Хабарҳо
Президенти Ҷумҳурии Тоҷикистон Эмомалӣ Раҳмон дар ҷаласаи 40-уми Конфронси Генералии ЮНЕСКО дар масъалаҳои вобаста ба тағйирёбии иқлим иштирок намуданд - 13.11.2019 10:23
Президенти Ҷумҳурии Тоҷикистон Эмомалӣ Раҳмон дар Форуми Париж оид ба масъалаҳои сулҳ иштирок намуданд - 12.11.2019 16:42
“Нақши ҳукумати электронӣ дар рушди маҳал” – таҳти ин унвон бо иштироки мутахассисон мизи гирд доир гардид - 12.11.2019 15:53
Ғолибони озмуни “Деҳаи ман”, ки бахшида ба “Солҳои рушди деҳот, сайёҳӣ ва ҳунарҳои мардумӣ” эълон гардида буд, муайян гардиданд - 12.11.2019 15:28
Иштироки Раиси вилояти Суғд Раҷаббой Аҳмадзода дар конференсияи 13-уми ҲХДТ дар вилояти Суғд - 12.11.2019 15:25
ЭМОМАЛӢ РАҲМОН ВА ФАРҲАНГИ МИЛЛӢ - 12.11.2019 13:51
Суҳбати Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Антониу Гуттериш ва Президенти Ҷумҳурии Франсия Эммануэл Макрон - 12.11.2019 13:27
Оғози мумфаршкунии роҳи​ маҳаллаи Темурмалики шаҳри Хуҷанд - 11.11.2019 19:39
Мулоқоти Президенти Ҷумҳурии Тоҷикистон Эмомалӣ Раҳмон бо Директори кулли ЮНЕСКО хонум Одрӣ Азуле - 09.11.2019 09:50
Мулоқоту музокироти сатҳи олии Тоҷикистону Франсия - 09.11.2019 09:45

Навиди Суғд


Раиси вилоят дар маросими ифтитоҳи маркази осоишии "Сипар» иштирок намуд

( 0 Овоз )

Сараввал Раиси вилоят Қоҳир Расулзода лентаи рамзиро бурида, вориди осоишгоҳ  шуд. Осоишгоҳи "Сипар" дар масоҳати 4 гектару 70 дарсад сохта шуда, он аз ҳуҷраҳои истироҳатӣ, ошхона, ҳавзи шиноварӣ барои кӯдакону калонсолон ва ҳамчунин варзишгоҳ барои волейбол, футбол иборат мебошад.

Бино моҳи апрели соли 2012 бо дастгирии Раёсати Вазорати корҳои дохилии  Ҷумҳурии Тоҷикистон дар вилоят  таъмиру тармим  карда,  он асосан барои оилаҳои кормандони ҳифзи ҳуқуқ, собиқадорон, нафақахӯрон, иштирокчиёни Ҷанги Бузурги Ватаниро пешбинӣ гардидааст. Дарҳои осоишгоҳ  барои кормандони соҳаҳои дигар ва кулли мардум ҳам боз мебошанд. Вале тазаккур бояд дод, ки имрӯз кормандони ҳифзи ҳуқуқ барои истироҳат 50 фоиз, дигарон бошад,  100 фоиз маблағ месупоранд ва тӯли 12 рӯз бо камоли фароғат истироҳат мекунанд.  Осоишгоҳ барои 32 нафар  муқаррар гардидааст ва айни ҳол  дар он кормандони ҳифзи ҳуқуқ истироҳат карда истодаанд.

Муассисаи фароғатӣ  ба талаботи замон ҷавобгӯ буда, оянда  дар назар аст, ки хизматрасонӣ бемайлон такмил дода хоҳад шуд. Раиси вилоят гуфт, ки имрӯз барои ҳар ташкилот ва сохторҳо бояд чунин истироҳатгоҳ бошад, то ки онҳо ҳам тавонанд дар чунин  табиати дилрабо ва  роҳатбахш истироҳат кунанд. Ҳамчунин гуфт, ки дар боғ ниҳолҳои биҳӣ, санҷид ва анор ҳарчӣ бештар шинонида шаванд.

