Хабарҳо
Шиносоии Раиси вилоят бо фаъолияти хоҷагиҳои деҳқонӣ ва рафти сохтмони иншооти ҷашнӣ дар Исфара - 18.10.2019 16:54
Мулоқоти Раиси вилоят бо фаъолони шаҳри Исфара - 18.10.2019 16:37
Баргузории қабули шаҳрвандон дар шаҳри Исфара - 18.10.2019 16:32
Ба 60 нафар занону духтарони ҳунарманди вилоят 420 000 сомонӣ маблағҳои грантӣ тақдим карда шуд - 18.10.2019 15:22
Баргузории ҷаласаи навбатии ҳайати мушовараи Раёсати маорифи вилояти Суғд - 18.10.2019 12:06
19 октябр бахшида ба Иди Меҳргон дар маркази вилоят ярмарка-фурӯши маҳсулоти кишоварӣ доир мешавад - 18.10.2019 11:02
Шиносоии хонандагони макотиби ноҳияҳои Айнӣ ва Куҳистони Мастчоҳ бо шароити таҳсил дар ДДҲБСТ - 18.10.2019 10:40
Пешвои миллат Эмомалӣ Раҳмон бо хизматчиёни соҳаи ақибгоҳи сохторҳои низомии мамлакат мулоқот намуданд - 17.10.2019 16:40
Ответ киргизским провокаторам: Бодканд наша таджикская земля - 17.10.2019 15:50
Кыргызско-таджикская граница. Каждое действие рождает противодействие - 17.10.2019 15:16

Навиди Раиси вилоят

А. Қодирӣ ба пайвандони ҳалокшудагони садамаи нақлиётӣ изҳори ҳамдардӣ намуд

( 3 Овоз )

А. Қодирӣ ба пайвандони ҳалокшудагони садамаи нақлиётӣ изҳори ҳамдардӣ намудДар натиҷаи  садамаи нохуши роҳу нақлиётие, ки  дар дараи Варзоб ба вуҷуд омад, 4 нафар сокинони шаҳри Истаравшан, ки ҳамаи  онҳо варзишгарон  мебошанд, ба ҳалокат расиданд. Раиси вилояти Суғд Абдураҳмон Қодирӣ барои изҳори тасаллият ва ҳамдардӣ ба наздикони фавтидагон ба шаҳри Истаравшан  ташриф овард.

Садамаи нохуши роҳу нақлиётие, ки  бегоҳии санаи 23-уми июн дар дараи Варзоб, баъди гузаргоҳи  Майхура рух  дода буд, пайомади нохушро ба дунбол дошт. Бояд гуфт, ки нақлиёти ба садама дучоршуда тамғаи «Опел Астра G» зери идораи мураббии мактаби варзишии кӯдакону наврасони захираҳои олимпии шаҳри Истаравшан Эҳромхон Исоеви 44 сола қарор дошт.

Машварати кории назди Раиси вилоят

( 0 Овоз )

Машварати кории назди Раиси вилоят

Видео : Машварати кории назди Раиси вилоят

Бо мақсади вусъат бахшидан ба корҳои ободонии боғи Камоли Хуҷандии маркази вилоят ва таҳлили корҳои то ба имрӯз иҷрошуда вобаста ба азхудкунии заминҳои дашти Сомғор рӯзи шанбе, 28 июн бо иштироки масъулини соҳа дар толори мақомоти иҷроияи ҳокимияти давлатии вилоят ҷаласаи навбатии назди Раиси вилоят баргузор гардид.

Нахуст бобати корҳои то имрӯз ба сомон расидаи боғи Камоли Хуҷандӣ ва масъалаҳои муҳими мавҷдуа дар самти навсозии боғ  роҳбари ҶДММ «Ситораи Беназир» Ато Ризоӣ  суханронӣ намуда,  таъкид дошт, ки дар ин мавзеъ мақбараи Камоли Хуҷандӣ, чорбоғи Камол, хонамузе, майдони истироҳатӣ ва нишастгоҳҳои маданӣ сохта хоҳад шуд.

Қабули шаҳрвандон аз ҷониби Раиси вилоят

( 0 Овоз )

Қабули шаҳрвандон аз ҷониби Раиси вилоятРӯзи шанбеи 28 июн, дар рӯзи қабули шаҳрвандон аз ҷониби Раиси вилояти Суғд, 16 нафар сокинони вилоят пазируфта шуданд.

Дар ин бора аз Шӯъбаи муроҷиат ва қабули шаҳрвандони дастгоҳи Раиси вилоят хабар доданд.

