Хабарҳо
Боздиди Раиси вилоят аз парвариши помидор ва қаламфури ширин дар хоҷагии деҳқонии «Дӯстобод-2» - 29.05.2020 19:20
Раиси вилоят Раҷаббой Аҳмадзода наврасони маъюбро аёдат намуд - 29.05.2020 18:26
Спитамен: Оилаҳои аз бемории сироятӣ фавтида аёдат карда шуданд - 29.05.2020 16:53
Боздиди Раиси вилоят аз рафти корҳои саҳроӣ дар ноҳияи Спитамен - 29.05.2020 16:36
Боздиди Президенти мамлакат Эмомалӣ Раҳмон аз намоиши маҳсулоти кишоварзии сокинони шаҳру ноҳияҳои вилояти Хатлон дар бозори Каёнуши ноҳияи Данғара - 29.05.2020 13:46
Президенти мамлакат Эмомалӣ Раҳмон бинои Суди ноҳияи Данғараро ифтитоҳ намуданд - 29.05.2020 13:44
ҲИСОБОТ оид ба иҷрои буҷети вилояти Суғд дар семоҳаи якуми соли 2020 - 28.05.2020 18:48
Хуҷанд: Ташхисгоҳи нави вирусологӣ ба фаъолияти хеш оғоз бахшид - 29.05.2020 11:00
Боздиди Раиси вилоят аз корхонаи «Сано» - 28.05.2020 20:40
Шиносоӣ бо ҷараёни корҳои кашидани хатти оби нӯшокӣ дар маҳаллаҳои навбунёди шаҳри Хуҷанд - 28.05.2020 20:43

Табрики Раиси вилоят бахшида ба рӯзи ихтироъкорон ва навоварон

( 0 Овоз )

Ҳар сол тибқи Қонуни Ҷумҳурии Тоҷикистон «Дар бораи рӯзҳои ид» якшанбеи сеюми моҳи август ҳамчун Рӯзи ихтироъкорон ва навоварон таҷлил карда мешавад.

Воқеан, ба тақвими ҷашну маросимҳои миллӣ ва давлатӣ ворид шудани рӯзи касбии ихироъкорон ва навоварон баёнгари он аст, ки имрӯз дар кишвари мо бо дастуру ҳидоятҳои Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон ба кашфиёту ихтирооти илмӣ таваҷҷӯҳи махсус зоҳир мегардад. Ин муносибати олӣ ба аҳли илму маърифат бори дигар собит месозад, ки ҳамагуна ташаббус ва афкору пешниҳоди муфиди мавриди пуштибонии давлат ва Ҳукумат қарор дорад.

Ихтирооту навоварӣ дар ҳама дару замон барои рушди маҳсулнокии меҳнату самарнокии истеҳсолот  мусоидат намуда, яке аз омилҳои асосии баланд бардоштани шароити арзандаи зиндагии мардум маҳсуб меёбад.

Дастовардҳои солҳои охир барои пурзӯр гардонидани раванди баландбардории сатҳи зиндагии мардум, тараққиёти соҳаи саноат ва хоҷагии қишлоқ натиҷаҳои хуб ба бор овардааст, ки шоёни таҳсин аст.

Асри XXI, ки асри иттилоот ва технология буда, навоварию эҷодкорӣ бо суръати кайҳонӣ пеш рафта истодааст, ихтироъкорон ва навоварони моро низ зарур аст, то ҷиҳати ҳамқадами замони муосир гардидан боз ҳам кӯшиш ба харҷ дода, бо ихтирову эъҷодиёти навин маҳорату истеъдод ва донишу малакаи хешро нишон диҳанд.

Мақомоти иҷроияи ҳокимияти давлатии вилоят ба нерӯи зеҳниву ақлонии ихтироъкорону навоварон умед ва боварии комил дошта,  баҳри  ба амал татбиқ намудани андешаҳои илмии онҳо ва барои дастгирии аҳли илм, ихтироъкорону навоварон ҳамаҷониба талош менамояд.

Бо ин ниятҳои нек, Рӯзи ихтироъкорон ва навоваронро ба ҳар як кашфиётчиёну навоварони вилоят самимона шодбош гуфта, орзуманди он ҳастам, ки ҳамеша андешаҳои олӣ ва пурқиммати илмиашон дар ривоҷу равнақ бошад, то хоҷагии халқи вилоят аз маҳсули онҳо ба пешрафту шукуфоиҳои нав ба нав мушарраф гардад.

ШУМО ДАР: Паёму табрикот Табрики Раиси вилоят бахшида ба рӯзи ихтироъкорон ва навоварон