Раиси вилоят ба масъулин супориш дод, ки роҳравҳои дохили осоишгоҳро асфалтпӯш карда, дар назди онҳо дарахтони сояафкану ҳамешасабз шинонида шаванд.

Хадамоти матбуоти

Раиси вилояти Суғд



Ҷаласаи кории Раиси вилояти Суғд

( 0 Овоз )

Дар он  дар сатҳи баланди омодагӣ пешвоз гирифтани ҷашнҳои бузурги умумимиллӣ  21-солагии Истиқлолияти давлатӣ, 20-солагии Иҷлосияи XVI  Шӯрои Олии Тоҷикистон, вусъат бахшидани корҳои ободониву созандагӣ, истеҳсолот, саривақт ва беталаф ғундоштани ҳосили пахта, сафарбар намудани ҳашарчиён аз шаҳру навоҳии саноатӣ ва ғайрипахтакор ба кӯмак,   омодагӣ ба мавсими зимистонгузаронӣ ва дигар масъалаҳои муҳими рӯзмарра мавриди баррасӣ қарор дода шуд.
Раиси вилоят назди мутасаддиёни соҳа  ҷиҳати дар сатҳи зарурӣ  анҷом додани чорабиниҳои нақшавӣ ва идона  мушаххас гузошт.   Таъкид гардид, ки дар баробари сохтмони иншооти гуногун, сокинони вилоят бояд ин ҷашнҳои бошукӯҳро пеш аз ҳама бо иқдомҳои созандагӣ, ба тартиб даровардани  гулгашту хиёбон ва ҳашарҳои оммавии тозагиву ободонӣ пешвоз гиранд.

 

Табрики Раиси вилоят бахшида ба Рӯзи китоб

( 0 Овоз )

Тоҷикон аз замони бостон то рӯзгори муосир ба  китоб чун ба як  неъмати беназир, сарчашмаи эътиқоду ихлос эҳтироми беандоза доранд ва боиси ифтихор аст, ки дар замони соҳибистиқлолии кишвар адиб ва китоб рисолати таърихии худро ҳифз намуда, дар тарғиби олитарин ғояҳои ватандӯстӣ, дастовардҳои таърихӣ, худшиносию худогоҳии миллӣ нақши муассир мегузоранд. Бунёди Китобхонаи боҳашамати миллӣ дар пойтахти кишварамон башорати арҷгузорӣ ба китобу адабиёт, тамаддуну фарҳанг аст.

Президенти Ҷумҳурии Тоҷикистон, Ҷаноби Олӣ, мӯҳтарам Эмомалӣ Раҳмон дар шинохти китоб ва осори пурғановати адибони гузаштаву муосир барҳақ  зикр намудаанд: «Маҳз андешаҳои воло ва осори гаронбаҳои абармардони миллати мо буд, ки фарҳанг ва забони тоҷикӣ дар тӯли таърих бо вуҷуди он ҳама фишорҳои сиёсиву мафкуравии бегонагон мақом ва мартабаи худро дар тамаддуни ҷаҳонӣ нигоҳ доштааст. Аз ин оина пайдост, ки барои аҷдодони бонангу номуси мо мафҳумҳои Модар, Ватан, Истиқлол, Забон ва Фарҳанг ҳамеша ҳаммаъно будаанд».
Бо назардошти муҳимияти нақши китоб дар ҷомеа, такомули ҷаҳони маънавӣ ва тарғиби осори адибони муосир дар чанд соли охир дар баробари бунёди китобхонаву мағозаҳои фурӯши китоб бо маблағгузории мақомоти иҷроияи ҳокимияти давлатии вилоят асарҳои адибон Абдумалик Баҳорӣ, Гулназар Келдӣ, Аскар Ҳаким, Камол Насрулло, Муҳиддини Хоҷазод, Маҷид Салим, Аҳмадҷони Раҳматзод, Нурмуҳамад Ниёзӣ ва адибони дигар чоп ва дастраси хонандагон гардидаанд, ки дар тарбияи маънавии насли наврас ва дӯстдорони адаб манфиатбахш аст.
Бо итминони комил аз ҷовидонии сарҳалқаи заррини тамаддуни миллӣ ҳамаи сокинони вилоятро бо Рӯзи китоб табрику таҳният гуфта, умед бар он дорам, ки бо ҳастии ин ганҷи бегазанд зиндагии босаодат бештар насиби мардуми мо хоҳад гашт.

