Хабарҳо
Ғолибони 20 - рӯзаи дуюми маъракаи пахтачинӣ бо туҳфаҳо қадршиносӣ шуданд - 23.10.2019 15:51
Баргузории иҷлосияи бистуми Маҷлиси вакилони халқи вилояти Суғд, даъвати панҷум - 23.10.2019 15:57
Пешвои миллат Эмомалӣ Раҳмон бо як гурӯҳ иштирокчиёни Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» мулоқот карданд - 22.10.2019 16:42
Пешвои миллат Эмомалӣ Раҳмон дар Симпозиуми байналмилалии илмии «Пажӯҳиш дар фарҳанги бостон: аз дирӯз то имрӯз» иштирок намуданд - 22.10.2019 16:37
Иброҳим Усмонов: Худшиносӣ тӯфон буд! - 22.10.2019 13:21
Дар Исфара оид ба «Нақши ҷамоатҳои шаҳрак ва деҳот дар рушди иҷтимоӣ–иқтисодии маҳал» машварати омӯзишӣ сурат мегирад - 22.10.2019 10:10
Суғд: То имрӯз 91 913 тонна пахта ҷамъоварӣ карда шуд - 21.10.2019 15:58
Мастчоҳ. Раҷаббой Аҳмадзода собиқадорони меҳнатро аёдат намуд - 21.10.2019 15:53
Ифтитоҳи майдончаи варзишӣ дар Ҷамоати деҳоти Оббурдони ноҳияи Мастчоҳ - 21.10.2019 15:21
Мастчоҳ. Раҷаббой Аҳмадзода ба чинакчиёни беҳтарин туҳфаҳо тақдим кард - 21.10.2019 14:59

Навиди Суғд

165 км роҳҳои вилоят аз таъмири асосӣ бароварда шуд

( 0 Овоз )

Дар 9 моҳи соли ҷорӣ нақшаи таъмиру тармими роҳҳо 108,1 фоиз иҷро гардида, беш аз 2340 км роҳ ба таъмир фаро гирифта шуд.

Аз миқдори умумии роҳҳои таъмиргашта 165,65 км таъмири асосӣ, 923,4 км таъмири ҷорӣ ва 1253,5 км шағалпўш гардида, барои корҳои иҷрошуда дар маҷмуъ 96 миллиону 885,6 ҳазор сомонӣ маблағ сарф гардидааст.

Аз ҷумла, аз ҳисоби буҷети вилоят 34 миллиону 999,3 ҳазор сомонӣ маблағ ҷудо гардида, 38,95 км роҳ аз таъмири асосӣ ва 4,1 км аз таъмири ҷорӣ бароварда шудааст.

Мавриди зикр аст, ки имсол таъмиру тармими 2166,8 км роҳ ба нақша гирифта шуда буд.

Хадамоти матбуоти
Раиси вилояти Суғд


Суғд: Ҳаҷми истеҳсоли маҳсулоти саноатӣ ба 8,9 млрд. сомонӣ баробар шуд

( 0 Овоз )

Мақомоти иҷроияи ҳокимияти давлатии вилояти Суғд баҳри таъмини иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба таҳкими нуфузи вилоят ҳамчун минтақаи саноатии мамлакат, ба кор андохтани иқтидорҳои нав, роҳандозии истеҳсоли маҳсулоти нави рақобатноку ивазкунандаи воридот, истифодаи самараноки иқтидорҳои мавҷуда, густариши  иқтидори  содиротии вилоят ва дар ин замина таъмини иҷрои ҳадафҳои стратегии мамлакат як силсила тадбирҳои судмандро роҳандозӣ намуда истодааст.

Дар натиҷаи тадбирандешиҳо давоми 9 моҳи соли 2019 ҳаҷми истеҳсоли маҳсулоти саноатӣ дар вилояти Суғд ба 8,9 млрд. сомонӣ расонида шуд, ки нисбат ба ҳамин давраи соли гузашта бо нархҳои муқоисавӣ 113,8 фоиз ва бо назардошти индекси нархҳо бошад, 107,7 фоизро ташкил медиҳад.

Ба истиқболи ҷашни 30-солагии Истиқлолияти давлатии Ҷумҳурии Тоҷикистон дар вилоят бунёди 300 корхонаву коргоҳи саноатӣ бо 9000 ҷойи нави корӣ ба нақша гирифта шудааст. Дар соли 2019 ба истифода додани 100 корхонаву коргоҳи нави саноатӣ бо 1730 ҷойи нави корӣ дар назар дошта, давоми 9 моҳи соли ҷорӣ дар миқёси вилоят 82 корхонаву коргоҳи нав бо 1239 ҷойи нави корӣ ба фаъолият шурўъ намуд.

Дар ин давра таваҷҷуҳи асосӣ ба истеҳсоли маҳсулоти воридотивазкунанда ва ба содирот нигаронидашуда зоҳир карда шуд. Дар натиҷаи тадбирҳои андешидашуда истеҳсоли семент ба  1,0 млн. тонна расонида шуд.

Дар конҳои ангишти вилоят бошад, 1,3 млн. тонна ангишт истихроҷ гардид, ки нисбат ба ҳамин давраи соли қаблӣ 180,2 ҳазор тонна ё 1,2 маротиба зиёд мебошад.

Дар корхонаҳои консервабарории вилоят 16,0 млн. қуттии шартӣ консерва истеҳсол гардид, ки нисбат ба ҳамин давраи соли гузашта 2,0 млн. қуттии шартӣ зиёд мебошад.

Истеҳсоли орд ба 194,0 ҳазор тонна расонида шуд, ки нисбат ба 9 моҳи соли 2018-ум 15,7 ҳазор тонна зиёд ё 8,8 фоиз зиёд мебошад.

