Хабарҳо
Спитамен. Дар доираи омодагиҳо ба ҷашни 30-солагии Истиқлолияти давлатӣ як қатор иншоот мавриди истифода қарор гирифт - 17.10.2018 09:02
Конибодом. Нақшаи даромади буҷети давлатӣ 109 фоиз таъмин шуд - 17.10.2018 08:51
Конфронси байналмилалӣ дар Истанбул: «Хатари ташкилоти террористии ҳизби наҳзат аз «ДОИШ» ва «Ал-қойида» кам нест» - 16.10.2018 22:33
Ифтитоҳи бинои таълимӣ дар қисми низомии 02267-и Вазорати мудофиаи Ҷумҳурии Тоҷикистон - 16.10.2018 16:07
Ҳаҷми истеҳсоли маҳсулоти саноатӣ дар Хуҷанд ба 844,1 млн. сомонӣ баробар шуд - 16.10.2018 14:58
Боздиди донишҷӯёни Донишкадаи политехникии ДТТ аз Неругоҳи барқи обии “Роғун” - 16.10.2018 08:41
Яксўябинӣ дар таҳқиқи Бардия Раҳмонӣ - 16.10.2018 06:04
«Маданият ва қадрият»-и Абдуллозода ифротгароист - 16.10.2018 06:02
Ба беш аз 1600 нафар маъюбони гуруҳи 1 аз рӯи нобиноӣ 329 400 сомонӣ кӯпакпулӣ тақдим карда шуд - 15.10.2018 16:18
МАШ БАЧГАЛА ЦАРАНГ АҲВОЛАТ? - 15.10.2018 13:38

Маҳфили навбатии “Ганҷи сухан” ба 140 - солагии Қаҳрамони Тоҷикистон устод Садриддин Айнӣ бахшида шуд

( 0 Овоз )

Чанде қабл бахшида ба 140 - солагии  Қаҳрамони Тоҷикистон устод Садриддин Айнӣ ва 75-солагии Ҳунарманди мардумии Ҷумҳурии Тоҷикистон Ҷӯрабек Муродов дар толори факултети филологияи тоҷики Донишгоҳи давлатии Хуҷанд ба номи академик Бобоҷон Ғафуров бо ширкати олимону адибон ва мухлисони каломи бадеъ нишасти 161–уми маҳфили илмиву адабии “Ганҷи сухан” баргузор шуд.

Маҳфилро адабиётшинос Саидумрон Саидов ифтитоҳ бахшид ва сипас дар бахши навгониҳои илмӣ гузориши Шарифҷон Тоҷибоев-дотсенти Донишгоҳи давлатии Хуҷанд ба номи академик Бобоҷон Ғафуров шунида шуд.

Дар маърӯзаи Субҳон Аъзамзод-дотсенти Донишгоҳи давлатии Хуҷанд ба номи академик Бобоҷон Ғафуров, ки таҳти унвони “Садриддин Айнӣ - чеҳраи мондагори адабиёт, илм ва фарҳанг” ироа гардид, аз муҳимтарин хидматҳои устод Садриддин Айнӣ дар худшиносии миллии тоҷикон ёдоворӣ шуд.

Абдураҳим Аминҷонов - дотсенти донишгоҳ дар мавзӯи “Устоди беназири ҳунар” суханронӣ намуда, оид ба ҷанбаҳои ҳунарӣ, сабк ва услуби ҳофизӣ, зинаҳои такомули эҷод, шӯҳрати ҷаҳонии Ҷӯрабек Муродов нақлҳои ҷолиб намуд.

Сипас, нависанда Додохони Эгамзод ва шоир Нарзуллои Азизиён андешаҳои худро доир ба ҳаёту фаъолияти Садриддин Айнӣ ва нақши маҳфили “Ганҷи сухан” дар тарбияи маънавии ҷомеа баён намуданд.

Ҳоҷӣ Ҳусайн Мӯсозода низ дар суханронии худ аз шӯҳрати ҷаҳонии устод Садриддин Айнӣ ва Ҷӯрабек Муродов нақлҳои ҷолиб намуда, як шеъри худро қироат намуд.

Монтажи адабии донишҷӯёни факултети филология аз рӯзгори  устод Айнӣ, ки дар заминаи осори нависанда рӯи саҳна оварда шуд, ба маҳфил шукуҳи тоза бахшид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Маҳфили навбатии “Ганҷи сухан” ба 140 - солагии Қаҳрамони Тоҷикистон устод Садриддин Айнӣ бахшида шуд