Хабарҳо
Раҷаббой Аҳмадзода ба ғолибони озмунҳои вилоятӣ беш аз 137 000 сомонӣ мукофотпулиҳо тақдим кард - 17.01.2020 16:06
Қадршиносии ғолибони озмуни вилоятии “Беҳтарин хонандаи китобҳои бадеӣ дар соли 2019” - 17.01.2020 16:02
Ба Ғолибони озмуни вилоятии “Ихтироъкорон ва навоварони ҷавони вилоят” 25000 сомонӣ мукофотпулӣ дода шуд - 17.01.2020 16:00
Ба маблағи 20,1 млн. сомонӣ 1481 адад таҷҳизот ва лавозимоти тиббӣ харидорӣ гардид - 17.01.2020 13:27
Соли 2019 барои фаъолияти муназзами пойгоҳҳои обкашӣ ва иншооти обрасон 5,4 млн. сомонӣ ҷудо карда шуд - 17.01.2020 11:19
Боздиди кории Раиси вилоят Раҷаббой Аҳмадзода аз ноҳияи Бобоҷон Ғафуров - 17.01.2020 10:54
Мулоқоти Раиси вилоят бо роҳбари ширкати «ТВЕА Душанбе саноати кӯҳӣ» Юан Син Мин - 16.01.2020 10:47
Сафари кории Раиси Раёсати умумии амнияти миллии Ҷумҳурии Исломии Афғонистон ба Ҷумҳурии Тоҷикистон - 15.01.2020 21:45
Маросими муаррифии иҷрокунандаи вазифаи раиси ноҳияи Мастчоҳ - 15.01.2020 16:48
Президенти мамлакат Эмомалӣ Раҳмон истгоҳи обполоиро дар КВД «Обу корези Душанбе» ифтитоҳ намуданд - 15.01.2020 12:43

Навиди Суғд


Вохӯрии муовини Сарвазири Ҷумҳурии Тоҷикистон бо муовини Сарвазири Ҷумҳурии Қирғизистон

( 0 Овоз )

Бо супориши Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Сооронбой Жээнбеков 14 январи соли 2020 дар ҷамоати Гулистони шаҳри Исфара бо иштироки роҳбарони мақомоти қудратии ҷонибҳо вохӯрии кории муовини Сарвазири Ҷумҳурии Тоҷикистон Азим Иброҳим ва муовини Сарвазири Ҷумҳурии Қирғизистон Жениш Разоқов ҷиҳати муҳокимаи масъалаҳои наздисарҳадӣ, инчунин муноқишаҳое, ки дар қитъаҳои наздисарҳадии Ҷумҳурии Тоҷикистон ва Ҷумҳурии Қирғизистон ба вуқуъ пайваста буданд, баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Зимни вохӯрӣ оид ба фаъол намудани идомаи тавсифи хатти лоиҳавии сарҳади давлатии Тоҷикистону Қирғизистон дар қитъаҳои боқимонда мубодилаи ҳамаҷонибаи афкор сурат гирифт.

Ба роҳбарони ҳокимияти маҳаллии вилоятҳои наздисарҳадӣ ҷиҳати пурзӯр намудани корҳои фаҳмондадиҳӣ ва тадбирҳои бартарафкунанда, ба мақсади пешгирии муноқишаҳо, инчунин ба таври фаврӣ ҳал намудани масъалаҳое, ки аз ҷониби аҳолии ноҳияҳои наздисарҳадии ду кишвар ба вуҷуд меоянд, супориш дода шуд.

Гуфтушунидҳо дар фазои дӯстона баргузор шуда, аз натиҷаи вохӯрӣ протоколи дахлдор ба имзо расид.

 

Ташрифи беш аз 914 000 шаҳрвандони хориҷӣ ба вилояти Суғд

( 0 Овоз )

Соли 2019 ба қаламрави вилояти Суғд бо мақсади саёҳату тиҷорат ва меҳмонӣ беш аз 914 000 шаҳрвандони хориҷӣ ворид гардиданд, ки нисбати соли 2018-ум 7,4 фоиз зиёд мебошад.

Бояд зикр намуд, ки мақомоти иҷроияи ҳокимияти давлатии вилояти Суғд дар доираи нақшаи чорабиниҳои “Солҳои рушди деҳот, сайёҳӣ ва ҳунарҳои мардумӣ” ба рушди соҳаи сайёҳӣ ва ҷалби гардишгарон ба минтақаҳои туристии вилоят тадбирҳои заруриро роҳандозӣ менамояд.

Дар ин раванд соли гузашта 10 ширкати нави сайёҳӣ таъсис ёфт ва ҳамин тавр шумораи ширкатҳои сайёҳӣ дар вилоят ба 40 адад расонида шуд.

