Хабарҳо
Бинои нави шуъбаи нурафкании Маркази саратоншиносии вилояти Суғд ба истифода дода шуд - 19.08.2019 13:46
Пешвои миллат Эмомалӣ Раҳмон бо Президенти Бонки Осиёгии Сармоягузориҳои Инфрасохторӣ Ҷин Личун мулоқот намуданд - 19.08.2019 13:14
Амри Президенти Ҷумҳурии Тоҷикистон дар бораи эълон намудани Иди ангур ва Иди себ ба тасвиб расид - 19.08.2019 09:59
Таҷлили Рӯзи кормандони соҳаи тиб. Дар вилояти Суғд 5143 духтур ва 17393 корманди миёнаи тиб ба аҳолӣ хизмат мерасонанд - 19.08.2019 09:53
Таджикистан. Крах оппозиции. Оппозиция не находит доводов - 16.08.2019 22:35
Защита общих рубежей ШОС требует долевого участия - 16.08.2019 22:25
Ҷавонон дар оғӯши «Шоҳин» маърифати ҳуқуқии худро баланд бардоштанд - 16.08.2019 16:25
Хуҷанд. Машварати августии роҳбарони иттиҳодияи методии муассисаҳои таълимӣ доир шуд - 16.08.2019 16:25
Ашт. Беш аз 200 нафар табибони дорои маълумоти олӣ дар хизмати халқ қарор доранд - 16.08.2019 16:20
Мулоқоти Раиси вилоят бо намояндагони ширкати “Neusoft Medical Corporation”-и Ҷумҳурии мардумии Чин - 16.08.2019 16:06

Навиди Суғд

Қабули навбатии Қоҳир Расулзода дар ноҳияи Ашт

( 0 Овоз )

Рӯзи қабули шаҳрвандон аз ҷониби Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳуриии Тоҷикистон Қоҳир Расулзода рӯзи 20 сентябри соли равон, соати 09-00 дар мақомоти иҷроияи ҳокимияти давлатии ноҳияи Ашт баргузор мегардад.

Маврид ба зикр аст, ки ин тадбир  бо мақсади шиносоии наздик бо вазъи воқеии зиндагии сокинони шаҳру навоҳии вилояти Суғд  доир гардида истодааст.

Сокинони ноҳия метавонанд дар он бевосита иштирок намоянд ва ҳам арзу дархост, пешниҳодҳои худро ба нишонаи электронии  Этот e-mail адрес защищен от спам-ботов, для его просмотра у Вас должен быть включен Javascript Этот e-mail адрес защищен от спам-ботов, для его просмотра у Вас должен быть включен Javascript ё худ тариқи телефонҳои (+3422) 6-72-03 қаблан  ирсол намоянд.

Хадамоти матбуоти
Раиси вилояти Суғд

 

Сафари кории Сарвазир ба вилояти Суғд

( 0 Овоз )

Сипас, Сарвазири кишвар Оқил Оқилов ва Раиси вилоят Қоҳир Расулзода аз рафти сохтмони нақби Шаҳристон огоҳ гардиданд. Дар ин иншооти бузурги коммуникатсионӣ баъди ба ҳам пайвастани нақб аз қисмҳои ҷанубу шимол марҳилаи навбатии сохтмони иншооти ёрирасон вусъат ёфта, тайи ду ҳафтаи охир бунёди таҳкурсии роҳ дар дохили тунел, сохтмони канали кабелҳо ва кашидани  кабел ва қубурҳои обпартои марказӣ, бетонкории равоқи дойрашакл  дар масофаи 5 ҳазору 253 метр анҷом ёфт.

Бетонкории қисми мошингарди роҳ ба охир  тадриҷан наздик мешавад ва то  интиҳои ин амалиёт 595 метр мондааст. Дигар корҳои сохтмонӣ, аз ҷумла пӯшонидани деворҳои давродаври дохили нақб ва насби маводи зидди сӯхтор, корҳои рангу пардоздиҳӣ, чароғонкунӣ, васли таҷҳизоти иншооти ҳавокашӣ идома дорад.

