Хабарҳо
Пешвои миллат дар як қатор вазорату идораҳо таъиноти кадрӣ ба амал оварданд - 24.01.2020 16:03
Хуҷанд. Дар мусобиқаи шаҳрӣ оид ба футбол 30 даста миёни ҳам қувваозмоӣ намуданд - 24.01.2020 15:58
Имсол тантанаҳои наврӯзӣ дар маркази вилояти Суғд – шаҳри Хуҷанд баргузор мегардад - 24.01.2020 16:01
Дар Донишгоҳи давлатии Хуҷанд бахшида ба 30-солагии Истиқлолияти давлатӣ Спартакидаи варзишӣ оғоз гардид - 24.01.2020 15:56
Президенти мамлакат Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро тасдиқ намуданд - 23.01.2020 16:35
Пешвои миллат Эмомалӣ Раҳмон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд - 23.01.2020 15:54
Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд - 22.01.2020 10:33
Мусобиқаи кушоди ҷумҳуриявӣ оид ба волейбол ҷамъбаст гардид - 22.01.2020 08:40
Фармонҳои Президенти Ҷумҳурии Тоҷикистон - 21.01.2020 16:00
Зиндагии шоиста - ҳадафи асосӣ - 21.01.2020 11:00

Навиди Суғд


Нақшаи даромади буҷети давлатӣ 100,7 фоиз таъмин ва ба буҷет 2 миллиарду 420,2 млн. сомонӣ ворид гардид

( 0 Овоз )

​Рушди бонизоми бахши воқеии иқтисодиёт барои иҷрои нақшаҳои буҷети давлатӣ мусоидат намуда, ӯҳдадориҳои иҷтимоии давлат сари вақт таъмин карда шуданд.

Дар соли 2019 нақшаи даромади буҷети давлатӣ (бе назардошти андози иҷтимоӣ) ба андозаи 100,7 фоиз таъмин гардида, ба буҷет 2 миллиарду 420,2 млн. сомонӣ ворид гардид, ки нисбат ба нақшаи тасдиқгардида (2 миллиарду 404,3млн. сомонӣ) 15,9 млн. сомонӣ зиёд мебошад.

Дар ин давра ба буҷети маҳаллии вилоят ба ҷойи 1 миллиарду 887,4 млн. сомонии дар нақша пешбинигардида 1 миллиарду 924,6 млн. сомонӣ ворид гардид, ки аз нақша 2,0 фоиз ё худ 37,26 млн. сомонӣ зиёд аст.

Хадамоти матбуоти

Раиси вилояти Суғд

Ба истиқболи 30-солагии Истиқлолияти давлатии Ҷумҳурии Тоҷикистон дар ду соли ахир беш аз 4000 иншоот ба истифода дода шуд

( 0 Овоз )

Бо мақсади таъмини иҷрои Фармони Президенти Ҷумҳурии Тоҷикистон аз 19 декабри соли 2017, №968 “Дар бораи ҷашни 30-солагии Истиқлолияти давлатии Ҷумҳурии Тоҷикистон” ва баҳри бо дастовардҳои арзанда истиқбол гирифтани ин санаи таърихӣ қарорҳои дахлдори Раиси вилоят ба тасвиб расида, дар вилоят 1300 рӯзи меҳнати зарбдор ба истиқболи 30-солагии Истиқлолияти давлатии Ҷумҳурии Тоҷикистон эълон гардид.

Тибқи нақшаи чорабиниҳои тасдиқшуда то соли 2021 дар шаҳру ноҳияҳои вилоят бунёду азнавсозӣ ва таъмиру тармими 7071 иншооти иҷтимоию истеҳсолӣ ба нақша гирифта шудааст.

