Хабарҳо
Пешвои миллат дар як қатор вазорату идораҳо таъиноти кадрӣ ба амал оварданд - 24.01.2020 16:03
Хуҷанд. Дар мусобиқаи шаҳрӣ оид ба футбол 30 даста миёни ҳам қувваозмоӣ намуданд - 24.01.2020 15:58
Имсол тантанаҳои наврӯзӣ дар маркази вилояти Суғд – шаҳри Хуҷанд баргузор мегардад - 24.01.2020 16:01
Дар Донишгоҳи давлатии Хуҷанд бахшида ба 30-солагии Истиқлолияти давлатӣ Спартакидаи варзишӣ оғоз гардид - 24.01.2020 15:56
Президенти мамлакат Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро тасдиқ намуданд - 23.01.2020 16:35
Пешвои миллат Эмомалӣ Раҳмон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд - 23.01.2020 15:54
Нишасти 179-уми маҳфили “Ганҷи сухан” ба 5500-солагии Саразми бостонӣ ва 700 - солагии Камоли Хуҷандӣ бахшида шуд - 22.01.2020 10:33
Мусобиқаи кушоди ҷумҳуриявӣ оид ба волейбол ҷамъбаст гардид - 22.01.2020 08:40
Фармонҳои Президенти Ҷумҳурии Тоҷикистон - 21.01.2020 16:00
Зиндагии шоиста - ҳадафи асосӣ - 21.01.2020 11:00

Навиди Суғд


Ба маблағи 20,1 млн. сомонӣ 1481 адад таҷҳизот ва лавозимоти тиббӣ харидорӣ гардид

( 0 Овоз )

Соли 2019 барои муассисаҳои соҳаи тандурустии вилояти Суғд 1481 адад таҷҳизот ва лавозимоти тиббӣ ба маблағи 20,1 млн. сомонӣ харидорӣ ва дастрас карда шуд.

Барои харидории таҷҳизоту лавозимоти тиббӣ аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 1,2 млн. сомонӣ, мақомоти иҷроияи ҳокимияти давлатии вилоят 5,0 млн. сомонӣ, буҷетҳои маҳаллӣ 7,5 млн. сомонӣ ҷудо гардида, аз ҳисоби кўмакҳои башардўстона 3,2 млн. сомонӣ ва аз ҳисоби суратҳисоби махсуси муассисаҳо 3,2 млн. сомонӣ равона гардидааст.

Ёдовар мешавем, ки дар вилоят беш аз 1000 муассисаи тандурустӣ фаъолият дошта, ба аҳолии вилоят 5143 табибон ва 17393 кормандони миёнаи тиббӣ хизмат мерасонанд.

Хадамоти матбуоти
Раиси вилояти Суғд


Соли 2019 барои фаъолияти муназзами пойгоҳҳои обкашӣ ва иншооти обрасон 5,4 млн. сомонӣ ҷудо карда шуд

( 0 Овоз )

Соли 2019 ҷиҳати сари вақт ба мавсими обёрӣ омода намудани пойгоҳҳои обкашӣ ва иншоотҳои обрасон аз ҳисоби буҷетӣ вилоят 5,4 млн. сомонӣ маблағ ҷудо карда шуд.

Аз ҷумла, ба ноҳияи Зафаробод – 1,3 млн. сомонӣ, ноҳияи Мастчоҳ – 1,0 млн. сомонӣ, ноҳияи Ашт - 900 ҳазор сомонӣ, шаҳри Панҷакент-700 ҳазор сомонӣ, ноҳияи Ҷаббор Расулов - 400 ҳазор сомонӣ, ноҳияи Бобоҷон Ғафуров - 400 ҳазор сомонӣ ва ноҳияи Кўҳистони Мастчоҳ - 700 ҳазор сомонӣ барои омода намудани шабакаҳои обёрӣ ва пойгоҳҳои обкашӣ равона гардид.

