Хабарҳо
Баргузории чорабинии идона бахшида ба Рӯзи таъсисёбии Қувваҳои мусаллаҳи Ҷумҳурии Тоҷикистон - 22.02.2019 15:17
Паёми табрикии Раиси вилоят ба муносибати рӯзи таъсисёбии Қувваҳои мусаллаҳи Ҷумҳурии Тоҷикистон - 22.02.2019 15:43
Дар шаҳри Исфара ба муносибати Рӯзи таъсисёбии Қувваҳои мусаллаҳи Ҷумҳурии Тоҷикистон чорабинии тантанавӣ баргузор гардид - 22.02.2019 11:24
Дар Донишгоҳи давлатии ҳуқуқ, бизнес ва сиёсати Тоҷикистон мусобиқаи ҳарбӣ-варзишӣ баргузор гардид - 22.02.2019 11:20
Дар Истаравшан бахшида ба Рӯзи таъсисёбии Қувваҳои мусаллаҳи Ҷумҳурии Тоҷикистон маҷлиси тантанавӣ доир гардид - 22.02.2019 11:18
Ангораи «Наврӯз – 2019» тасдиқ шуд - 22.02.2019 11:07
Ба муносибати 26-умин солгарди таъсисёбии Қувваҳои мусаллаҳ дар қисми низомии 3501 чорабинии идона баргузор шуд - 21.02.2019 14:33
Бахшида ба Рӯзи Қувваҳои мусаллаҳи Ҷумҳурии Тоҷикистон дар шаҳри Бӯстон ҷамъомади тантанвӣ доир шуд - 21.02.2019 13:57
Мулоқоти Пешвои миллат Эмомалӣ Раҳмон бо намояндагони васоити ахбори оммаи давлатӣ - 21.02.2019 08:28
Баргузории Фестивал – озмуни «Суруди сарбоз» дар шаҳри Хуҷанд - 21.02.2019 08:23

Раиси шаҳри Бӯстон Раъно Ҳошимзода дар Душанбе бо донишҷӯён мулоқот кард

( 0 Овоз )

11 апрел дар Донишгоҳи аграрии Тоҷикистон ба номи Шириншоҳ Шоҳтемур мулоқоти раиси шаҳри Бӯстон Раъно Ҳошимзода  бо донишҷӯёни шаҳр, ки дар муассисаҳои олии шаҳри Душанбе таҳсил мекунанд, доир гардид.

Зимни мулоқот Раъно Ҳошимзода иброз дошт, ки дар ҳама давру замон ба раванди дастгирии ҷавонон ва истифодаи  нерӯи ақлониву ҷисмонии онҳо дар пешрафти ҷомеа таваҷҷуҳи махсус дода мешавад. Агар ба марҳилаҳои таърихӣ назар кунем маълум мешавад, ки дар замонҳои қадим низ бузургони илму адаб ба ҷавонон ҳамчун нерӯи пешбарандаи ҷомеа, шахсиятҳои зираку тавоно ва масъулиятшинос боварӣ доштанд. Дар замони соҳибистиқлолии Тоҷикистон бо ибтикори Пешвои миллат муҳтарам Эмомалӣ Раҳмон ҷиҳати таъмини шароити мусоид ва зиндагии шоиста ба ҷавонон ташаббусҳои наҷиб рӯи кор омада, имрӯз низ амалӣ шуда истодааст.

«Имрӯзҳо зиёда аз сад нафар донишҷӯён аз шаҳри Бӯстон дар зинаҳои рӯзонаву ғоибонаи муассисаҳои олии шаҳри Душанбе таҳсил намуда, дар чорабиниҳои гуногуни илмиву оммавӣ, варзишиву фарҳангӣ иштирок ва ному мартабаи шаҳри Бӯстонро баланд  мебардоранд.

Тибқи маълумотҳо, дар шаҳри Бӯстон норасоии кадрҳои баландихтисос ба чашм мерасад. Бояд гуфт, ки  зиёда аз 20 нафар муттахассисони гуногунсатҳ  дар соҳаи тандурустӣ ва инчунин омӯзгорони фанҳои дақиқ  дар шаҳри Бӯстон намерасад. Мо имрӯз итминони комил дорем, ки  пас аз хатми донишгоҳу донишкада ҷавонон бо сари баланд ба шаҳри Бӯстон баргашта, норасоии кадрҳоро пурра намуда, ба Ватану халқи худ хизмат менамоянд», -гуфт Раъно Ҳошимзода.

Дар кори мулоқот вакили Маҷлиси намояндагони Маҷлиси Олии Ҷумҳурии Тоҷикистон Ахмедов Ҷаббор, муовини Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳмадзода Дилнозаи Даврон низ ширкат намуданд.

Мақсади баргузории мулоқот бори дигар аз наздик ошноӣ пайдо кардан аз раванди таълиму тарбия ва вазъи зисту зиндагии донишҷуён арзёбӣ гардида, ба зиёда аз 70 нафар донишҷӯён стипендияи яквақтаинаи раиси шаҳри Бӯстон тақдим карда шуд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Раиси шаҳри Бӯстон Раъно Ҳошимзода дар Душанбе бо донишҷӯён мулоқот кард