Хабарҳо
Баргузории ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 9 моҳи соли 2018 - 17.10.2018 16:27
Дирӯз дар маҷлиси фаъолони ВМКБ фаъолияти якмоҳаи Ситоди байниидоравии мақомоти таъминоти амният натиҷагирӣ карда шуд - 17.10.2018 09:33
Дар ноҳияи Ашт беш аз 35 километр роҳҳои маҳаллӣ таъмир карда шуд - 17.10.2018 09:20
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51
Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест» - 16.10.2018 22:33
Ифтитоҳи бинои таълимӣ дар қисми низомии 02267-и Вазорати мудофиаи Ҷумҳурии Тоҷикистон - 16.10.2018 16:07
Ҳаҷми истеҳсоли маҳсулоти саноатӣ дар Хуҷанд ба 844,1 млн. сомонӣ баробар шуд - 16.10.2018 14:58
Боздиди донишҷӯёни Донишкадаи политехникии ДТТ аз Неругоҳи барқи обии “Роғун” - 16.10.2018 08:41
Яксўябинӣ дар таҳқиқи Бардия Раҳмонӣ - 16.10.2018 06:04

Навиди Раиси вилоят

Қабули шаҳрвандон аз ҷониби Раиси вилоят

( 0 Овоз )

Қабули шаҳрвандон аз ҷониби Раиси вилоят Рӯзи шанбеи 21 июн, дар рӯзи қабули шаҳрвандон аз ҷониби Раиси вилояти Суғд, 38 нафар сокинони вилоят пазируфта шуданд.

Аз ҷумла, бо масоили замин ва баҳси он – 16 нафар, манзил ва баҳси он – 6 нафар, ҳимояи ҳуқуқи шаҳрвандӣ - 2 нафар, таъмин шудан бо оби полезӣ, нӯшокӣ ва барқ – 2 нафар, масоили марбут ба сафари ҳаҷ – 2 нафар, инчунин теъдоди боқимонда бо масоили гуногун дар рӯзи қабул пазируфта шуданд.

Дар ин рӯз аз шаҳру ноҳияҳои Хуҷанд –  7 нафар, Ғончӣ - 10 нафар, Бобоҷон Ғафуров – 2 нафар, Мастчоҳ – 2 нафар, Истаравшан – 8 нафар, Исфара – 2 нафар, Истиқлол – 2 нафар, Шаҳристон - 2 нафар, Чкалов – 1 нафар,  Спитамен - 1 нафар, Айнӣ – 1 нафар ба роҳбарияти вилоят муроҷиат намуданд.

Оғози навсозии роҳҳо дар ноҳияи Ғончӣ

( 0 Овоз )

Оғози навсозии роҳҳо дар ноҳияи ҒончӣДар маркази ноҳияи Ғончӣ Раиси вилоят Абдураҳмон Қодирӣ дар маросими мумфаршкунии кӯчаи ба номи Шомурод Расул ширкат варзид. Дарозии умумии ин роҳ 1 километр ва паҳноияш 10 метрро ташкил дода, он аз ҳисоби мақомоти иҷроияи ҳокимияти давлатии вилоят аз таъмири куллӣ бароварда мешавад.

Фармоишгар Идораи сохтмони асосии вилоят ва пудратчӣ ҶДММ “Тоҷроуд” мебошад. Бояд зикр дошт, ки роҳи  мазкур деҳаи Ғазантарак ва боз 6 деҳаи дигарро бо маркази ноҳия мепайвандад ва ба ин васила мушкилоти равуои беш аз 60 ҳазор нафар сокинон беҳтар мегардад.  Ҳини мулоқот бо анбӯҳи зиёди сокинон Раиси вилоят зикр дошт, ки эълон доштани соли 2014 ҳамчун соли роҳҳои обод  дар тамоми қишрҳои ҷомеа ҳамовозӣ пайдо намуда, сокинон, алалхусус соҳибкорон ҷонибдории хешро аз ин иқдоми роҳбари вилоят амалан нишон дода истодаанд. Ҳамарӯза дар вилоят даҳҳо километр роҳ ба таъмиру навсозӣ фаро гирифта мешавад.

Ифтитоҳи мактаб барои 320 нафар дар деҳаи Меҳрободи ноҳияи Ғончӣ

( 0 Овоз )

Ифтитоҳи мактаб барои 320 нафар дар деҳаи Меҳрободи ноҳияи Ғончӣ

Видео : Ифтитоҳи мактаб барои 320 нафар дар деҳаи Меҳрободи ноҳияи Ғончӣ

Рӯзи чоршанбеи 18 июн Раиси вилояти Суғд Абдураҳмон Қодирӣ бо мақсади шиносоӣ бо вазъи иқтисодиву иҷтимоӣ ва баргузор намудани қабули шаҳрвандон ба ноҳияи Ғончӣ сафари корӣ анҷом дод.

