Хабарҳо
Боздиди Раиси вилоят аз Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ - 19.10.2018 13:40
«Рушди соҳибкорӣ дар замони муосир: муаммоҳо ва роҳҳои ҳалли он» - конференсияи ҷумҳуриявӣ дар ДДҲБСТ - 19.10.2018 12:44
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ /АКСҲО/ - 19.10.2018 13:01
Деваштич: Диёр обод, зиндагӣ хуррам.... - 19.10.2018 09:40
214 нафар хонандагони мактабҳои вилояти Суғд дар олимпиадаҳои байналмилалӣ ҷойҳои ифтихориро соҳиб шуданд - 19.10.2018 09:38
Нақшаи даромади буҷети давлатӣ ба андозаи 104 фоиз таъмин гардид - 19.10.2018 09:37
Маҷмӯи маҳсулоти минтақавии вилояти Суғд дар нуҳ моҳ 12 млрд. 766,2 млн. сомониро ташкил кард - 19.10.2018 09:35
Таджикистан за межгосударственные отношения и против поддержки терроризма - 18.10.2018 15:34
Дар Панҷакент таҳти унвони “Рушди минтақаҳо ва таҳкими дӯстии халқҳои Тоҷикистону Ӯзбекистон” конфронс доир хоҳад шуд - 18.10.2018 13:27
Намоишгоҳи ҷумҳуриявии дастовардҳои соҳаи меъморӣ, шаҳрсозӣ ва ҳунарҳои мардумӣ доир мешавад - 18.10.2018 09:54

Дар маркази вилоят Форуми муштараки доираҳои соҳибкории вилояти Суғд ва Ҷумҳурии Корея доир шуд

( 0 Овоз )
  • Пешина
  • 1 of 6
  • Минбаъда

17 майи соли равон бо мақсади иштирок дар Форуми муштараки доираҳои соҳибкории вилояти Суғд ва Ҷумҳурии Корея ҳайати соҳибкорон ва намояндагони Кореяи ҷанубӣ ба вилояти Суғд ташриф оварданд.

Гуруҳи меҳмононро дар гузаргоҳи сарҳадии «Патар»-и шаҳри Конибодом намояндагони Мақомоти иҷроияи ҳокимияти давлатии вилояти Суғд ва шаҳри Конибодом истиқбол намуданд. Сипас, бо роҳбаладии муовини Раиси вилояти Суғд Анвар Яъқубӣ гуруҳи меҳмонон ба Минтақаи озоди иқтисодии “Суғд” ташриф оварда, бо фаъолияти корхонаи «Арча» аз наздик шинос шуданд. Ба меҳмонон оид ба таърихи ташкилёбии корхона, истеҳсоли маҳсулоти сохтмонӣ ва дигар самти фаъолият маълумот дода шуд.

Баъди боздид аз корхонаи мазкур дар Кохи матбуоти маркази вилоят бо иштироки соҳибкорони вилояти Суғд ва Ҷумҳурии Корея Бизнес-форум баргузор шуд. Муовини Раиси вилоят Анвар Яъқубӣ меҳмононро аз номи Раиси вилояти Суғд Раҷаббой Аҳмадзода ба  Суғди бостон хайрамақдам гуфта, изҳори боварӣ намуд, ки ташрифи меҳмонон ба рушди муносибатҳои дуҷонида такони ҷиддие хоҳад бахшид. Тавре қайд карда шуд, ташрифи ҳайати соҳибкорон ва намояндагони Ҷумҳурии Корея ба вилояти Суғд бо мусоидати сафири Тоҷикистон дар Корея ба вуқӯъ пайваста аст. Ин иқдоми нек барои шинос гардидани меҳмонон бо имкониятҳои вилоят ва ба хусус дар “Соли рушди сайёҳӣ ва ҳунарҳои мардумӣ” фоли нек арзёбӣ карда шуд.

Намояндагони Ҷумҳурии Корея аз ин сафар изҳори қаноатмандӣ намуда, қайд карданд, ки баргузории Бизнес-форум дар оянда самараи нек ба бор хоҳад овард.

Ба меҳмонон имкониятҳои вилояти Суғд муаррифӣ карда шуд. Таъкид гардид, ки бо дастгирии Ҳукумати Ҷумҳурии Тоҷикистон дастовардҳо дар ҳамаи бахшҳои хоҷагии халқ чашмрас буда, рушди соҳаи саноат, дастгирии соҳибкорон ва сармоягузорон яке аз масъалаҳое мебошад, ки ба он афзалияти бештар дода мешавад.

Роҳбарияти Минтақаи озоди иқтисодии “Суғд” зимни муаррифии зарфиятҳои ин минтақа гуфт, ки дар Тоҷикистон чор минтақаи озоди иқтисодӣ ташкил карда шудааст, ки яке аз онҳо дар вилояти Суғд мебошад. Ҳоло дар ин минтақа 24 корхона ба қайд гирифта шуда, фаъолияти босамар доранд. Баъди муаррифии зарфиятҳои иқтисодии вилоят меҳмонон вобаста ба самти фаъолияти хеш маълумот доданд ва барои барқарор намудани робитаҳои тиҷоратӣ ва мустаҳкам намудани риштаи дӯстӣ миёни соҳибкорони вилояти Суғд ва Ҷумҳурии Корея мулоқоту гуфтушунид сурат гирифт.

Хадамоти матбуоти
Раиси вилояти Суғд








Шарҳ додан


Защитный код
Нав кардан

ШУМО ДАР: Навиди Суғд Дар маркази вилоят Форуми муштараки доираҳои соҳибкории вилояти Суғд ва Ҷумҳурии Корея доир шуд