Хабарҳо
Оғози даври вилоятии озмуни ҷумҳуриявии “Фурӯғи субҳи доноӣ...” - 21.11.2019 16:19
Қадршиносии ғолибони озмуни ҷумҳуриявии «Беҳтарин шеъри бачагона» - 21.11.2019 15:29
Пешвои миллат Эмомалӣ Раҳмон бо кормандони мақомоти судӣ мулоқот намуданд - 21.11.2019 14:54
Ҷомеаи ҷаҳонӣ ҲНИ-ро комилан ташкилоти террористӣ эътироф кардааст - 21.11.2019 14:54
International Community Unconditionally Recognizes the IRP as a Terrorist - 21.11.2019 14:50
23 ноябр Рӯзи Парчами давлатии Ҷумҳурии Тоҷикистон ҷашн гирифта мешавад - 21.11.2019 08:59
Мулоқоти Раиси вилоят бо намояндагони ҷомеаи вилоят - 20.11.2019 18:05
Баргузории семинари дастурдиҳӣ ва омӯзишӣ дар Раёсати маорифи вилояти Суғд - 20.11.2019 15:05
Президенти Ҷумҳурии Тоҷикистон Эмомалӣ Раҳмон аз 11 сафири навтаъйини кишварҳои хориҷӣ эътимоднома қабул намуданд - 20.11.2019 13:25
Кишоварзони вилояти Суғд нақшаи истеҳсоли пахтаро 100% иҷро намуданд - 20.11.2019 13:10

Навиди Раиси вилоят

Муаррифии кадрҳои навтаъиншуда

( 1 Овоз )

Муаррифии кадрҳои навтаъиншуда

Видео : Таҷлили иди Наврӯз дар Қасри Арбоб Дар мақомоти иҷроияи ҳокимияти давлатии вилояти Суғд маросими муаррифии кадрҳои навтаъиншуда доир гардид.

Тавре қаблан иттилоъ дода будем Назира Ғаффорова, Заробиддин Файзуллозода ва Сулаймон Зиёев бо розигии Президенти Ҷумҳурии Тоҷикистон муовинони Раиси вилояти Суғд ва Осим Каримов  дар мувофиқа бо Президенти Ҷумҳурии Тоҷикистон сардори Раёсати маорифи вилояти Суғд таъин карда шуданд.

Абдураҳмон Қодирӣ, Раиси вилояти Суғд зимни муаррифӣ изҳор намуд, ки кадрҳои ба вазифаҳои пурмасъулият таъиншуда мутахассисони ҷавону соҳибмаърифат ва дорои ҷаҳонбинии муосир мебошанд.

Дар соли рушди фарҳанг Қасри фарҳанги Зафаробод таъмир мешавад

( 1 Овоз )

Дар соли рушди фарҳанг Қасри фарҳанги Зафаробод таъмир мешавад

Видео : Дар соли рушди фарҳанг Қасри фарҳанги Зафаробод таъмир мешавад Дар идомаи сафар ба ноҳияи Зафаробод Раиси вилоят вазъи пойгоҳҳои обкашии ноҳияро низ мавриди назар қарор дод.

Соли равон бо мақсади таъмири иншооти соҳаи обрасонии ноҳия аз буҷети вилоятӣ 500 ҳазор сомонӣ ҷудо шудааст. Дар Зафаробод беш аз 25 ҳазор гектар майдонҳои корами обӣ мавҷуданд, ки бояд самаранок истифода шаванд. То имрӯз дар ноҳия 35 ассотсиатсияи истифодабарандагони об таъсис дода шудааст. Аз 14 пойгоҳи обкашӣ 10 адади он дар ҳолати корӣ қарор дошта, аз 28 дастгоҳ 18 адади он барои мавсими киштукор омода гардидааст ва дар боқимонда корҳои таъмир идома доранд.

2,5 миллион сомонӣ барои пардохти маоши кормандони соҳаи буҷетии Зафаробод

( 0 Овоз )

2,5 миллион сомонӣ барои пардохти маоши кормандони соҳаи буҷетии ЗафарободЗимни сафари корӣ ба ноҳияи Зафаробод Раиси вилоят бо фаъолони Ҷамоати деҳоти Равшан мулоқот намуд ва масъалаҳои ҳалталаби ҷамоат мавриди таҳлилу баррасӣ карор дода шуданд.

