Хабарҳо
Ифтитоҳи майдончаи варзишӣ дар Ҷамоати шаҳраки Навкати ноҳияи Спитамен - 17.01.2019 16:22
Ифтитоҳи бинои иловагии муассисаи таҳсилоти миёнаи умумии рақами 9 –и ноҳияи Спитамен - 17.01.2019 15:12
ЭМОМАЛӢ РАҲМОН ВА СОЛИ РУШДИ САЙЁҲӢ ВА ҲУНАРҲОИ МАРДУМӢ. Солномаи Пешвои миллат-2018 - 17.01.2019 14:59
Шиносоии Раиси вилоят бо лоиҳаҳои иншооти бунёдшаванда дар шаҳри Хуҷанд - 17.01.2019 14:05
Муаррифии китоби тозанашри “Давлат, сиёсат, ҷомеа” дар КИ ҲХДТ дар вилояти Суғд - 17.01.2019 10:45
Имсол як қатор нишастҳои маҳфили “Ганҷи сухан” дар деҳоти вилоят доир мешавад - 17.01.2019 10:34
Қарори Раиси вилояти Суғд Дар бораи расонидани кўмаки моддӣ ба маъюбони Артиши Шӯравӣ - 17.01.2019 09:56
Баргузории мулоқоту вохӯриҳо ҷиҳати шарҳу тавзеҳи Паёми Сарвари давлат дар шаҳри Бӯстон - 17.01.2019 09:35
Иран может повторить судьбу ливийского лидера Каддафи - 16.01.2019 17:19
Маросими муаррифии муовини Раиси вилоят - 16.01.2019 16:41

Сафари ҳайати 40 нафараи намояндагони Исфара ба ноҳияи Боткони Ҷумҳурии Қирғизистон

( 0 Овоз )

Ҳайати 40 нафараи намояндагони Исфара, ки роҳбарияти шаҳр, раисони ҷамоатҳои деҳоти наздисарҳадӣ, сарварони муассисаҳои хизматрасонӣ –Идораи беҳдошти замин ва обёрӣ ва Шабакаҳои барқи Исфара, масъулини маорифу тандурустӣ ва фарҳанг, масъулини шуъбаҳои кор бо занон, ҷавонон, варзиш ва сайёҳӣ, иттиҳодияҳои ҷамъиятӣ ва васоити ахбори умум шомили он буданд, таҳти сарварии иҷрокунандаи вазифаи раиси шаҳри Исфара Саломзода Сиҷоуддин ба ноҳияи Боткони Ҷумҳурии Қирғизистон сафар намуданд.

Тибқи иттилои сухангӯи шаҳрдори Исфара Иқбол Тешаев пазиройӣ ва истиқболи меҳмонон аз ҷониби ҳокими ноҳияи Боткон Кениш Салихов ва аҳли фарҳанги он гарму самимона сурат гирифт.

Ҷоизи зикр аст, ки таҳкими фазои эътимод ва ҳамдигарфаҳмӣ, тақвиятбахшии муносибатҳои неки ҳамсоягӣ ва ҳамзистии осоиштаи сокинони минтақаҳои наздисарҳадӣ ҳадафи асосӣ аз ин сафар арзёбӣ мегардад.

Дар раванди мизи мудаввар, ки дар дар фазои ҳусни тафоҳум сурат гирифт, иҷрокунандаи вазифаи раиси шаҳри Исфара Саломзода Сиҷоуддин ва ҳокими ноҳияи Боткон Салихов Кениш Каримович ҳамзамон хоссатан зикр намуданд, ки бо ташаббусу кӯшишҳои муштараки роҳбарияти олии мамлакатҳо - Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон Сооронбой Жээнбеков, муносибатҳои бисёрҷонибаи Тоҷикистону Қирғизистон ба сатҳи сифатан нав бароварда шудааст.

Ҳамзамон таъкид карда шуд, ки мардуми тоҷику қирғиз тули қарнҳо дар фазои дӯстиву рафоқат ва ҳамсоягӣ зиндагонӣ доштанд ва минбаъд низ ин анъанаи неки гузаштагон идома дода мешавад.

Дар ҷараёни баргузории мизи мудаввар доир ба муҳимияти ҳамкориҳои фарҳангию-гуманитарӣ низ табодули афкори судманд баргузор шуда, роҳандозии робитаҳои бевоситаи доираҳои илмию эҷодӣ, муассисаҳои таълимию фарҳангӣ ва муҳайёсозии шароити ҳамкорӣ дар соҳаи тандурустӣ, варзиш ва сайёҳиро муҳим шумориданд

Бо мақсади тарбияи насли ҷавон дар рӯҳияи дӯстиву рафоқат ва тақвиятбахшии ҳамзистии осоиштаи сокинони минтақаҳои наздисарҳадӣ бунёди майдончаҳои муосири варзишӣ дар деҳоти наздисарҳадии Хоҷаи Аълои шаҳри Исфара ва Уч – Добои ноҳияи Боткон ва дар ин замина ташкилу баргузории мусобиқоти варзишӣ ва барномаҳои фарҳангӣ мувофиқи мақсад дониста шуд.

Баъд аз анҷоми мизи мудаввар барномаи муштараки фарҳангӣ ва боздид аз мавзейи сайёҳии «Айгул» сурат гирифт.

Тибқи нақшаи мувофиқагардида рӯзҳои наздик баргузории чунин як чорабиниҳои муштараки фарҳангӣ бо ширкати намояндагони ноҳияи Боткони Ҷумҳурии Қирғизистон дар шаҳри Исфара дар назар аст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Сафари ҳайати 40 нафараи намояндагони Исфара ба ноҳияи Боткони Ҷумҳурии Қирғизистон