Хабарҳо
Соли равон озмуни вилоятии “Донишҷӯи сол - 2020” доир мегардад - 19.02.2020 14:01
Нақшаи чорабиниҳои мақомоти иҷроияи ҳокимияти давлатии вилояти Суғд оид ба иҷрои вазифаҳое, ки дар Паёми Президенти мамлакат баён гардиданд, тасдиқ гардид - 19.02.2020 13:59
Мулоқоти номзадҳо бо интихобкунандагон дар шаҳри Панҷакент - 19.02.2020 13:48
Вохӯрии роҳбарони муассисаҳои олии вилоят бо хатмкунандагон дар ноҳияи Ашт - 12.02.2020 14:04
ЭЪЛОН: 15 феврал ярмарка-фурӯши ниҳол ва кӯчату тухмии гулу зироатҳо доир мешавад - 12.02.2020 16:45
Барои дарёфти Ҷоизаи журналистони вилоят ба номи Ҳоҷӣ Содиқ - 14.02.2020 17:10
Шиносоии Раиси вилоят бо фаъолити ҶСК “Қолинҳои Қайроққум” - 18.02.2020 18:39
Айби худ аблаҳ набинад дар ҷаҳон.... - 18.02.2020 17:51
Мулоқоти Раиси вилояти Суғд, Раиси Федератсияи футболи вилоят Раҷаббой Аҳмадзода бо намояндагони дастаҳои футболи шаҳру ноҳияҳо - 17.02.2020 18:02
Раиси вилоят намояндагони Академияи илмҳои миллии Ҷумҳурии Белорусро ба ҳузур пазируфт - 18.02.2020 12:04

Табрики Раиси вилоят ба муносибати Рӯзи кормандони ҷангал

( 1 Овоз )

Ҳамдиёрони гиромӣ!

Тибқи Қонуни Ҷумҳурии Тоҷикистон «Дар бораи рӯзҳои ид», ҳар сол санаи 15 сентябр дар қаламрави кишвари соҳибистиқлоламон Рӯзи кормандони ҷангал бо тантана таҷлил карда мешавад. Ривоҷу равнақи ин соҳа   барои инкишофи ояндаи иқтисодиёти Тоҷикистон хеле муҳим аст ва чун таҳкурсии мустаҳкам хизмат мекунад.

Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон хеле бамаврид қайд намудаанд, ки хоҷагии ҷангал барои мамлакати мо яке аз соҳаҳои манфиатовар  ва муҳимтарин ба шумор меравад.

Ҷангалпарварони вилоят «Барномаи рушди хоҷагии ҷангали Ҷумҳурии Тоҷикистон барои солҳои 2006 – 2015», «Барномаи давлатии оид ба парвариш, ҷамъоварӣ коркарди гиёҳҳои шифобахш ва тайёр намудани доруворӣ аз онҳо барои солҳои 2005 – 2014»-ро,   сармашқи кори худ қарор дода, соли ҷорӣ як қатор корҳоро ба анҷом расониданд.

Аз ҷумла, дар майдони 311,8 гектар ҷангалзори нав бунёд намуда, нигоҳубини 880 гектарро амалӣ гардониданд. Инчунин дар майдони 25,3 гектар плантатсияи сафедор бунёд намуда, 18 намуди кӯчати ниҳолу бутта ба миқдори 184,2 ҳазор бех фурӯхта шудааст.

Ба зиммаи ҷангалпарварон муҳофизати арчазорҳо, тӯқайзорҳо ва олами ҳайвоноту паррандагон низ гузошта шудааст. Бояд қайд намуд, ки дар миқёси вилоят парваришгоҳҳои «Искандаркӯл» ва «Сой–Вота»-и ноҳияи Айнӣ,  «Зарафшон»-и шаҳри Панҷакент, «Оқтош»–и ноҳияи Ашт, «Кусавлисой»–и ноҳияи Шаҳристон фаъолият доранд. Ҳамзамон    тибқи  барномаи давлатӣ ҳар сол то 100 ҳазор бех ниҳоли арчаи зарафшонӣ парвариш карда мешавад.

Ҷангалпарварон барои ташкил намудани шикор ва ба рушди саёҳати хориҷиён низ эътибор дода истодаанд, ки ин раванд ояндаи хуб дорад.

Боварии комил дорам, ки ҷангалпарварони вилоят дар иҷрои ин вазифаҳои хеш ҳиссаи амиқ гузошта, рушду нумӯи соҳаро таъмин менамоянд.

Тамоми кормандони соҳаро бо Рӯзи кормандони ҷангал муборакбод намуда, барояшон тансиҳатӣ, хонаободӣ, умри дароз, бахту саодат ва муваффақиятҳои нав ба нави меҳнатӣ таманно дорам.

Иди касбӣ, муборак!

ШУМО ДАР: Паёму табрикот Табрики Раиси вилоят ба муносибати Рӯзи кормандони ҷангал