Хабарҳо
Боздиди Раиси вилоят аз Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ - 19.10.2018 13:40
«Рушди соҳибкорӣ дар замони муосир: муаммоҳо ва роҳҳои ҳалли он» - конференсияи ҷумҳуриявӣ дар ДДҲБСТ - 19.10.2018 12:44
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ /АКСҲО/ - 19.10.2018 13:01
Деваштич: Диёр обод, зиндагӣ хуррам.... - 19.10.2018 09:40
214 нафар хонандагони мактабҳои вилояти Суғд дар олимпиадаҳои байналмилалӣ ҷойҳои ифтихориро соҳиб шуданд - 19.10.2018 09:38
Нақшаи даромади буҷети давлатӣ ба андозаи 104 фоиз таъмин гардид - 19.10.2018 09:37
Маҷмӯи маҳсулоти минтақавии вилояти Суғд дар нуҳ моҳ 12 млрд. 766,2 млн. сомониро ташкил кард - 19.10.2018 09:35
Таджикистан за межгосударственные отношения и против поддержки терроризма - 18.10.2018 15:34
Дар Панҷакент таҳти унвони “Рушди минтақаҳо ва таҳкими дӯстии халқҳои Тоҷикистону Ӯзбекистон” конфронс доир хоҳад шуд - 18.10.2018 13:27
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ доир мешавад - 18.10.2018 09:54

Шаҳрдори Хуҷанд ба 100 нафар идрорпулӣ тақдим кард

( 0 Овоз )

Дирӯз дар толори калони Мақомоти иҷроияи ҳокимияти давлатии шаҳри Хуҷанд маросими супоридани идрорпулии раиси шаҳри Хуҷанд ба ҷавонони фаъоли шаҳр баргузор шуд.

Раиси шаҳри Хуҷанд Маъруф Муҳаммадзода дар маросими супоридани стипендияи раиси шаҳр ба ҷавонони лаёқатманд маърӯза намуда, аз ҷумла таъкид дошт, ки аз баракати Истиқлолияти давлатӣ ва бо ғамхориҳои Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон барои ҷавонони кишвар шароитҳои зарурӣ фароҳам оварда шудааст. Ӯ ҳамчунин афзуд, ки имрӯз мардуми шарифи кишвари соҳибистиқлоламон дар фазои орому осоишта, дар шукргузорӣ аз ин неъмати бебаҳо бо меҳнати фидокорона ва созандагиву бунёдкориҳои тоза зиндагӣ намуда, ба сӯи ояндаи дурахшон қадамҳои устувор мегузоранд.

Иттилоъ дода шуд, ки ташаббусҳои созандаи ҷавонон аз ҷониби Ҳукумати кишвар ҳамеша дастгирӣ ёфта, ҷавонон дар корҳои роҳбарии шохаҳои ҳокимият, истеҳсолоту тиҷорат, илму таҳсилот ва ғайраҳо пурсамар фаъолият доранд.

Раиси шаҳр гуфт, ки дар соли таҳсили 2017-2018 дастаи хонандагони шаҳри Хуҷанд дар олимпиадаи фаннии ҷумҳуриявӣ ба гирифтани 31 ҷойҳои ифтихорӣ аз ҷумла, ҷойи якум - 7 нафар ҷойи дуюм - 9 нафар ва ҷойи сеюм 15 нафар, дар олимпиадаи байналмиллалӣ ба гирифтани 19 ҷои ифтихорӣ, аз ҷумла ҷойи якум 4 нафар, ҷои дуюм 2 нафар ва ҷойи сеюм 13 нафар, олимпиадаи байналмиллалии фосилавӣ 69 ҷойи ифтихорӣ ҷойи якум 10 нафар, ҷойи дуюм 43 нафар ва ҷойи сеюм 16 нафар буда, дар миқсёи вилоят дастаи мактаббачагони шаҳр сазовори мақоми якум гардиданд.

Сипас, раиси шаҳри Хуҷанд дар вазъияти тантанавӣ ба 100 нафар наврасону ҷавонон, аз ҷумла 20 нафар варзишгарони фаъол стипендияҳои раиси шаҳри Хуҷандро супорид.

Хонандаи МТМУ №19-и шаҳри Хуҷанд Фарзона Султонова ва донишҷуйи ДДҲБСТ Мирзоҷон Мирзобоев аз чунин таваҷҷуҳу ғамхории пайваста ба Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон арзи миннатдорӣ намуда, ваъда доданд, ки бо кору пайкори созанда Ватани маҳбуби хешро боз ҳам ободу зебо менамоянд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шаҳрдори Хуҷанд ба 100 нафар идрорпулӣ тақдим кард