Хабарҳо
Боздиди Раиси вилоят аз Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ - 19.10.2018 13:40
«Рушди соҳибкорӣ дар замони муосир: муаммоҳо ва роҳҳои ҳалли он» - конференсияи ҷумҳуриявӣ дар ДДҲБСТ - 19.10.2018 12:44
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ /АКСҲО/ - 19.10.2018 13:01
Деваштич: Диёр обод, зиндагӣ хуррам.... - 19.10.2018 09:40
214 нафар хонандагони мактабҳои вилояти Суғд дар олимпиадаҳои байналмилалӣ ҷойҳои ифтихориро соҳиб шуданд - 19.10.2018 09:38
Нақшаи даромади буҷети давлатӣ ба андозаи 104 фоиз таъмин гардид - 19.10.2018 09:37
Маҷмӯи маҳсулоти минтақавии вилояти Суғд дар нуҳ моҳ 12 млрд. 766,2 млн. сомониро ташкил кард - 19.10.2018 09:35
Таджикистан за межгосударственные отношения и против поддержки терроризма - 18.10.2018 15:34
Дар Панҷакент таҳти унвони “Рушди минтақаҳо ва таҳкими дӯстии халқҳои Тоҷикистону Ӯзбекистон” конфронс доир хоҳад шуд - 18.10.2018 13:27
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ доир мешавад - 18.10.2018 09:54

Шаҳрдори Исфара: Ҷавонон дар рушду ободии сарзамини аҷдодии хеш саҳми арзанда мегузоранд

( 0 Овоз )

Соли равон Варзишгоҳи деҳаи Чилгазии шаҳри Исфара макони баргузории тантанаҳои умумишаҳрӣ интихоб ва дар ин макон бахшида ба Рӯзи ҷавонони Тоҷикистон чорабиниҳои идона доир шуд.

Тибқи иттилои сухангӯи шаҳрдори Исфара Иқбол Илёсзода раҳпаймоии идонаи ҷавонон дар маркази шаҳр, баргузории ярмаркаи ҷойҳои кори доимӣ ба ҷавонони бешуғл ва намоиши дастранҷи ҳунармандони бо истифодаи қарзҳои хурди имтиёзнок ба соҳибкорӣ машғулбуда, оғозбахши тантанаҳои идона буданд.

Дар раванди ҷамъомади бошукӯҳи идона, ки дар варзишгоҳ бо ширкати беш аз 3000 нафар ҷавонони шаҳру деҳоти Исфара сурат гирифт, аҳли ҷамъомад ва дар симои онҳо кулли ҷавонони саодатёри шаҳру деҳоти Исфараро ба муносибати Рӯзи ҷавонон раиси шаҳри Исфара Саломзода Сиҷоуддин самимонаву сидқан шодбош гуфт.

Мавсуф ҳамасола дар сатҳи баланди ҷамъиятиву сиёсӣ таҷлил гардидани Рӯзи ҷавононро далели равшани таваҷҷўҳ ва шаҳодати ғамхориҳои пайвастаи давлату Ҳукумат нисбат ба насли ҷавони кишвар арзёбӣ намуд ва ҳамзамон бо зикри дастовардҳои ҷавонони Исфарамарз дар самту соҳаҳои гуногун ба 21 нафар толибилмони фаъоли муассисаҳои таълимӣ идрори раиси шаҳри Исфараро тақдим намуд.

Табрикоти идонаи Раиси вилояти Суғд Раҷаббой Аҳмадзодаро ба ҷавонони Исфара намояндаи Мақомоти иҷроияи ҳокимияти давлатии вилояти Суғд Бобозода Хайрулло расонид.

Саломзода Сиҷоуддин дар интиҳо изҳори умедворӣ аз он намуд, ки ҷавонони солимфикру некназар ва бонангу номуси диёр омӯхтани илму дониш, касбу ҳунар ва ҳифзу ҳимояи Ватанро вазифаи ҷонии худ дониста, дар оянда мавқеи сазовори худро дар ҷомеа пайдо мекунанд, дар таҳкими Истиқлолияти давлатӣ ва рушду ободии сарзамини аҷдодии хеш саҳми арзанда мегузоранд.

Барномаи ҷолиби фарҳангие, ки саршор аз созу навои ҷавонӣ буд, тантанаи идонаро шукӯҳи тозае бахшид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шаҳрдори Исфара: Ҷавонон дар рушду ободии сарзамини аҷдодии хеш саҳми арзанда мегузоранд