Хабарҳо
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41
Боздиди Раиси вилоят аз Боғи фарҳангӣ-фароғатии “Наврӯзгоҳ” - 21.05.2018 13:28
Мулоқоти Раиси вилоят бо роҳбари гуруҳи ҳамоҳангсози Бонки ҷаҳонӣ Кардула Расточи - 21.05.2018 11:20
Амалиёти “Кӯкнор-2018” дар ду марҳила гузаронида мешавад - 21.05.2018 10:17
Таъсиси Ситоди вилоятии “Тобистон - 2018” - 21.05.2018 10:16

Намояндаи вилояти Суғд ғолиби Озмуни ҷумҳуриявии «Мураббии соли Тоҷикистон-2017» шуд

( 1 Овоз )

Дар Донишкадаи ҷумҳуриявии такмили ихтисос ва бозомӯзии кормандони соҳаи маориф Озмуни ҷумҳуриявии «Мураббии соли Тоҷикистон-2017» баргузор гардид.

Зимни ҷамъбасти озмуни мазкур сардори раёсати таҳсилоти томактабӣ ва миёнаи умумии вазорат Абдуҷаббор Алиев аз номи Вазири маориф ва илми Ҷумҳурии Тоҷикистон ва ҳайати мушовара иштирокчиёнро табрик намуда, изҳор дошт, ки аз панҷ нафар довталаби номнависшуда намояндаи ВМКБ бо сабаби номусоидии роҳ дар озмун иштирок карда натавонист. Ин аст, ки азназаргузаронӣ дар байни чор нафар довталаб: Матлуба Исмонова, мураббияи кӯдакистони рақами 98-и шаҳри Душанбе, Муҳайё Назарова, мураббияи кӯдакистони №5-и шаҳри Қӯрғонтеппа, Меҳрангез Исмоилова, мураббияи кӯдакистони №8-и ноҳияи Б. Ғафуров ва Саъбагул Минназарова, мураббияи кӯдакистони рақами 8-и шаҳри Турсунзода гузаронида шуд.

Тавре ба АМИТ  «Ховар» аз маркази матбуоти Вазорати маориф ва илми Ҷумҳурии Тоҷикистон иттилоъ доданд, Абдуҷаббор Алиев хусусияту бартарӣ ва пешниҳоди назарҳоро оид ба озмуни имсола, ки хеле пуршиддат ва дар фазои ҳамдигарфаҳмӣ гузашт, таҳлил карда, хулосаи қарори ҳайати ҳакамонро оид ба ҳунарнамоии довталабон изҳор намуд. Дар натиҷа намояндаи вилояти Суғд Меҳрангез Исмоилова бо гирифтани холи аз ҳама зиёд соҳиби ҷойи аввал гардид. Ба Меҳрангез мукофоти аввал дар ҳаҷми ду ҳазор сомонӣ ва туҳфаҳои хотиравӣ супорида шуд.

Ҳамчунин тамоми иштирокчиён бо фармоиши Вазири маориф ва илм бо унвони «Аълочии маориф ва илми Ҷумҳурии Тоҷикистон» ва туҳфаҳои хотиравӣ қадршиносӣ карда шуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Намояндаи вилояти Суғд ғолиби Озмуни ҷумҳуриявии «Мураббии соли Тоҷикистон-2017» шуд