Хабарҳо
Ба имзо расидани як қатор қонунҳо аз ҷониби Президенти Ҷумҳурии Тоҷикистон - 20.06.2019 17:09
Баргузории конференсияи ҷумҳуриявии «Бузургии модарон дар Ваҳдат аст!» - 20.06.2019 16:53
Дар Хуҷанд таҳти унвони "Ҳамкории иқтисодӣ-иҷтимоӣ ва фарҳангии Тоҷикистону Ӯзбекистон:таърих ва замони муосир" конфронс доир мешавад - 20.06.2019 15:15
Суғд: Даври вилоятии озмуни ҷумҳуриявии "Тоҷикистон - Ватани азизи ман" гузаронида мешавад - 20.06.2019 10:19
Рӯзҳои 21 - 22 июн Ярмаркаи VI байналмилалии савдо "Суғд-2019" гузаронида мешавад - 20.06.2019 10:02
Сайҳун: Эҳтиёҷмандон соҳиби замин шуданд - 19.06.2019 16:44
Миёни аксбардорони касбиву ҳаваскор озмуни “Акси зебои кишварам” гузаронида мешавад - 19.06.2019 13:39
Нашри китобҳои «Масъалаҳои мубрами журналистика» ва «Масъалаҳои матбуоти маҳаллии ҳавзаи Суғд дар шароити ҷаҳонишавӣ» - 19.06.2019 11:21
Дар ноҳияи Деваштич наздик 100 иншооти ҷашнӣ мавриди истифода қарор дода шуд - 17.06.2019 15:06
Пешвои миллат Эмомалӣ Раҳмон Ноиби Президенти Бонки Рушди Осиё Шиксин Ченро ба ҳузур пазируфтанд - 19.06.2019 08:40

Таҷлили 73-юмин солгарди ҷашни Ғалаба дар Конибодом

( 0 Овоз )

Ҳамасола 9-уми май дар саросари кишварҳои собиқ Иттиҳоди Шӯравӣ ҷашни Ғалабаи бузург бар фашизми Германия ботантана ҷашн гирифта мешавад.

Сокинони шаҳри Конибодом низ чун тамоми мардуми шарифи Тоҷикистон ин ҷашни муқаддасро ботантана ҷашн гирифтанд. Ба ин муносибат дар майдони «Оташи абадӣ» бо ширкати иштирокчиёни Ҷанги Бузурги Ватанӣ, фидокорони меҳнати ақибгоҳ, ҷанговарони байналмилал, барқароркунандагони сохти конститутсионӣ, сарварони ташкилоту муассисот, наврасону ҷавонон ва оммаи васеи аҳолӣ ҷамъомади тантанавӣ доир гашт. Дар назди ҳозирин раиси шаҳр Ғайбулло Боҳирӣ бо суханони табрикотӣ баромад намуда, кулли сокинони шаҳрро бо фаро расидани ҷашни бузурги Ғалаба шодбош гуфт. Зикр гардид, ки дар қатори дигар абармардон дар он айёми ҷанги хонумонсӯз зиёда аз шаш ҳазор сокинони шаҳр ба ҷанг рафта, аз онҳо 3 ҳазору 300 нафарашон барои озодии Ватан ҷони худро нисор намудаанд.

Намояндаи Мақомоти иҷроияи ҳокимияти давлатии вилояти Суғд Накҳатзода табрикоти Раиси вилоят Раҷаббой Аҳмадзодаро ба самъи ҳозирин расонид.

Муҳассилини макотиби шаҳр дар васфи Ватан, шуҷоату мардонагии иштирокчиёни ҷанг ва ғалабаи бузург шеърҳо қироат карданд. Барномаи адабии муҳассилини макотиби шаҳр анҷомбахши чорабинии идона гардид. Пас аз ҷамъомади тантанавӣ барои иштирокчиёни ҶБВ дастурхони идона ороста шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Таҷлили 73-юмин солгарди ҷашни Ғалаба дар Конибодом