Рӯзи китоб муборак,  ҳамдиёрони азиз!

 

Мулоқоти Раиси вилоят бо Мавзуна Чориева

( 0 Овоз )

Сипас Қоҳир Расулзода дар бораи ҳисси баланди ватандӯстӣ, рушд ёфтани соҳаи варзиш, афзун гардидани сафи варзишгарон, дар миқёси вилоят зиёд шудани майдон,  толорҳои варзишӣ  ва ҳавзи шиноварӣ  ҳарф зада, ҷонибдории хешро дар бобати баргузории мусобиқаҳои варзишии сатҳи байналхалқӣ  дар вилоят қайд кард.
Барои ғолибият ва партавафшонии парчами Тоҷикистон дар шаҳри Лондон ба Мавзуна Чориева 30 ҳазор сомонӣ  ва ба тренери ӯ  – сармураббии дастаи яккачини  Ҷумҳурии Тоҷикистон оид ба бокс, Устоди варзиши СССР Мирзо Шамсиев панҷ  ҳазор сомонӣ  мукофот дод.

Зимни суханронии хеш Мавзуна барои чунин қадрдонӣ   Раиси вилояти Суғд Қоҳир Расулзода  арзи сипос гуфта, қайд кард, ки минбаъд низ кӯшиш мекунад,  дар мусобиқаҳои ҷаҳонӣ  ширкат варзида, ғолибият ба даст орад ва сафи духтарони муштзанро дар ҷумҳур афзун гардонад.

Дар ҷамъбаст ҷоизадори Олимпиадаи 2012-ум  Мавзуна Чориева бо намояндагони расонаҳои иттилоотӣ  саволу ҷавоб баргузор намуд.

Мавзуна Чориева. Имрӯз исми ӯро дар ҳар хонадони тоҷик пиру барно медонанду шахсияташро эҳтиром мекунанд.  Мавзуна Чориева дар  Олимпиада - 2012, ки дар шаҳри Лондон баргузор гардид, дар муҳорибаҳо бо муштзанони машҳури чаҳон Ченг Бонги аз Ҷумҳурии мардумии Чин ва Кэти Тейлор- қаҳрамони феълии ҷаҳон, варзишгари  ирландӣ  собит сохта тавонист, ки дар Тоҷикистон ҳам модарон ситораҳои дараҷаи аввали боксро ба дунё меоваранд.  Дар Олимпиада – 2012 мақоми сеюмро соҳиб шудани  Мавзуна, ин ягона пайғоме буд,  пас аз интизориҳо  ҷониби дӯстдорон ва умедворону муштариёни варзиши Тоҷикистон аз сӯи Лондон. Ба шарофати ғолибияти Мавзуна Чориева Ҷумҳурии Тоҷикистон дар ҷадвали дастовардҳои 205 кишвари ҷаҳон дар Олимпиадаи Лондон - 2012 якбора аз 125 давлат пеш гузашта, дар ҷойи 70-ум қарор гирифт. Ҷоизадори Олимпиадаи тобистона, донишҷӯи Донишкадаи тарбияи ҷисмонии ба номи Саймӯъмин Раҳимови шаҳри Душанбе, пас аз музаффарият ба Ватан баргашт ва ҳамагон ӯро бо гулу гулдастаҳо пешвоз гирифтанд. Тавре дар расонаҳои хабарӣ  қайд карданд, ба ифтихори ғолибияташ ба Мавзуна дар шаҳри Душанбе хонаи сеҳуҷрагӣ, дар шаҳри Кӯлоб хонаи панҷҳуҷрагӣ, нақлиёти сабукрав ва маблағ  тӯҳфа карданд.

ШУМО ДАР: Навиди Суғд