Хабарҳо
Оғози даври вилоятии озмуни ҷумҳуриявии “Фурӯғи субҳи доноӣ...” - 21.11.2019 16:19
Қадршиносии ғолибони озмуни ҷумҳуриявии «Беҳтарин шеъри бачагона» - 21.11.2019 15:29
Пешвои миллат Эмомалӣ Раҳмон бо кормандони мақомоти судӣ мулоқот намуданд - 21.11.2019 14:54
Ҷомеаи ҷаҳонӣ ҲНИ-ро комилан ташкилоти террористӣ эътироф кардааст - 21.11.2019 14:54
International Community Unconditionally Recognizes the IRP as a Terrorist - 21.11.2019 14:50
23 ноябр Рӯзи Парчами давлатии Ҷумҳурии Тоҷикистон ҷашн гирифта мешавад - 21.11.2019 08:59
Мулоқоти Раиси вилоят бо намояндагони ҷомеаи вилоят - 20.11.2019 18:05
Баргузории семинари дастурдиҳӣ ва омӯзишӣ дар Раёсати маорифи вилояти Суғд - 20.11.2019 15:05
Президенти Ҷумҳурии Тоҷикистон Эмомалӣ Раҳмон аз 11 сафири навтаъйини кишварҳои хориҷӣ эътимоднома қабул намуданд - 20.11.2019 13:25
Кишоварзони вилояти Суғд нақшаи истеҳсоли пахтаро 100% иҷро намуданд - 20.11.2019 13:10

Навиди Раиси вилоят

Вусъати корҳои бунёдкорӣ дар Хуҷанд

( 0 Овоз )

Вусъати корҳои бунёдкорӣ дар ХуҷандДар вилоят маъракаи ниҳолшинонӣ, бунёду навсозиии боғҳо ва шинонидани ниҳолҳои мевадиҳанда муташаккилона ҷараён дошта, дар ин самт корҳои зиёд ба анҷом расонида мешавад.

Корҳои бунёдкорӣ дар маркази вилоят шаҳри Хуҷанд низ вусъати тоза гирифта, дар баъзе аз мавзеъҳо, аз ҷумла дар шафати роҳи асосӣ ниҳолшинонӣ идома дорад. Дар ин мавзеъ ниҳолҳои ардач шинонида шуда, кабудизоркуниву гулкорӣ низ ба роҳ монда мешавад.

Бояд гуфт, ки дарахту буттаҳои шафати роҳи пули асосии шаҳр хушкида буданд ва давоми ду ҳафати охир кормандони идораи хоҷагии манзили шаҳри Хуҷанд ин мавзеъро тоза ва барои шинонидани ниҳолҳои нави ҳамешасабз омода намуданд.

Қабули шаҳрвандон аз ҷониби Раиси вилоят

( 0 Овоз )

Қабули шаҳрвандон аз ҷониби Раиси вилоятДар рӯзи қабули шаҳрвандон аз ҷониби Раиси вилоят, ки шанбеи 17 январ доир шуд, 62 нафар сокинон пазируфта шуданд.

Дар ин рӯз ба Раиси вилояти Суғд Абдураҳмон Қодирӣ аз шаҳру навоҳии Хуҷанд – 7 нафар, Зафаробод – 12 нафар, Бобоҷон Ғафуров – 10 нафар, Истаравшан – 9 нафар, Ғончӣ - 5 нафар, Исфара – 4 нафар, Мастчоҳ – 3 нафар, Шаҳристон – 2 нафар, Спитамен – 2 нафар, Айнӣ - 2 нафар, Панҷакент – 2 нафар, Ҷаббор Расулов – 2 нафар, Ашт – 1 нафар, Кӯҳистони Мастчоҳ – 1 нафар муроҷиат намуданд.

Мулоқоти Раиси вилоят бо ҳунармандони Афғонистон

( 0 Овоз )

Мулоқоти Раиси вилоят бо ҳунармандони АфғонистонВидео : Мулоқоти Раиси вилоят бо ҳунармандони Афғонистон Раиси вилояти Суғд гурӯҳи ҳафт нафараи ҳунармандони афғонро, ки барои омӯзонидани қолинбофии тарзи афғонӣ ба вилояти Суғд даъват шуданд, ба ҳузур пазируфт.

Зимни сӯҳбат таъкид шуд, ки дар Тоҷикистон аз ҷониби Сарвари давлат Эмомалӣ Раҳмон ба эҳёи ҳунарҳои мардумӣ ва ҳифзи мероси ниёгон таваҷҷӯҳи махсус зоҳир карда мешавад.