Ҳамзамон бо дастгирии Мақомоти иҷроияи ҳокимияти давлатии вилоят ва Агентии беҳдошти замин ва обёрии назди Ҳукумати Ҷумҳурии Тоҷикистон қисман қубури баландфишори пойгоҳҳои обкашии Деҳмой-4 ба масофаи 340 м иваз карда шуд. Пойгоҳи обкашии мазкур санаи 30 марти соли 2019 ба кор дароварда шуда, барои беҳтар намудани таъминоти оби полезӣ  ва ба гардиши кишоварзӣ ворид намудани заминҳои  минтақаи Рухаки ҷамоати деҳоти  Деҳмои ноҳияи Ҷаббор Расулов мусоидат намуд.

Дар ноҳияи  Бобоҷон Ғафуров  пойгоҳи обкашии ба номи Исмоил Коҳиров ва Рухак-2 аз таъмир бароварда шуда, қубури баландфишори қутраш 300 мм дар пойгоҳи обкашии Рухак-2 ба масофаи  630 метр иваз карда шуда, дастгоҳи обкашии  290/30 – 2 адад бо муҳаррики барқии 40кВт/соат 2 адад харидорӣ шуда васлу насб карда шуд.

Тадбирҳои роҳандозишуда барои беҳтар намудани таъминоти оби полезӣ ва ба гардиши кишоварзӣ ворид намудани заминҳо мусоидат намуд.

Хадамоти матбуоти
Раиси вилояти Суғд

 

Сафари кории Раиси Раёсати умумии амнияти миллии Ҷумҳурии Исломии Афғонистон ба Ҷумҳурии Тоҷикистон

( 0 Овоз )

ДУШАНБЕ 15.01.2020 /АМИТ «Ховар»/. 14-15-уми январи соли 2020 сафари кории Раиси Раёсати умумии амнияти миллии Афғонистон Аҳмад Зиё Сироҷ бо ҳайати баландпояи ин хадамот ба Тоҷикистон доир гардид.

Зимни сафар, мулоқоти ӯ бо Раиси Кумитаи давлатии амнияти миллии Ҷумҳурии Тоҷикистон Саймумин Ятимов баргузор шуд.

Дар рафти музокирот масъалаҳои тавсеа бахшидани ҳамкориҳои самараноки дуҷониба дар таъмини амнияти минтақа, суботу оромии Афғонистони ҳамсоя, муборизаи муштарак ба муқобили терроризми байналмилалӣ, ҳифзи сарҳади давлатӣ, пешгирии қочоқи маводи мухаддир ва дигар масъалаҳои муҳим муҳокима гардиданд.

Ҷониби Афғонистон, ки дар сафи пеши мубориза бо терроризм ва ифротгароӣ қарор дорад, изҳор дошт, ки бо мақомоти низомию амниятии Тоҷикистон ҳамкориҳои судмандро ба манфиати ду кишвар ва минтақа дар вобастагӣ бо хатарҳои нави геополитикӣ, таҳдидҳои воқеӣ ва эҳтимолӣ боз ҳам мустаҳкамтар хоҳад кард.

Тарафҳо ибрози нигаронӣ карданд, ки қаламрави Афғонистон бо дахолати қувваҳои муайяни тахрибкори байналмилалӣ ба майдони ҳарбу зарб табдил ёфтааст. Ин ҳолат, боиси эҷоди хавфу хатар барои кишварҳои ҳамсоя низ мебошад.

Дар алоқамандӣ бо вазъияти бавуҷудомада, таҳдиди мустақими созмонҳои террористии байналхалқӣ, аз ҷумла «ал-Койида», «Давлати исломӣ», «Ҳизби наҳзати ислом», «Ансоруллоҳ», «Ҳаракати исломии Туркистони Шарқӣ», «Ҳаракати исломии Туркистон» ва ғайра таъкид гардид.

Ҷониби Тоҷикистон миннатдории худро ба Раёсати умумии амнияти миллии Афғонистон ҷиҳати ошкор сохтан, муборизаи беамон бурдан ба муқобили  гурӯҳҳои террористие, ки омодагии махсус дида, барои содир намудани амалҳои мудҳиши террористӣ дар Тоҷикистон супориш гирифта буданд, изҳор дошт.

