Хабарҳо
ДЕ-ФАКТО! МУСОҲИБА БО АБДУЛЛО РАҲНАМО ДАР ХОШИЯИ КОНФРОНСИ САҲА - 21.09.2019 21:24
ИНТЕРВЬЮ С АМИНДЖОНОМ АБДУРАХИМОВЫМ В КУЛУАРАХ КОНФЕРЕНЦИИ ОБСЕ - 21.09.2019 21:14
ВАРШАВА. ОБСЕ. 20.09.2019 -Выступление Хикматулло Холикова Ассоциация таджиков в Казахстане - 20.09.2019 21:08
ВАРШАВА. ОБСЕ. 20.09.2019. Выступление Х. Аюбов представителя Ассоциации таджикской молодежи в РФ - 20.09.2019 20:47
ВАРШАВА. ОБСЕ. 20.09.2019 - Второе выступление представителя Таджикистана Музаффара Ашуриёна - 20.09.2019 20:32
Выступление Самиева Камола на заседание ОБСЕ - 20.09.2019 19:55
Выступление Музаффара Ашурова, представителя РТ в ОБСЕ - 20.09.2019 19:50
Выступление Рустама Хайдарова, представителя НПО «Садокат», Таджикистан - 20.09.2019 19:47
Выступление Абдулло Рахнамо о соблюдения свободе совести на заседание ОБСЕ - 20.09.2019 19:05
ВАРШАВА. ОБСЕ. 20.09.2019 - Ответ представителя Таджикистана Музаффара Ашуриёна - 20.09.2019 19:01

Навиди Суғд

Фаъолияти экологҳои ноҳияи Ҷаббор Расулов чун намунаи ибрати ташкили коргузорӣ муаррифӣ гардид

( 0 Овоз )

10 октябри соли 2012

Дар бахши ҳифзи муҳҳити зисти ноҳияи Ҷаббор Расулов семинарии бозомӯзии вилоятӣ оид ба ташкили фаъолият баргузор гардид.  Даставвал  сарварони шӯъбаву бахшҳои ҳифзи муҳити зисти шаҳру ноҳияҳои вилояти Суғд дар  бахш бо раванди ташкили кор, муҷаҳҳази бинои корӣ  бо таҷҳизоти замонавӣ ва компютерҳо, ташкили ҳуҷҷатнигорӣ  шинос шуданд.
Баъдан дар  саҳни муассисаи давлатии истироҳатии «Уқобча» меҳмонон аз намоишгоҳи ташкилнамудаи 10 мактаби ноҳия бахшида ба Рӯзи умумиҷаҳонии ҳифзи ҳайвонот , боздид намуданд. Ба табиатдӯстони ҷавон Ифтихорнома ва билетҳои  аъзогӣ ба ҳаракати «Патрули сабз» супорида шуд.
Семинарии бозомӯзии вилоятиро бо сухани ифтитоҳӣ муовини сардори Раёсати ҳифзи муҳити зисти вилоят Рақибҷон Турдиматов оғоз намуда, ҷиҳати таъсири амалии семинарии мазкур ба баланд бардоштани маданияти ташкили кор сухан гуфт.
Раиси Кумитаи ҳифзи муҳити зисти назди  Ҳукумати Ҷумҳурии Тоҷикистон Т.Салимов - низ андешаҳои  хешро  бобати дуруст ташкил намудани фаъолияти экологӣбаён дошт. Маърӯзаи М.Абдуллоев  дар мавзӯи «Ташкили фаъолият дар  бахши ҳифзи муҳити зисти ноҳияи Ҷаббор Расулов»  фарогири масоили мубрами экологӣ ва роҳҳои ҳалли мушкилоти ташкилӣ буд. Инчунин сардори бахши ҳифзи муҳити зисти ноҳияи Спитамен Р.Ҷамолова  ва  дигарон ба музокира баромада ҷиҳати боз ҳам беҳтар намудани фаъолият маслиҳатҳо доданд. Меҳмон аз сохтори давлатии ҳифзи муҳити ноҳияи Лайлаки вилояти Бодкенти ҷумҳурии Қирғизистон  У.Узоқов низ дар баромади худ аз  раванди корҳои ташкилӣ  ва ҳамкориҳои судманд бо бахши ҳифзи муҳити зисти ноҳияи Ҷаббор Расулов изҳори қаноатмандӣ намуд.


Хадамоти матбуоти
Раиси вилояти Суғд

Хатнасури 70 нафар дар «Боғи миллии Ваҳдат»

( 0 Овоз )

Бо ибтикори мақомоти иҷроияи ҳокимияти давлатии вилояти Суғд санаи 6 октябри соли равон, соати 11.00  маросими хатнасури  70 нафар  кӯдакон  аз оилаҳои камбизоат  дар чойхонаи миллии  Муассисаи давлатии «Боғи миллии Ваҳдат»  баргузор мегардад. Дар қисми фарҳангии чорабинӣ санъаткорони   Муассисаи давлатии «Кохи Рӯдакӣ» ҳунарнамоӣ менамоянд.

Хадамоти матбуотии
Раиси вилояти Суғд

 

Табрики Раиси вилоят ба муносибати Рӯзи забони давлатии Ҷумҳурии Тоҷикистон

( 0 Овоз )

Забони мо баёнгари сарнавишти мо, мояи ифтихору сарфарозӣ ва пойдевори ваҳдати ҷовидонаи миллати мост. Пас биёед, соҳиби сазовор, хазинадори пурифтихор, вориси бонангу ор ва посдори ҳушёри забони модарӣ, забони халқи тамаддунсоз ва кӯҳанбунёди тоҷик бошем».