Ҷамоати деҳоти Равшан яке аз нуқтаҳои дурдасти аҳолинишини вилоят ба ҳисоб меравад ва имрӯз муаммоҳои хоси худро дорад. Яке аз мушкилоти муҳими мавзеъ таъминоти об мебошад, ки аз муроҷиатҳои зиёди сокинон ба унвони Раиси вилоят бармеояд. Бо ин мақсад роҳбарияти вилоят тасмим гирифтааст, ки соли равон дар ин ҷамоат 20 адад чоҳи амудӣ, аз ҷумла ду чоҳ барои оби нӯшокӣ кофта ба истифода диҳад. Ин чоҳҳо аз ҳисоби маблағҳои буҷети вилоятӣ сохта шуда, хоҷагиҳои деҳқонии ҷамоатро аз танқисии об эмин медоранд. Илова бар ин бо дастури роҳбари вилоят 100 адад қубурҳои обгузарон дар мавсими имсола барои ноҳияи Зафаробод дастрас ва захира карда мешаванд.

5 миллион сомонӣ барои таъмири роҳи Зафаробод - Дӯстӣ

( 1 Овоз )

5 миллион сомонӣ барои таъмири роҳи Зафаробод - Дӯстӣ

Санаи 24-уми феврал Раиси вилоят Абдураҳмон Қодирӣ бо мақсади санҷиши ҳолати омодагии хоҷагии халқ ба мавсими нави киштукор ва оғози корҳои ободонӣ ба ин ноҳия ташриф овард.

Дар ибтидои сафари корӣ Раиси вилоят дар Ҷамоати деҳоти Ҷомӣ бо лоиҳаи хонаҳои истиқоматии деҳаҳои навбунёд шинос шуд. Тибқи нақша инҷо дар масоҳати 147 гектар, аз ҷумла 121 гектар дар маҳаллаи Ҷавонӣ ва 27 гектар дар маҳаллаи Ҳаштяк бо супориши Ҳукумати ҷумҳурӣ ҳуҷҷатгузориҳо барои тақсимоти заминҳои наздиҳавлигӣ ҷараён дорад ва ин заминҳо барои зиёда аз 700 оилаи муҳоҷирони ихтиёрии дохилӣ пешбинӣ шудаанд. Муҳоҷирони ихтиёрӣ асосан аз ноҳияҳои Ҷаббор Расулову Спитамен инҷо сокин хоҳанд шуд.

Марказҳои савдо пас аз таҷдид фаъол шуданд

( 0 Овоз )

Марказҳои савдо пас аз таҷдид фаъол шуданд

Видео : Марказҳои савдо пас аз таҷдид фаъол шуданд Марказҳои савдои «Тоҷир», «Баҳор» ва «Сино», ки бар асари сӯхтор дар таърихи 15-уми ноябри соли 2014 ба коми оташ рафта буданд, пас аз таҷдид дубора ба истифода дода шуданд.

Имрӯз, 23 феврал Раиси вилояти Суғд Абдураҳмон Қодирӣ бо мақсади иштирок дар маросими ба истифодадиҳии марказҳои савдо ба ин макон ташриф оварда, бо сифати корҳои сохтмонӣ аз наздик шинос гардид. Тавре таъкид гардид, ҳамаи 3 маркази савдо бо тарҳи наву замонавӣ бунёд гардида, соҳибкорон имкон пайдо намуданд, ки дар дӯконҳои замонавӣ ба кори худ оғоз бахшанд. Зимни боздид Раиси вилоят таъкид намуд, ки бо мақсади дастгирии соҳибкороне, ки аз сӯхтор зарар дида буданд, онҳо давоми як сол аз пардохти иҷорапулӣ озод ҳастанд.

Қабули шаҳрвандон аз ҷониби Раиси вилоят

( 0 Овоз )

Қабули шаҳрвандон аз ҷониби Раиси вилоятРӯзи шанбеи 21 феврал 59 нафар шаҳрвандон бо масоили гуногун, аз ҷумла замин ва баҳси он, ҳимояи ҳуқуқи шаҳрвандӣ, сохтмон, таъмин шудан бо оби полезиву нӯшокӣ ва ғайра ба роҳбарияти вилоят муроҷиат намуданд.

Дар Рӯзи қабули шаҳрвандон аз ҷониби Раиси вилоят аз шаҳру навоҳии Хуҷанд – 12 нафар, Мастчоҳ – 9 нафар, Бобоҷон Ғафуров – 8 нафар, Исфара – 5 нафар, Истаравшан – 4 нафар, Зафаробод – 4 нафар, Спитамен – 4 нафар, Ғончӣ - 3 нафар, Конибодом – 3 нафар, Чкалов – 2 нафар, Ҷаббор Расулов – 1 нафар, Айнӣ - 1 нафар ва чанд нафар кормандони васоити ахбори омма пазируфта шуданд.

ШУМО ДАР: НАВИД Навиди Раиси вилоят