Хабарҳо
Бинои маъмурии шуъбаи минтақавии Раёсати мубориза алайҳи ҷиноятҳои муташаккили ВКД ҶТ дар вилояти Суғд пас аз навсозӣ ба истифода дода шуд - 20.10.2018 14:41
Қадршиносии ғолибони мусобиқаи меҳнатӣ - 20.10.2018 11:37
Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест» - 19.10.2018 21:30
Фармонҳои Президенти Ҷумҳурии Тоҷикистон - 19.10.2018 15:28
Боздиди Раиси вилоят аз Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ - 19.10.2018 13:40
«Рушди соҳибкорӣ дар замони муосир: муаммоҳо ва роҳҳои ҳалли он» - конференсияи ҷумҳуриявӣ дар ДДҲБСТ - 19.10.2018 12:44
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ /АКСҲО/ - 19.10.2018 13:01
Деваштич: Диёр обод, зиндагӣ хуррам.... - 19.10.2018 09:40
214 нафар хонандагони мактабҳои вилояти Суғд дар олимпиадаҳои байналмилалӣ ҷойҳои ифтихориро соҳиб шуданд - 19.10.2018 09:38
Нақшаи даромади буҷети давлатӣ ба андозаи 104 фоиз таъмин гардид - 19.10.2018 09:37

Дар шаҳри Бӯстон Маркази савдои "Самарқанд" ба фаъолият оғоз кард

( 0 Овоз )

6 июни соли 2018 дар шаҳри Бӯстон калонтарин маркази савдо ба фаъолият оғоз намуд. Дар маросими ифтитоҳи маркази савдо раиси шаҳри Бӯстон Раъно Ҳошимзода, муовини Раиси Ҳизби Халқии Демократии Тоҷикистон Бобоҷониён Раъно Маҳмудзода ва аҳолии маҳал ширкат намуданд.

Нахуст роҳбари шаҳр оид ба дастгирии давлатии соҳибкорӣ аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ибрози назар намуда, ифтитоҳи калонтарин маркази савдоро дар остонаи таҷлили Рӯзи Ваҳдати миллӣ фоли нек арзёбӣ намуд.

Сипас, муовини Раиси Ҳизби Халқии Демократии Тоҷикистон Бобоҷониён Раъно Маҳмудзода оид ба таъмини шароити арзанда ба сокинони кишвар аз ҷониби Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ва саҳмгузории аъзоёни Ҳизби Халқии Демократии Тоҷикистон дар рушди иқтисодиву иҷтимоии кишвар андешаронӣ намуда, иқдоми навбатии соҳибкорони шаҳри Бӯстонро дар заминаи баргузории мулоқоти Пешвои миллат муҳтарам Эмомалӣ Раҳмон бо аҳли ҷамоатчигии кишвар муфид арзёбӣ намуд.

Боиси зикр аст, ки маркази савдои мазкур бо ташаббуси соҳибкорони маҳаллӣ Ёдгор Мамадов ва Абдулаҳай Шарипов таҷдид ва азнавсозӣ гардида, дар он 15 сокини маҳаллӣ бо ҷои кори доимӣ ва маоши хуб таъмин гардиданд. Маркази савдои мазкур дар заминаи барқарории равобити дӯстонаи Ҷумҳурии Тоҷикистон бо Ҷумҳурии Ӯзбекистон ва рамзи таҳкими дӯстиву рафоқат бо кишвари ҳамсоя “Самарқанд” номгузорӣ карда шуд.

Маркази савдои мазкур дар кӯчаи А.С.Пушкин воқеъ буда, яке аз калонтарин марказҳои савдои шаҳр ба ҳисоб меравад, ки сокинон имкони харидории тамоми маҳсулотро бо нархҳои дастрас аз он пайдо хоҳанд намуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Дар шаҳри Бӯстон Маркази савдои "Самарқанд" ба фаъолият оғоз кард