Дар корхонаву коргоҳҳои вилоят 437852 дона либоси мактабӣ дўхта шуд, ки нисбат ба соли гузашта 83420 дона зиёд  буда, суръати афзоиш  123,5 фоиз таъмин гардид.

Раванди иҷрои супориши Роҳбари давлат бобати дар ҳар як шаҳру ноҳияҳо таъсис додани корхонаву коргоҳҳои дўзандагӣ низ зери назорати масъулин қарор дошта, соли ҷорӣ дар вилоят 13 коргоҳи дўзандагӣ бо 124 ҷойи корӣ, аз ҷумла дар шаҳру ноҳияҳои Истаравшан, Исфара ва Панҷакент 2 ададӣ, Айнӣ, Ашт, Кўҳистони Мастчоҳ, Спитамен, Деваштич, Ҷаббор Расулов ва Шаҳристон 1 ададӣ мавриди истифода қарор гирифтанд.

Хадамоти матбуоти
Раиси вилояти Суғд

 

Гулистон. Ба маблағи 128 миллион доллари амрикоӣ маҳсулот содирот шуд

( 0 Овоз )

Дар нуҳ моҳи соли равон дар корхонаҳои саноатии шаҳри Гулистон ба маблағи 2 миллиарду 408 миллиону 779 ҳазор сомонӣ маҳсулот истеҳсол гардид, ки ин нисбати ҳамин давраи соли 19,7 миллион сомонӣ зиёд мебошад.

Чуноне аз мақомоти иҷроияи ҳокимияти давлатии шаҳр хабар доданд, аз 32 корхонаи саноатии шаҳр 22 адади он афзоиши ҳаҷми истеҳсоли маҳсулотро аз 100,0% то ба ду маротиба зиёд намудаанд.

Дар ин давра корхонаҳои саноатии шаҳр бо 22 кишвари ҷаҳон равобити тиҷоратии худро ба роҳ монда, ба маблағи 128 миллион доллари амрикоӣ маҳсулот содирот карданд. Маблағи маҳсулоти воридотӣ ба 23 миллион доллар баробар буда, фарқияти содирот аз воридот 5,6 маротиба зиёд шудааст.

Ба иттилои манбаъ музди маоши миёнаи кормандони соҳаи саноати шаҳр низ нисбат ба ҳамин давраи соли гузашта 308,5 сомонӣ зиёд шуда, ба 2796 сомонӣ расидааст.

Хадамоти матбуоти
Раиси вилояти Суғд


Хоҷазода Хуршедахон Усмон сардори Раёсати кор бо занон ва оилаи вилоят таъин гардид

( 1 Овоз )

Бо қарори Раиси вилояти Суғд Хоҷазода Хуршедахон Усмон сардори Раёсати кор бо занон ва оилаи мақомоти иҷроияи ҳокимияти давлатии вилояти Суғд таъин гардид.

Хоҷазода Хуршедахон Усмон 14 октябри соли 1974 дар шаҳри Хуҷанд таваллуд шудааст. Миллаташ тоҷик, маълумоташ олӣ. Соли 1994 Донишгоҳи давлатии Хуҷанд ба номи академик Бобоҷон Ғафуров (рӯзона) бо ихтисоси омӯзгор ва соли 2003 донишгоҳи мазкурро бо ихтисоси ҳуқуқшинос хатм кардааст.

Мавсуф фаъолияти худро соли 1995 ба ҳайси бойгоншиноси шуъбаи сабти асноди ҳолати шаҳрвандии вилояти Ленинобод оғоз намуда, сипас дар солҳои гуногун дар вазифаҳои мутахассиси фонди махсуси шуъбаи сабти асноди ҳолати шаҳрвандии вилояти Суғд, раиси Кумитаи кор бо занон ва оилаи мақомоти иҷроияи ҳокимияти давлатии шаҳри Хуҷанд, мудири бахши кор бо занон ва оилаи мақомоти иҷроияи ҳокимияти давлатии шаҳри Хуҷанд кор кардааст.

Аз соли 2013 то октябри соли 2019 сардори шуъбаи хонаи ақди никоҳи шаҳри Хуҷанд буд.

Хадамоти матбуоти
Раиси вилояти Суғд

 

Мулоқоти дастаи мунтахаби футболи ҷавонони 17 солаи Тоҷикистон бо ҷавонони шаҳри Хуҷанд

( 0 Овоз )

Дар варзишгоҳи «Спартак»-и шаҳри Хуҷанд мулоқоти дастаи мунтахаби футболи ҷавонони 17 солаи Тоҷикистон бо ҷавонони маркази маъмурии вилояти Суғд баргузор гардид.

Дар чорабинӣ бозигарони дастаи мунтахаби ҷавонони Тоҷикистон (U-17) барои кӯдакон дарсҳои мастер-класс баргузор карданд ва ба онҳо тӯбҳо ва футболкаҳои хотиравӣ тақдим карданд.

Бояд қайд кард, ки дар Ҷоми Ҷаҳон-2019 (U-17), ки аз 26 октябр то 17 ноябр дар Бразилия баргузор мешавад, дастаи мунтахаби ҷавонони Тоҷикистон дар гурӯҳи E якҷоя бо дастаҳои Испания, Аргентина ва Камерун бозӣ хоҳад кард.

Ёдовар бояд шуд, ки бозиҳо бо иштироки дастаи мунтахаби ҷавонони Тоҷикистон дар варзишгоҳи «Эстадио Клебер Андраде» дар шаҳри Кариасики Бразилия баргузор мешавад.

Хадамоти матбуоти
Раиси вилояти Суғд

ШУМО ДАР: Навиди Суғд