Боиси ифтихор аст, ки забони тоҷикӣ дар қадимият, щановат ва иҷрои рисолати иҷтимоию фарҳангӣ дар қатори забонҳои бонуфузи дунё қарор дорад. Ёдовар шудан кифоя аст, ки забони тоҷикӣ ба оилаи забонҳои ҳиндуаврупоӣ, гурӯҳи забонҳои эронӣ мансуб буда, чун рукни ҷудонашавандаи маънавӣ бо ҳаёти миллати тоҷик пайваста аст. Забони тоҷикӣ дар тӯли ҳастии худ чун муҳимтарин воситаи инкишофи шуур ва тафаккур, далели раднопазири қадима будани миллати тоҷик, нигоҳдорандаи мероси бебаҳои ниёгон, пайвандгари миллат ва воситаи муошират хидмат кард ва ин рисолати муқаддаси худро дар замони истиқлолият низ идома медиҳад.

Густаришу рушди фарҳанг ва маънавият танҳо бо шарофати  сайқал бахшидани забони адабӣ, щанигардонии захираи лущавӣ ва риояи меъёрҳои забони давлатӣ моро мушарраф хоҳад гашт. Чун миллате бе забони модарии худ ҷовид намондааст, мо соҳибони забон вазифадорем, бо забони модарӣ андешаву афкорамонро баён намуда, дар раванди ҷаҳонишавии тамаддунҳо онро аз газанду таҳдид эмин нигоҳ дорем ва ҳифзи забони модариро чун ҳифзи асолат ва ҳуввияти миллӣ дарк намоем.

Чун забон баёнгари симою маънавияти ҳар халқу миллат аст, итминони комил дорам, таҷлили Рӯзи забони давлатӣ ба ҳар шаҳрванди вилоят дар соли ҷашни бузурги таърихии  20-солагии Иҷлосияи ХVI Шӯрои Олии Ҷумҳурии Тоҷикистон дар роҳи шинохти арзишҳои миллӣ, дарки масъулияти ватандорӣ ва расидан ба олитарин арзишҳои маънавӣ илҳому қудрати тоза эҳдо намуда, моро дар ҷаҳони худшиносиву худогоҳӣ ба натиҷаҳои нек сазовор хоҳад кард.

Рӯзи забони давлатӣ – иди нишони бақову ҷовидонии халқи тоҷик фархунда бод!

 

Таҷлили 80-солагии ДДХ дар маҷмааи «Хуррамшаҳр» баргузор мешавад

( 0 Овоз )

Таҷлили  ҷашни 80-солагии Донишгоҳи давлатии Хуҷанд ба номи академик Бобоҷон Ғафуров  дар маҷмааи «Хуррамшаҳр»-и донишгоҳ   баргузор мегардад. Хотиррасон мешавем, ки дар ин хусус қарори  Раиси вилояти Суғд Қоҳир Расулзода таҳти №208 аз 21 августи соли 2012 ба имзо расида буд.  Бо назардошти нақши  Донишгоҳи давлатии Хуҷанд  ба номи академик Бобоҷон Ғафуров дар тарбияи кадрҳои баландихтисос, рушди илми муосир, тарғиби тамаддуни миллӣ  11  октябри соли равон  ҷашни  80- солагии ин боргоҳи маърифат ботантана гузаронида мешавад.

Тибқи нақшаи чорабиниҳои таҷлилӣ   дар давоми моҳҳои сентябр-октябр як силсила чорабиниҳо аз қабили ҳафтаи факултаҳо, вохӯриҳо ва маҳфилҳои саволу ҷавоб бо олимони варзида, хатмкунандагони солҳои мухталиф, тарғиб ва нашри мақолаҳо оид ба комёбиҳо, ба навор гирифтани филми ҳуҷҷатӣ,  ба чоп омода намудани монографияи илмӣ, китоби «Қомуси  олимони Донишгоҳи давлатии Хуҷанд  ба номи академик Бобоҷон Ғафуров» сурат гирифт.

Хадамоти матбуотии
Раиси вилояти Суғд

 

Қоҳир Расулзода санаи 9 октябр сокинони шаҳри Чкаловро қабул менамояд

( 0 Овоз )

Рӯзи қабули шаҳрвандон аз ҷониби Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳуриии Тоҷикистон Қоҳир Расулзода рӯзи 9 октябри соли равон, соати 09-00 дар мақомоти иҷроияи ҳокимияти давлатии шаҳри Чкалов баргузор мегардад.
Маврид ба зикр аст, ки ин тадбир  бо мақсади шиносоии наздик бо вазъи воқеии зиндагии сокинони шаҳру навоҳии вилояти Суғд  доир гардида истодааст. 
Сокинони шаҳри Чкалов метавонанд дар он бевосита иштирок намоянд ва ҳам арзу дархост, пешниҳодҳои худро ба нишонаи электронии  Этот e-mail адрес защищен от спам-ботов, для его просмотра у Вас должен быть включен Javascript Этот e-mail адрес защищен от спам-ботов, для его просмотра у Вас должен быть включен Javascript ё худ тариқи телефонҳои (+3422) 6-72-03 қаблан  ирсол намоянд.

Хадамоти матбуоти
Раиси вилояти Суғд

 

ШУМО ДАР: Навиди Суғд