Қарори Раиси вилояти Суғд Дар бораи расонидани кӯмаки моддӣ ба маъюбони бартарафкунии садамаи Нерӯгоҳи барқи атомии Чернобил

( 0 Овоз )

Қарори

Раиси вилояти Суғд

аз 3 январи соли 2019, № 3, шаҳри Хуҷанд

Дар бораи расонидани кӯмаки моддӣ ба маъюбони бартарафкунии садамаи Нерӯгоҳи барқи атомии Чернобил

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», бо мақсади қадршиносӣ, ҳифзи иҷтимоии маъюбони бартарафкунии садамаи Нерӯгоҳи барқи атомии Чернобил ва бо назардошти дархости сардори шуъбаи ҳифзи иҷтимоии аҳолии вилоят аз 24 декабри соли 2018, №687, қарор мекунам:

1.Шуъбаи ҳифзи иҷтимоии аҳолии вилоят вазифадор карда шавад, ки аз 1 январи соли 2019 ба маъюбони бартарафкунии садамаи Нерӯгоҳи барқи атомии Чернобил тибқи рӯйхати замимашуда ба ҳар яке ҳар моҳ дар ҳаҷми 80 сомонӣ аз ҳисоби маблағҳои ба шуъбаи ҳифзи иҷтимоии аҳолии вилоят дар соли 2019 ба ин мақсад пешбинишуда кӯмакпулӣ пардохт намуда, назорати истифодаи мақсаднок ва босамари маблағи ҷудошударо таъмин намояд.

2. Раёсати Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон дар вилояти Суғд вазифадор карда шавад, ки барои сари вақт пардохт гардидани кӯмакпулӣ дархостро ҳар моҳ то санаи 5 - ум ба шуъбаи ҳифзи иҷтимоии аҳолии вилоят пешниҳод намояд.

3. Бо назардошти афзудани теъдоди маъюбони бартарафкунии садамаи Нерӯгоҳи барқи атомии Чернобил ва дар ҳолати норасоии маблағҳои ба ин мақсад ҷудогардида, хароҷоти иловагӣ аз ҳисоби маблағи сарфашудаи барои иштирокчиён ва маъюбони Ҷанги Бузурги Ватанӣ пешбинишуда пардохт карда шавад.

4. Қарори Раиси вилояти Суғд аз 4 январи соли 2018, №11 «Дар бораи расонидани кӯмаки моддӣ ба маъюбони бартарафкунии садамаи Нерӯгоҳи барқи атомии Чернобил» аз эътибор соқит дониста шавад.

5. Назорати иҷрои қарори мазкур ба зиммаи муовинони Раиси вилоят Назира Fаффорӣ ва Анвар Яъқубӣ гузошта шавад.

Раиси вилоят                                                Раҷаббой Аҳмадзода

ШУМО ДАР: САНАДҲО Қарори Раиси вилояти Суғд Дар бораи расонидани кӯмаки моддӣ ба маъюбони бартарафкунии садамаи Нерӯгоҳи барқи атомии Чернобил