Дар даромадгоҳи нақби Шаҳристон иншооти   истифодаву нигоҳдории роҳи ағба бунёд мешавад ва дар ин иншоот низ корҳои бунёдкорӣ вусъат мегирад. Сарвазири Ҷумҳурии Тоҷикистон Оқил Оқилов зимни шиносоӣ бо корҳои сохтмонии нақб ва сӯҳбат бо коргарону мутахассисон аз суръати вусъат ва сифати корҳо изҳори қаноатмандӣ намуд.  Дар сохтмони иншооти муҳим бо супориши Президенти Ҷумҳурии Тоҷикистон Эмомалӣ Раҳмон бо кӯмаку мусоидати Ҳукумати ҷумҳурӣ қувваҳои иловагӣ ҷалб карда шуданд. Аз ҷумла, шумораи коргарон зиёд гардида, алҳол дар сохтмон 600 нафар фаъолият доранд. Ҳамчунин барои сари вақт ба иҷро расонидани сохтмони  нақби Шаҳристон иловатан 200 адад мошину механизимҳо аз ҳисоби ҷумҳурӣ, сохторҳои марбутаи вилояти Суғд ва ҷамъияти саҳҳомии «Роғунстрой» ҷалб шудааст, ки ин яке аз омилҳои суръат ёфтани корҳо дар сохтмони нақб мебошад. Бино ба иттилои мутасаддиён, бунёди нақби Шаҳристон бо кӯмаку мусоидати Ҳукумати Ҷумҳурии Тоҷикистон, сохторҳои марбута ва Мақомоти иҷроияи ҳокимияти давлатии вилоят  ва ҳамчунин  Ширкати сохтмони роҳ ва кӯпрукҳои Ҷумҳурии Халқии Хитой «Чайна-роуд»  дар назар аст, ки  дар мӯҳлати муайяншуда анҷом ёбад.

Сарвазири ҷумҳурӣ бо ҳама самтҳои кор аз наздик шинос шуда, ба масъулин ҷиҳати боз ҳам суръат бахшидан, мутобиқ ба меъёрҳо бунёд шудани ҳамаи иншооти асосиву ёрирасони нақби Шаҳристон  дастуру супоришҳои мушаххас дод. Баъд аз нисфирӯзӣ сафари кории Сарвазири мамлакат  Оқил Оқилов дар  вилояти Суғд ба анҷом расид.

Хадамоти матбуотии
Раиси вилояти Суғд

 

Иштироки Раиси вилоят дар ҳашари пахтачинӣ

( 0 Овоз )

Бо истифода аз  рӯзҳои офтобӣ  кормандони мақомоти иҷроияи ҳокимияти давлатии вилояти Суғд ташаббус нишон дода, ба деҳқонони бригадаи  5-уми  хоҷагии деҳқонии ба номи Отаҷон Убайдуллоеви ноҳияи  Бобоҷон Ғафуров  дар чиниши пахтаи саросар шукуфта, дасти мадад дароз намуданд.

Хадамоти матбуотии
Раиси вилояти Суғд

 

Ифтитоҳи корҳои мумфаршкунӣ дар шаҳри Хуҷанд бо иштироки Раиси вилоят

( 0 Овоз )

Қоҳир Расулзода сараввал сокинони шаҳр, масъулони соҳаро ба муносибати ҷашни пуршукӯҳи миллат 21 солагии Истиқлолияти давлатии Ҷумҳурии Тоҷикистон ва 20 солагии Иҷлосияи 16 Шӯрои Олии Ҷумҳурии Тоҷикистон муборакбод гуфта, қайд намуд, ки имрӯз бо ташаббус ва дастгирии бевоситаи Сарвари давлат, Ҷаноби Олӣ Эмомалӣ Раҳмон диёрамон рӯз аз рӯз ободу зебо гашта истодааст.

Имрӯз ба шарафи ҷашнҳои бузурги миллат мумфаршкунии роҳҳо дар шаҳри Хуҷанд, бахусус, кӯчаи ба номи Гагарин то кӯпруки «Ҷашнӣ» оғоз гардид, ки ин ҳама шаҳодати ғамхориву дастгирии давлату ҳукумат мебошад.Чунин корҳо дар роҳҳои марказии тамоми шаҳру ноҳияҳои вилоят бо дастуру супоришоти Сарвари давлат амалӣ шуда истодааст.

Раиси вилоят ҳамчунин гуфт, ки роҳ ин ободӣ аст. Мо -мардуми Хуҷандшаҳр бояд барои ободу зебо гардидани маркази вилоят бетараф набошем. Имрӯз аз тамоми кишварҳои хориҷӣ меҳмонон меоянд ва аз маданияти шаҳрдории мо огоҳ мешаванд.