Нахуст дар ноҳияи Ғончӣ бо иштироки Раиси вилоят бинои нави мактаби таҳсилоти миёнаи умумии рақами 26-и деҳаи Меҳрободи Ҷамоати деҳоти Муҷун мавриди баҳрабардорӣ қарор гирифт. Мактаби мазкур дорои 11 синфхона буда, барои таҳсили 320 нафар хонанда дар як баст пешбинӣ шудааст. Тавре иттилоъ дода шуд, сохтмони мактаби мазкур моҳи августи соли гузашта оғоз ёфта, дар бунёди он аҳли деҳа, соҳибкорони маҳаллӣ, ташкилоти байналхалқӣ ва якчанд хоҷагиҳои деҳқонӣ саҳм гузоштаанд. Мактаб бо харҷи умумии 1 милиону 180 ҳазор сомонӣ тариқи ҳашар бунёд гардидааст.

Ғончӣ: Муроҷиати 58 нафар дар Рӯзи қабули шаҳрвандон

( 0 Овоз )

Ғончӣ: Муроҷиати 58 нафар дар Рӯзи қабули шаҳрвандон

Видео : Ғончӣ: Муроҷиати 58 нафар дар Рӯзи қабули шаҳрвандон

Рӯзи чоршанбе, 18 июн дар ноҳияи Ғончӣ бо иштироки Раиси вилояти Суғд Абдураҳмон Қодирӣ Рӯзи қабули шаҳрвандон доир гардид, ки дар он 58 нафар бо арзу дархост ба роҳбари вилоят муроҷиат карданд.

Дар ин рӯз сокинони ҷамоатҳои ноҳияи Ғончӣ бо масоили гуногуни ҷамъиятиву хусусӣ ба Раиси вилоят муроҷиат намуданд.

Аз ҷумла, доир ба масъалаҳои таъминот бо оби нӯшокӣ ва полезӣ - 11 нафар, замин барои сохтмони коргоҳ ва мактаб – 11 нафар, замини наздиҳавлигӣ - 5 нафар, баҳси замини наздиҳавлигӣ ва хоҷагӣ - 3 нафар, миннатдорӣ - 8 нафар ва теъдоди боқимонда бо масоили гуногун ба роҳбарияти вилоят муроҷиат намуданд.

Мулоқоти Абдураҳмон Қодирӣ бо Дидйе Леруа

( 1 Овоз )

Мулоқоти Абдураҳмон Қодирӣ бо Дидйе Леруа

Видео : Мулоқоти Абдураҳмон Қодирӣ бо Дидйе Леруа

Имрӯз Раиси вилояти Суғд Абдураҳмон Қодирӣ Сафири фавқулодда ва мухтори Ҷумҳурии Фаронса дар Тоҷикистон Дидйе Леруа ва намояндагони ширкатҳои бонуфузи ин кишварро, ки бо мақсади вусъати доираи фаъолият ба вилояти Суғд ташриф оварданд, ба ҳузур пазируфт.

Дар ҷараёни гуфтугӯи рӯ ба рӯ, ҷонибҳо масъалаҳои гуногуни ҳамкориҳои тарафайнро мавриди баррасӣ қарор доданд.

Дар оғози мулоқот Раиси вилояти  Суғд Абдураҳмон Қодирӣ Сафири фавқулодда ва мухтори Ҷумҳурии Фаронса дар Тоҷикистон ҷаноби Дидйе Леруа ва намояндагони ширкатҳои бонуфузи ин кишварро ба Суғди бостонӣ хайрамақдам гуфт ва изҳор намуд, ки чунин таваҷҷӯҳи ҷонибҳо барои рушди ҳамкориҳои тарафайн ба туфайли фазои орому осудаи кишвар ва сиёсати дарҳои кушод аст, ки давлату Ҳукумати Тоҷикистон пеш гирифтааст.

Мумфаршкунии роҳи кӯчаи ба номи Ш. Қаландаров оғоз ёфт

( 0 Овоз )

Мумфаршкунии роҳи кӯчаи ба номи Ш. Қаландаров оғоз ёфт

Видео : Мумфаршкунии роҳи кӯчаи ба номи Ш. Қаландаров оғоз ёфт

Аҳли деҳаи Рӯмони ҷамоати деҳоти Ҳайдар Усмони ноҳияи Бобоҷон Ғафуров иқдоми ободонии роҳҳоро, ки соли равон дар вилоят ҷараён дорад, дастгирӣ мекунанд.

Бо ин мақсад дирӯз бо иштироки Раиси вилоят Абдураҳмон Қодирӣ мумфаршкунии кучаи Шариф Қаландарови ҷамоат ба масофаи як километр оғоз ёфт. Таъмири роҳ қисман аз ҳисоби худи сокинони маҳалла ва қисман аз ҳисоби буҷети маҳаллии мақомоти иҷроия ба роҳ монда шуда, аз эҳсоси баланди ободонӣ ва масъулиятшиносии сокинони ҷамоат дарак медиҳад. Онҳо ташаббуси роҳбарияти вилоятро дастгирӣ намуда, дарк кардаанд, ки дар кори хайр дастҷамъона ҳисса гузоштан танҳо ба манфиати ҷамъият аст.

ШУМО ДАР: НАВИД Навиди Раиси вилоят