Дар соли 2019 бунёду азнавсозӣ ва таъмиру тармими 2471​ иншоот пешбинӣ шуда, аз ҷониби мақомоти иҷроияи ҳокимияти давлатии вилоят ва шаҳру ноҳияҳо, соҳибкорону саховатмандон инчунин бо ҷалби сармояи дохилию хориҷӣ 2666 иншооти тайиноташон гуногун мавриди баҳрабардорӣ қарор дода шуд, ки баробари 107,8 фоизи нақшаи солона мебошад. ​

Дар маҷмуъ, солҳои 2018 ва 2019 дар вилоят аз 7071 иншооти ба нақша гирифташуда 4018 иншоот бунёд ва мавриди истифода қарор гирифт.​

Бояд қайд намуд, ки имрўзҳо нақшаи номгўи иншоот аз нав тарҳрезӣ гардида истодааст ва дар нақша ҳаст, ки теъдони умумии иншооти ҷашнӣ ба 8 ҳазор адад расонида шавад.

Хадамоти матбуоти

Раиси вилояти Суғд

Раиси Кумитаи иҷроияи ҲХДТ дар ноҳияи Ашт номзад ба вакилии Маҷлиси намояндагон пешбарӣ шуд

( 0 Овоз )

Дирӯз дар толори Театри мусиқӣ-драмавии ба номи Маҳмудҷон Воҳидови ноҳияи Ашт конференсияи 26-уми ноҳиявии ҲХДТ баргузор шуд.

Дар конференсия масъалаи пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ашт, рақами 17 баррасӣ гардид.

Ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Ашт, рақами 17 раиси КИ ҲХДТ дар ноҳияи Ашт Баҳриддин Зиёӣ ҳамчун номзад пешбарӣ карда шуд ва таклиф аз ҷониби иштирокдорони конфронс якдилона тарафдорӣ гардид.

Вакилони конференсия тариқи овоздиҳии пинҳонӣ барои пешбарӣ намудани номзадии Баҳриддин Зиёӣ ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ашт, рақами 17 сад дар сад овоз доданд ва номбурда ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии Ашт, рақами 17 номзад пешбарӣ карда шуд.

Хадамоти матбуоти
Раиси вилояти Суғд

 

Дар Исфара мулоқоти ҳайатҳои расмии Ҷумҳурии Тоҷикистон ва Ҷумҳурии Қирғизистон оғоз ёфт

( 0 Овоз )

Дар шаҳри Исфара мулоқоти ҳайатҳои расмии Ҷумҳурии Тоҷикистон ва Ҷумҳурии Қирғизистон оғоз ёфт.

Ҳайати расмии Ҷумҳурии Тоҷикистонро муовини Сарвазири Ҷумҳурии Тоҷикистон Азим Иброҳим ва ҷониби Қирғизистонро муовини Сарвазири Ҷумҳурии Қирғизистон Жениш Раззаков роҳбарӣ мекунанд.

Ба ҳайатҳои расмӣ роҳбарони баландпояи мақомотҳои ҳифзи ҳуқуқ, сарҳадбонӣ, роҳбарони вилоятҳои Суғду Ботканд, шаҳри Исфара ва ноҳияи Ботканд шомил ҳастанд ва айни замон гуфтушунид идома дорад.

Хадамоти матбуоти
Раиси вилояти Суғд


Давоми сол ба иштирокчиёни Ҷанги Бузурги Ватанӣ ва маъюбони амалиётҳои ҷангӣ 696 000 сомонӣ кӯмакпулӣ дода хоҳад шуд

( 0 Овоз )

Аз 1 январи соли 2020 ба иштирокчиён ва маъюбони Ҷанги Бузурги Ватанӣ, маъюбони амалиётҳои ҷангӣ дар қаламрави давлатҳои дигар, маъюбони барқароркунии сохти конститутсионӣ дар Ҷумҳурии Тоҷикистон, инчунин оилаҳои ҷанговарони дар ин ҷангҳо ҳалокгардида ҳар моҳ ба андозаи 100 сомонӣ кумакпулӣ пардохт карда хоҳад шуд.

Дар ин бора қарори Раиси вилояти Суғд аз 6 январи соли 2020, № 02 ба тасвиб расидааст.

Дар асоси қарори мазкур бо мақсади расонидани кӯмакпулӣ ба шахсони зикршуда дар соли равон 696 000 сомонӣ маблағ равона карда хоҳад шуд.

Хадамоти матбуоти
Раиси вилояти Суғд


ШУМО ДАР: Навиди Суғд