирусологӣ ба фаъолияти хеш оғоз бахшид - 29.05.2020 11:00
Боздиди Раиси вилоят аз корхонаи «Сано» - 28.05.2020 20:40
Шиносоӣ бо ҷараёни корҳои кашидани хатти оби нӯшокӣ дар маҳаллаҳои навбунёди шаҳри Хуҷанд - 28.05.2020 20:43

Табрики Раиси вилоят ба муносибати Рӯзи Рӯдакӣ

( 1 Овоз )

Ҳамдиёрони азиз!

Фарорасии Рӯзи муборак ва фархундаро, ки ба номи қофиласолори адабиёти тоҷику форс – устод Абуабдуллоҳи Рӯдакӣ дар тақвими навини миллати мо аз баракоти соҳибистиқлолии Тоҷикистони азиз сабт шудааст,  ба тамоми мардуми шарифи вилоят самимона таҳният гуфта, бароятон саодати рӯзгор, тавфиқу сарбаландӣ ва дастовардҳои нек таманно менамоям.

Ба номи бунёдгузори адабиёти тоҷику форс пайванд гирифтани ҷашни махсус дар миёни дигар маросиму идҳои миллии халқамон ҳикмати ҷовидонаеро дар худ таҷассум намудааст, ки он ҷомеаро ба сӯи арзишҳои миллӣ, худшиносиву худогоҳӣ, инсонгаройиву инсонсолорӣ ҳидоят месозад. Тавре ки Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон таъкид намудаанд: «Рӯзи Рӯдакӣ на танҳо иди бузургдошти сардафтари адабиёти оламгири тоҷику форс, балки иди мероси адабию илмӣ, фаннӣ ва ахлоқии беш аз ҳазорсолаи тамаддуни миллати мост».

Ҳамасола бо шукӯҳу шаҳомати хоса таҷлил гардидани Рӯзи Рӯдакӣ бори дигар аз он дарак медиҳад, ки имрӯз калому паёми устод ҳидоятгари ҷомеаи мо ба сӯи арзишҳои маънавӣ, тараннуми инсонгароӣ, ахлоқи олии инсонӣ ва маънавиятпарвариву мардумсолорӣ ба шумор рафта, нуфузи ҷаҳони андешаҳои ӯ ба таъмини ниёзҳои ахлоқи ҷомеаи башарӣ тавассути фармудаҳои устод ишорат мекунад. Руҷӯи оламиён ба сурудаҳои мондагори устоди шоирон дар баробари қадршиносии афкори беназири як нафар фарзанди фарзонаи миллати тоҷик аз сӯи ҷомеаи ҷаҳонӣ ба афзудани мақому ҷойгоҳи фарҳанг ва тамаддуни миллии мо дар ақсои олам таъкид дорад.

Имрӯз дар афкору андешаи насли наврас парваридани муҳаббат ба фарҳанги миллӣ аз масъалаҳое мебошанд, ки дар замони худ устод Рӯдакӣ арҷ мегузоштаанд. Ба мероси гаронбаҳои ин нобиғаи миллат муроҷиат карда, мо имрӯз ҳам метавонем, ба бисёр суолҳои худ посух биёбем. Осори устод Рӯдакӣ рамзи абадияти фарҳангу адаби миллати тоҷик буда, аз замон то замонҳои дигар низ умри ҷовидона хоҳад дид.

Боварии комил дорам, ки ин манзалати фикрӣ ва ин қудрати ақлонии таҷассумёфта дар шеъру андешаҳои пурҳикмати устод Рӯдакӣ имрӯзу фардо  тарбиятгари ҷомеаи башарӣ ба сӯи арзишҳои олии инсонӣ ва ҳидоятгари ҷаҳони муосир ба самти созандагиву офарандагӣ хоҳад монд.

Бо чунин ниятҳои нек бори дигар фарорасии Рӯзи Рӯдакиро ба тамоми мардуми шарифи вилоят сидқан таҳният гуфта, орзуманди он ҳастам, ки то ҷовидонаҳо каломи ин абармарди нотакрори таърихи миллати тоҷик навозишгари рӯҳу ҷонҳо бимонад.

Рӯзи Рӯдакӣ муборак, ҳамдиёрони азиз!

 

ШУМО ДАР: Паёму табрикот Табрики Раиси вилоят ба муносибати Рӯзи Рӯдакӣ