Таъкид гардид, ки роҳбарияти мақомоти иҷроияи ҳокимияти давлатии вилояти Суғд дар партави дастуру супоришҳои Сарвари давлат барои эҳёи ҳунарҳои мардумӣ ва ба ин васила соҳибҳунар намудани занону духтарони тоҷик ба таври ҳамешагӣ талош менамояд.

Хатти оби тозаи нӯшокии «Навобод – Сомониён - Моҳпарӣ» ба истифода дода шуд

( 1 Овоз )

Хатти оби тозаи нӯшокии «Навобод – Сомониён - Моҳпарӣ» ба истифода дода шуд

Видео : Хатти оби тозаи нӯшокии «Навобод – Сомониён - Моҳпарӣ» ба истифода дода шуд Имрӯз, 14 январ Раиси вилояти Суғд бо як сафари корӣ ба шаҳри Исфара ташриф оварда, дар маросими ифтитоҳи чанд иншоот иштирок намуд.

Нахуст бо иштироки Раиси вилоят хатти оби тозаи нӯшокии «Навобод – Сомониён - Моҳпарӣ» мавриди истифода қарор дода шуд. Ҷоизи зикр аст, ки бунёди хатти оби нӯшокӣ тибқи супориши Президенти мамлакат Эмомалӣ Раҳмон рӯйи кор омада, он ҷиҳати бо оби тозаи нӯшокӣ таъмин намудани наздик 13 ҳазор оила ё худ 65 ҳазор нафар аҳолии маҳаллаҳои нави аҳолинишини шаҳри Исфара, аз ҷумла зиёда аз 5 ҳазор хонаводаи ба мавзейи тозабунёди Моҳпарӣ маскуншаванда мусоидат менамояд. Ба шарофати амали гаштани ин иқдоми бунёдкорона ҳамчунин мушкилоти сокинони маҳаллаҳои 14, 15 ва 16, инчунин маҳаллаҳои Сомониён ва Сомониёни нав ҷиҳати норасоии оби нӯшокӣ аз байн рафт.

А. Қодирӣ: Барои беҳсозии ҳолати роҳҳо дар соли ҷорӣ 91 миллион сомонӣ масраф хоҳад шуд

( 0 Овоз )

А. Қодирӣ: Барои беҳсозии ҳолати роҳҳо дар соли ҷорӣ 91 миллион сомонӣ масраф хоҳад шуд

Видео : А. Қодирӣ: Барои беҳсозии ҳолати роҳҳо дар соли ҷорӣ 91 миллион сомонӣ масраф хоҳад шуд Имрӯз, 13 январ дар Кохи матбуоти шаҳри Хуҷанд нишасти хабарии Раиси вилояти Суғд оид ба натиҷаҳои вазъи  иҷтимоию иқтисодии вилоят дар моҳҳои январ-декбари соли 2014 баргузор гардид, ки дар он 60 нафар намояндагони васоити ахбори омма иштирок намуданд.

Нишасти матбуотӣ бо сухани ифтитоҳии мудири Шӯъбаи иттилоот ва таҳлили дастгоҳи Раиси вилоят Музаффар Юнусов оғоз ёфт ва сипас Раиси вилоят Абдураҳмон Қодирӣ оид ба натиҷаҳои вазъи иҷтимоию иқтисодии вилоят дар давраи ҳисоботӣ маълумот дод.

Баргузории ҷаласаи ҷамъбастӣ

( 0 Овоз )

Баргузории ҷаласаи ҷамъбастӣ

Видео : Баргузории ҷаласаи ҷамъбастӣ Имрӯз, 12 январ дар толори мақомоти иҷроияи ҳокимияти давлатии вилоят таҳти раёсати Раиси вилоят Абдураҳмон Қодирӣ ва иштироки доираи васеи фаъолон ҷаласаи ҷамъбасти рушди иқтисодиву иҷтимоии вилоят дар соли 2014 баргузор гардид.

Дар оғози ҷаласа вобаста ба нишондиҳандаҳои хоҷагии халқи вилоят дар соли гузашта муовини Раиси вилоят Анвар Яъқубӣ гузориш дод. Тавре таъкид шуд, дар мамҷӯъ рушди бонизоми иқтисодиву иҷтимоии вилоят дар ин давра таъмин гардидааст ва дар заминаи иҷрои муҳимтарин иқдомҳои мақомоти иҷроия аз қабили гузаронидани ислоҳоти замин ва таҷдиди хоҷагиҳои калонҳаҷм, барқарорсозии иқтидори корхонаҳои калони саноатӣ, таъсиси коргоҳҳои нав, ободонии роҳҳо ва эҳёи ҳунарҳои анъанавӣ нишондиҳандаҳои хуби истеҳсолӣ ба даст омадаанд.

ШУМО ДАР: НАВИД Навиди Раиси вилоят