Дадаҷон Раҷабӣ - нависанда ва аъзои Иттифоқи нависандагони ҷумҳурӣ минатдории худ ва мардуми шаҳрро ба Раиси вилоят расонида, гуфт, ки хуш будани фасли сол аз баҳораш ва ободии шаҳр, пеш аз ҳама, аз нигоҳ доштани роҳҳои дохилишаҳриаш маълум мегардад. Имрӯз Хуҷанди қадимаро ҷаҳон бо фарзандони асилаш мешиносад ва мо, фарзандони ин шаҳри бостонӣ кӯшиш намоем, ки мисли аҷдодони худ Хуҷандро зеботару барнотар бинамоем.

Сипас Раиси вилоят аз рафти мумфаршкунии роҳ дидан карда, барои ба анҷом расонидани он то санаи 20- уми сентябр супоришҳои қатъӣ дод. Лозим ба таъкид аст, ки дар маҳаллаҳои мазкур сохтмони роҳ бо сифати баланд ҷараён дошта, хатҳои зеризаминии об, ки дар зери роҳҳои мошингарди ин маҳал ҷой гирифтаанд, пурра таъмир карда шудаанд. Абдусамад Сатторов -сардори идораи сохтмони вилоят гуфт, ки бо дастгирии Мақомоти иҷроияи ҳокимияти давлатии вилояти Суғд 5 миллион сомонӣ маблағ ҷудо гардид, ки бароимумфаршкунии роҳ ва қубурҳои обгузари он масраф хохад шуд. Роҳҳои дохилии шаҳр бо паҳноии 17 метр ба дарозии 2,57 км сохта мешавад ва он бар дӯши ширкати тоҷикиюу хитоӣ гузошта шудааст.

Раиси вилоят барои босифат анҷом додани корҳои асосӣ ба масъулини соҳа гуфт, ки таъмиру тармими роҳҳои дохилӣ дар арафаи ҷашни 20 солагии Иҷлосияи 16 Шӯрои Олии Ҷумҳурии Точикистон барои ободу зебо намудани кӯчаҳои шаҳр мусоидат менамояд ба ин шароит ба мо имкон медиҳад, ки дар баробари азнавсозии роҳ ва чароғонкунии кӯчаву маҳаллаҳо низ оғоз кунем. Раиси вилоят ба хонаҳои дар сари роҳбуда таваҷҷӯҳ зоҳир намуда, ба масъулин супориш дод, ки барои ҳарчи зудтар таъмир кардани хонаҳои баландошёнаи барои роҳ тадбирҳои самрабахш андешанд.

Хадамоти матбуотии
Раиси вилояти Суғд

 

Дафтари матбуоти вилоятии «Ҳосил-2012» таъсис ёфт

( 0 Овоз )

Бо мақсади дар сатҳи баланд расонидани хизмати маданӣ-маишӣ ба пахтакорону ёрдамчиён дар давраи ҷамъоварии пахта, инъикоси ҳаматарафаи рафти маъракаи ҳосилғундорӣ, ба аҳолӣ расонидани маълумотҳои саривақтӣ аз ҷараёни ҷамъоварии пахта аз 12 сентябри соли равон, № 153 амри Раиси вилоят «Дар бораи таъсис додани Маркази вилоятии корҳои фарҳангӣ, тарғиботу ташвиқотӣ ва Дафтари матбуоти вилоятии «Ҳосил - 2012»» ба имзо раcид.

Тибқи амри мазкур Маркази вилоятии корҳои фарҳангӣ, тарғиботу ташвиқотӣ ва Дафтари матбуоти вилоятии «Ҳосил - 2012» вазифадор карда шудааст, ки барои инъикоси мунтазам ва ҳаматарафаи маъракаи ҷамъоварии пахта ва ташкили чорабиниҳои маданӣ-маишӣ тадбирҳои зарурӣ андешанд.

Ҳамчунин мақомоти иҷроияи ҳокимияти давлатии шаҳру ноҳияҳои вилоят Маркази корҳои фарҳангӣ, тарғиботу ташвиқотӣ ва Дафтари матбуотии «Ҳосил-2012»-ро таъсис диҳанд.

Назорати иҷрои амри мазкур ба зиммаи муовини Раиси вилоят Мавҷуда Бобоева гузошта шудааст.

Хадамоти матбуотии
Раиси вилояти Суғд

 

ШУМО ДАР: Навиди Суғд