Ёдовар бояд шуд, ки дар ҳудуди вилоят 86 меҳмонхонаву осоишгоҳ, 46 осорхона ва 1190 ёдгории таърихию фарҳангӣ мавҷуд буда, ҷиҳати рушди соҳаи сайёҳӣ ҳамасола иншооти наву замонавӣ бунёд гардида истодааст.

Хадамоти матбуоти
Раиси вилояти Суғд


Нақшаи даромади буҷети давлатӣ 100,7 фоиз таъмин ва ба буҷет 2 миллиарду 420,2 млн. сомонӣ ворид гардид

( 0 Овоз )

​Рушди бонизоми бахши воқеии иқтисодиёт барои иҷрои нақшаҳои буҷети давлатӣ мусоидат намуда, ӯҳдадориҳои иҷтимоии давлат сари вақт таъмин карда шуданд.

Дар соли 2019 нақшаи даромади буҷети давлатӣ (бе назардошти андози иҷтимоӣ) ба андозаи 100,7 фоиз таъмин гардида, ба буҷет 2 миллиарду 420,2 млн. сомонӣ ворид гардид, ки нисбат ба нақшаи тасдиқгардида (2 миллиарду 404,3млн. сомонӣ) 15,9 млн. сомонӣ зиёд мебошад.

Дар ин давра ба буҷети маҳаллии вилоят ба ҷойи 1 миллиарду 887,4 млн. сомонии дар нақша пешбинигардида 1 миллиарду 924,6 млн. сомонӣ ворид гардид, ки аз нақша 2,0 фоиз ё худ 37,26 млн. сомонӣ зиёд аст.

Хадамоти матбуоти

Раиси вилояти Суғд

Ба истиқболи 30-солагии Истиқлолияти давлатии Ҷумҳурии Тоҷикистон дар ду соли ахир беш аз 4000 иншоот ба истифода дода шуд

( 0 Овоз )

Бо мақсади таъмини иҷрои Фармони Президенти Ҷумҳурии Тоҷикистон аз 19 декабри соли 2017, №968 “Дар бораи ҷашни 30-солагии Истиқлолияти давлатии Ҷумҳурии Тоҷикистон” ва баҳри бо дастовардҳои арзанда истиқбол гирифтани ин санаи таърихӣ қарорҳои дахлдори Раиси вилоят ба тасвиб расида, дар вилоят 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон эълон гардид.

Тибқи нақшаи чорабиниҳои тасдиқшуда то соли 2021 дар шаҳру ноҳияҳои вилоят бунёду азнавсозӣ ва таъмиру тармими 7071 иншооти иҷтимоию истеҳсолӣ ба нақша гирифта шудааст.

Дар соли 2019 бунёду азнавсозӣ ва таъмиру тармими 2471​ иншоот пешбинӣ шуда, аз ҷониби мақомоти иҷроияи ҳокимияти давлатии вилоят ва шаҳру ноҳияҳо, соҳибкорону саховатмандон инчунин бо ҷалби сармояи дохилию хориҷӣ 2666 иншооти тайиноташон гуногун мавриди баҳрабардорӣ қарор дода шуд, ки баробари 107,8 фоизи нақшаи солона мебошад. ​

Дар маҷмуъ, солҳои 2018 ва 2019 дар вилоят аз 7071 иншооти ба нақша гирифташуда 4018 иншоот бунёд ва мавриди истифода қарор гирифт.​

Бояд қайд намуд, ки имрўзҳо нақшаи номгўи иншоот аз нав тарҳрезӣ гардида истодааст ва дар нақша ҳаст, ки теъдони умумии иншооти ҷашнӣ ба 8 ҳазор адад расонида шавад.

Хадамоти матбуоти

Раиси вилояти Суғд

Раиси Кумитаи иҷроияи ҲХДТ дар ноҳияи Ашт номзад ба вакилии Маҷлиси намояндагон пешбарӣ шуд

( 0 Овоз )

Дирӯз дар толори Театри мусиқӣ-драмавии ба номи Маҳмудҷон Воҳидови ноҳияи Ашт конференсияи 26-уми ноҳиявии ҲХДТ баргузор шуд.

Дар конференсия масъалаи пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ашт, рақами 17 баррасӣ гардид.

Ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ашт, рақами 17 раиси КИ ҲХДТ дар ноҳияи Ашт Баҳриддин Зиёӣ ҳамчун номзад пешбарӣ карда шуд ва таклиф аз ҷониби иштирокдорони конфронс якдилона тарафдорӣ гардид.

Вакилони конференсия тариқи овоздиҳии пинҳонӣ барои пешбарӣ намудани номзадии Баҳриддин Зиёӣ ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ашт, рақами 17 сад дар сад овоз доданд ва номбурда ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ашт, рақами 17 номзад пешбарӣ карда шуд.

Хадамоти матбуоти
Раиси вилояти Суғд

 

ШУМО ДАР: Навиди Суғд