Хабарҳо
Баргузории мулоқоту вохӯриҳо ҷиҳати шарҳу тавзеҳи Паёми Сарвари давлат дар шаҳри Бӯстон - 17.01.2019 09:35
Иран может повторить судьбу ливийского лидера Каддафи - 16.01.2019 17:19
Маросими муаррифии муовини Раиси вилоят - 16.01.2019 16:41
Қарори Раиси вилоят Дар бораи расонидани кўмаки моддӣ ба иштирокчиён ва маъюбони Ҷанги Бузурги Ватанӣ - 16.01.2019 14:28
Мулоқоти Раиси вилоят бо роҳбари ҶДММ “Ширкати куҳӣ-саноатии Тоҷикистону Хитой” Вен Ю Дао - 15.01.2019 16:26
Шиносоии Раиси вилоят бо фаъолияти субъектҳои Минтақаи озоди иқтисодии “Суғд” - 16.01.2019 10:29
Раиси вилоят бо лоиҳаи бино ва иншоотҳои дар ҳудуди шаҳри Истаравшан сохташаванда шинос шуд - 15.01.2019 16:22
Ифтитоҳи корхонаи ордбарории ҶДММ “Тоҷикистон” дар Истаравшан - 15.01.2019 16:24
Шарҳи фармони Президенти Ҷумҳурии Тоҷикистон «Дар бораи ворид намудани тағйир ба фармони Президенти Ҷумҳурии Тоҷикистон аз 16 январи соли 2018, №990» - 16.01.2019 08:42
Фармони Президенти Ҷумҳурии Тоҷикистон дар бораи ворид намудани тағйир ба фармони Президенти Ҷумҳурии Тоҷикистон аз 16 январи соли 2018, №990 - 16.01.2019 08:40

Шаҳрдори Исфара: Соли гузашта 5 корхонаю коргоҳҳои навбунёди истеҳсолӣ ба истифода дода шуд

( 0 Овоз )

Соли 2017 дар шаҳри Исфара ба маблағи 296,5 миллион сомонӣ маҳсулоти саноатӣ истеҳсол ва хизматрасониҳои пулакӣ ба анҷом расонида шудаанд, ки ин нишондод нисбати арқоми ҳаминдавраи соли 2016 18,3 миллион сомонӣ бештар буда, суръати афзоиш 106,6 фоизро ташкил додааст. Дар ин муддат 5 корхонаю коргоҳҳои навбунёди истеҳсолӣ ба истифода дода шуданд.  Дар ин бора раиси шаҳр Расулзода Дилшод Ҷабборӣ зимни нишасти матбуотӣ ба хабарнигорон иттилоъ дод.

Тибқи иттилои шаҳрдори Исфара соли сипаришуда бунёди беш аз 30 иншооти хусусияти истеҳсоливу иҷтимоӣ ва тиҷоративу хизматрасонидошта ба субут расонида аз ҳисоби ҳамаи сарчашмаҳо ба маблағи 33 миллиону 954 ҳазор сомонӣ фондҳои асосӣ ба истифода дода шуданд.

Бино бар суханони шаҳрдор соли гузашта маблағгузорӣ ба сармояи асосӣ нисбат ба ҳамин давраи соли 2016-ум 2,6 маротиба ва ҳаҷми корҳои сохтмону васлкунӣ 2,8 маротиба афзоиш ёфтанд.

Ҳаҷми истеҳсоли маҳсулоти кишоварзӣ ба 376 миллион сомонӣ расонида шуд, ки бо нархҳои муқоисавӣ нисбати нишондоди соли 2016-ум 3,3 миллион сомонӣ зиёдтар мебошад.

Дар ин давра, бо маблағгузории ташкилотҳои байналхалқӣ, саҳмгузории молиявии мақомоти иҷроияи ҳокимияти давлатӣ ва аҳолӣ 43 лоиҳаи инвеститсионӣ ба маблағи умумии 21,2 млн сомонӣ мавриди амал қарор дода шудааст. Ба ин васила, аз ҷумла мушкилоти сокинони деҳаҳои алоҳидаи ҷамоатҳои деҳоти Ворух, Чилгазӣ, Кӯлканд, Навгилем ва Шаҳрак ҷиҳати дастрасӣ ба оби тозаи нӯшокӣ роҳи ҳалли худро ёфтааст.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Шаҳрдори Исфара: Соли гузашта 5 корхонаю коргоҳҳои навбунёди истеҳсолӣ ба истифода дода шуд