Дар ин рӯз аз шаҳру ноҳияҳои Истаравшан - 2 нафар, Хуҷанд –  2 нафар, Мастчоҳ - 2 нафар, Кӯҳистони Мастчоҳ – 2 нафар, як нафарӣ сокинони шаҳру ноҳияҳои Чкалов, Бобоҷон Ғафуров, Исфара,  Истиқлол, Ашт, Панҷакент ва ғайра бо масоили гуногуни инфиродиву иҷтимоӣ ба роҳбарияти вилоят муроҷиат намуданд.

Таҷлили иди Ваҳдати миллӣ дар Суғд

( 0 Овоз )

Таҷлили иди Ваҳдати миллӣ дар Суғд

Видео : Таҷлили иди Ваҳдати миллӣ дар Суғд

Тӯли 17 сол аст, ки халқи тоҷик санаи 27-уми июнро ҳамчун Рӯзи Ваҳдати миллӣ таҷлил менамояд. Воқеан ҳам имзои созишномаи истиқрори сулҳ ва ризоияти миллӣ, ки ба ҷанги шаҳрвандӣ ва кашмакашҳои сиёсӣ дар ҷумҳурии тозаистиқлоли Тоҷикистон хотима бахшид, на танҳо роҳи равшани саодатро барои миллати мо боз намуд, балки ҳамчун таҷрибаи бузурги сулҳофаринӣ мавриди таваҷҷӯҳи ҷаҳониён қарор гирифт.

17-умин солгарди санаи бузурги таърихӣ – имзои Созишномаи умумии истиқрори сулҳ ва ризоияти миллиро мардуми шарафманди вилояти Суғд бо шукӯҳи зиёд  ва ифтихори баланди ватандорӣ таҷлил намуданд. Ба ин муносибат саҳн ва атрофии Қасри таърихии Арбоб шоми 27-уми июн садҳо нафар сокинон ва меҳмонони вилоятро гирди ҳам ҷамъ овард.

Ифтитоҳи парки обӣ дар ноҳияи Бобоҷон Ғафуров

( 0 Овоз )

Ифтитоҳи парки обӣ дар ноҳияи Бобоҷон Ғафуров

Видео : Ифтитоҳи парки обӣ дар ноҳияи Бобоҷон Ғафуров

Субҳи рӯзи ҷумъа, 27 июн дар ноҳияи Бобоҷон Ғафуров бо иштироки Раиси вилоят Абдураҳмон Қодирӣ ба фаъолияти парки обӣ ҳусни ифтитоҳ бахшида шуд. Ин иншооти истироҳативу фароғатӣ дар вилоят нахустин ба ҳисоб рафта, он имкон дорад дар як рӯз ба зиёда аз 1000 нафар мизоҷон хизмат расонад.

Парки мазкур бо дастгоҳҳои муосир муҷаҳҳаз гардонида шуда, дар он ошхонаи таомҳои милливу аврупоӣ, нуқтаи фурӯши нушокиҳо, мағозаи либосҳои шиновариву оббозӣ фаъолият мебарад. Ҳангоми мулоқот бо  анбуҳи зиёди сокинон роҳбари вилоят нахуст кулли ҳозиринро бо 17-умин солгарди Ваҳдати миллӣ шодбош гуфт. Қайд гардид, ки бо талошҳои пайвастаи Сарвари давлат Эмомалӣ Раҳмон дар Тоҷикистон сулҳу субот пойдор гардида, Ватани азизамон рӯ ба ободониву бунёдкорӣ ва рушду нумӯ ниҳодааст.

А. Қодирӣ собиқадорони меҳнатро аёдат намуд

( 0 Овоз )

А. Қодирӣ собиқадорони меҳнатро аёдат намуд

Видео : А. Қодирӣ собиқадорони меҳнатро аёдат намуд

Мардуми тоҷик дар арафаи санаҳои муҳими умумимиллӣ ва аҷдодӣ қарор дорад. Бо баробари таҷлили 17 - солагии Ваҳдати миллӣ дар Тоҷикистони соҳибистиқлол шурӯъ аз 28 - уми июн моҳи шарифи Рамазон низ фаро мерасад.

Ба муносибати ин санаҳои фархунда субҳи имрӯз Раиси вилояти Суғд Абдураҳмон Қодирӣ якчанд собиқадорони меҳнат, шахсони барӯманд ва пешсафонаи соҳаҳои мухталифро аёдат намуд.

Ин иқдом дар асоси дастуру супориши Сарвари давлат Эмомалӣ Раҳмон амалӣ карда шуд. Президенти мамлакат ҳамеша дар баромадҳои хеш масъулинро ба аёдати шахсоне, ки барои ҷамъият ва ободии ватан саҳми арзанда гузоштаанд, ҳидоят менамояд.

ШУМО ДАР: НАВИД Навиди Раиси вилоят