Тарафҳо омодагии худро барои боз ҳам амиқтар гардонидани ҳамкориҳо барои таъмини амнияти марзҳои Тоҷикистону Афғонистон дар самтҳои мубориза бо терроризм, экстремизм, қочоқи силоҳ ва маводи мухаддир таъкид карданд.

Мулоқот дар фазои дӯстона, ҳусни тафоҳум сурат гирифт ва барои вусъати тоза бахшидани муносибатҳои шарикона дар шароити кунунӣ ва оянда мусоидат хоҳад кард.

Дар фарҷоми мулоқот Раиси РУАМ ҶИА аз натиҷаи ташрифи худ ба Тоҷикистон изҳори қаноатмандӣ намуда, аз Раиси КДАМ ҶТ даъват ба амал овард, ки дар фурсати муносиб ба Афғонистон сафари корӣ анҷом диҳад. Даъват пазируфта шуд.

 

Вохӯрии муовини Сарвазири Ҷумҳурии Тоҷикистон бо муовини Сарвазири Ҷумҳурии Қирғизистон

( 0 Овоз )

Бо супориши Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Сооронбой Жээнбеков 14 январи соли 2020 дар ҷамоати Гулистони шаҳри Исфара бо иштироки роҳбарони мақомоти қудратии ҷонибҳо вохӯрии кории муовини Сарвазири Ҷумҳурии Тоҷикистон Азим Иброҳим ва муовини Сарвазири Ҷумҳурии Қирғизистон Жениш Разоқов ҷиҳати муҳокимаи масъалаҳои наздисарҳадӣ, инчунин муноқишаҳое, ки дар қитъаҳои наздисарҳадии Ҷумҳурии Тоҷикистон ва Ҷумҳурии Қирғизистон ба вуқуъ пайваста буданд, баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Зимни вохӯрӣ оид ба фаъол намудани идомаи тавсифи хатти лоиҳавии сарҳади давлатии Тоҷикистону Қирғизистон дар қитъаҳои боқимонда мубодилаи ҳамаҷонибаи афкор сурат гирифт.

Ба роҳбарони ҳокимияти маҳаллии вилоятҳои наздисарҳадӣ ҷиҳати пурзӯр намудани корҳои фаҳмондадиҳӣ ва тадбирҳои бартарафкунанда, ба мақсади пешгирии муноқишаҳо, инчунин ба таври фаврӣ ҳал намудани масъалаҳое, ки аз ҷониби аҳолии ноҳияҳои наздисарҳадии ду кишвар ба вуҷуд меоянд, супориш дода шуд.

Гуфтушунидҳо дар фазои дӯстона баргузор шуда, аз натиҷаи вохӯрӣ протоколи дахлдор ба имзо расид.

 

Ташрифи беш аз 914 000 шаҳрвандони хориҷӣ ба вилояти Суғд

( 0 Овоз )

Соли 2019 ба қаламрави вилояти Суғд бо мақсади саёҳату тиҷорат ва меҳмонӣ беш аз 914 000 шаҳрвандони хориҷӣ ворид гардиданд, ки нисбати соли 2018-ум 7,4 фоиз зиёд мебошад.

Бояд зикр намуд, ки мақомоти иҷроияи ҳокимияти давлатии вилояти Суғд дар доираи нақшаи чорабиниҳои “Солҳои рушди деҳот, сайёҳӣ ва ҳунарҳои мардумӣ” ба рушди соҳаи сайёҳӣ ва ҷалби гардишгарон ба минтақаҳои туристии вилоят тадбирҳои заруриро роҳандозӣ менамояд.

Дар ин раванд соли гузашта 10 ширкати нави сайёҳӣ таъсис ёфт ва ҳамин тавр шумораи ширкатҳои сайёҳӣ дар вилоят ба 40 адад расонида шуд.

Ёдовар бояд шуд, ки дар ҳудуди вилоят 86 меҳмонхонаву осоишгоҳ, 46 осорхона ва 1190 ёдгории таърихию фарҳангӣ мавҷуд буда, ҷиҳати рушди соҳаи сайёҳӣ ҳамасола иншооти наву замонавӣ бунёд гардида истодааст.

Хадамоти матбуоти
Раиси вилояти Суғд


ШУМО ДАР: Навиди Суғд