Хабарҳо
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41
Боздиди Раиси вилоят аз Боғи фарҳангӣ-фароғатии “Наврӯзгоҳ” - 21.05.2018 13:28
Мулоқоти Раиси вилоят бо роҳбари гуруҳи ҳамоҳангсози Бонки ҷаҳонӣ Кардула Расточи - 21.05.2018 11:20
Амалиёти “Кӯкнор-2018” дар ду марҳила гузаронида мешавад - 21.05.2018 10:17
Таъсиси Ситоди вилоятии “Тобистон - 2018” - 21.05.2018 10:16

Аввалин маҳфили “Ганҷи сухан” дар соли 2018 дар ДДХ баргузор шуд

( 0 Овоз )

Нишасти 158-умини маҳфили илмиву адабии “Ганҷи сухан”, дирӯз дар толори раёсати Донишгоҳи давлатии Хуҷанд ба номи академик Бобоҷон Ғафуров бо иштироки бештар аз 200 нафар олимону адибон, устодон ва донишҷӯён баргузор гардид.

Маҳфилро масъули он он Саидумрон Саидов ифтитоҳ бахшида зикр кард, ки нишасти имрӯза ҷамъбасти фаъолияти маҳфил дар соли 2017 мебошад. Сипас муовини ректори Донишгоҳи давлатии Хуҷанд ба номи академик Бобоҷон Ғафуров Абдуфаттоҳ Раҳимов аз мақому мавқеи маҳфил дар ҷомеаи имрӯза ёдовар шуд. Ӯ гуфт, ки имрӯз дар донишгоҳ якчанд маҳфилҳои илмӣ дар соҳаҳои мухталиф ба фаъолият оғоз кардаанд ва анъанаҳои неки маҳфилороиро идома мебахшанд.

Сипас директори маркази тадқиқотии минтақавии ҷаҳон, дотсенти кафедраи муномсибатҳои хориҷӣ ва дипломатияи Донишгоҳи славянии Тоҷикистону Россия Азизҷон Раҳмонов оид ба Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва масоили амнияти миллӣ маърӯза намуд. Ӯ бо мисолҳои мушаххас дар мавриди ҷоннисориҳои Пешвои миллат дар мавриди таъмини амнияти миллӣ изҳори назар намуда, аз зиёиён дархост намуд, ки дар тарғиби сиёсати дурбинонаи Сарвари давлат қадамҳои устувор гузоранд.

Номзади илмҳои филология, дотсент Насимҷон Ҳамробоев оид ба мавзӯи “Робитаҳои адабии Арабу Аҷам дар қарнҳои VIII-IX” дар заминаи тададқиқоти доктори илмҳои филология, профессор Низомиддин Зоҳидӣ маърӯзаи пурмӯҳтавои илмӣ ироа кард. Зимни муаррифии китобҳои Низомиддин Зоҳидӣ оиди тадқиқоти ин адабиётшинос дар мавриди робитаҳои адабии арабу аҷам изҳори назар кард.

Шоираи хушбаён Адиба дар суханронии худ аз мақоми зан дар ҷомеа ҳарф зад ва тозатарин ашъорашро барои ҳозирин эҳдо намуд. Роҳбари маҳфил Саидумрон Саидов дар гузоришаш фаъолияти “Ганҷи сухан”-ро дар соли 2017 ҷамъбаст кард ва аз нақшаҳои соли 2018 ҳозиринро огоҳ намуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Аввалин маҳфили “Ганҷи сухан” дар соли 2018 дар ДДХ баргузор шуд