Хабарҳо
ХИЁНАТКОР – ҲОМИИ ҶИНОЯТКОР. Ва ё андешаҳои Сархатиби вилояти Суғд дар мавриди фитнаангезиҳои ТЭТ ҲНИ - 15.12.2018 13:34
Мулоқоти Пешвои миллат Эмомалӣ Раҳмон бо Котиби давлатии Шӯрои амнияти Ҷумҳурии Беларус Станислав Зас - 14.12.2018 19:13
Матлубахон Сатториён Раиси Кумитаи иҷроияи ҲХДТ дар вилояти Суғд интихоб карда шуд - 15.12.2018 14:11
Тақдими автомашинаҳои сабукрав ба пешқадамони мавсими пахтачинӣ - 15.12.2018 14:08
Баргузории маҳфили адабӣ бахшида ба 40 солагии фаъолияти профессор Матлубаи Мирзоюнус - 14.12.2018 16:16
Иҷрокунандаи вазифаи раиси шаҳри Гулистон Фирдавс Шарифзода бо донишҷӯён мулоқот орост - 14.12.2018 14:11
Аз Паём то Паём. Дар вилояти Суғд 48 иншооти соҳаи маориф ба истифода дода шуд - 14.12.2018 13:38
Шуруъ аз 15 декабр барномаҳои солинавӣ пешниҳоди омма гардонида мешавад - 14.12.2018 13:35
Комроншоҳи Устопириён дар мусобиқаи «Guangzou Judo Masters 2018» Тоҷикистонро намояндагӣ мекунад - 14.12.2018 13:02
ПАЁМИ ТАБРИКИИ Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба иштирокдорони конфронсҳои илмии байналмилалӣ ба муносибати 400-солагии Сайидои Насафӣ ва 550-солагии Наҷмиддини Кавкабӣ - 14.12.2018 13:00

Ба Кодекси андози Ҷумҳурии Тоҷикистон тағйирот ворид карда шуд

( 0 Овоз )

Рӯзи 27 декабр таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ҷаласаи навбатии иҷлосияи чоруми Маҷлиси намояндагони Маҷлиси Олии Ҷумҳурии Тоҷикистон, даъвати панҷум баргузор шуд, ки дар он як қатор масъалаҳои ҳаётан муҳим баррасӣ гардиданд.

Тибқи иттилои АМИТ Ховар вакилони мардумӣ дар оғози иҷлосия Созишномаи маблағгузорӣ  ва грант оид ба лоиҳаи «Мустаҳкамгардонии инфрасохтори муҳимтарин ҷиҳати таъмини устуворӣ бар зидди офатҳои табиӣ»-ро байни Ҷумҳурии Тоҷикистон ва Ассотсиатсияи байналмилалии рушд ба тасвиб расониданд.

Созишномаи мазкурро ба вакилони мардумӣ Вазири нақлиёти Ҷумҳурии Тоҷикистон Худоёр Худоёрзода, муовини Вазири молияи Ҷумҳурии Тоҷикистон Меҳрнамо Ҷонмамадова, сардори сарраёсати қарзи давлатӣ ва ҷалби инвеститсияҳои берунаи Вазорати молияи Ҷумҳурии Тоҷикистон Аҳлиддин Нуриддинзода, директори Агентии беҳдошти замин ва обёрии назди Ҳукумати Ҷумҳурии Тоҷикистон Раҳмон Холмурод, муовини раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Муҳаммадҷон Салимзода ва вакил аз ҳавзаи интихоботии Қубодиён Бадриддин Садриддинзода баррасӣ намуда, иброз доштанд, ки арзиши умумии лоиҳаи «Мустаҳкамгардонии инфрасохтори муҳимтарин ҷиҳати таъмини устуворӣ бар зидди офатҳои табиӣ» 50 млн. доллари амрикоиро ташкил медиҳад, ки аз он 25 млн. доллари амрикоӣ қарзи имтиёзноки Ассотсиатсияи байналмилалии рушд ва 25 млн. доллари амрикоӣ гранти Ассотсиатсияи байналмилалии рушд мебошад.

Лоиҳаи «Мустаҳкамгардонии инфрасохтори муҳимтарин ҷиҳати таъмини устуворӣ бар зидди офатҳои табиӣ» аз 4 бахш  (компонент) иборат буда, ҳадафи асосии он пешгирии зарари офатҳои табиӣ дар Ҷумҳурии Тоҷикистон мебошад. Бояд таъкид намуд, ки ин нахустин лоиҳаи Бонки ҷаҳонӣ дар Тоҷикистон оид ба кам кардани зарари офатҳои табиӣ мебошад.

Лоиҳаи Қонуни Ҷумҳурии Тоҷикистон «Дар бораи ворид намудани тағйирот ба Кодекси андози Ҷумҳурии Тоҷикистон»-ро муовини Вазири молияи Ҷумҳурии Тоҷикистон Меҳринамо Ҷонмамадова ва вакил аз ҳавзаи ягонаи умумиҷумҳуриявӣ Олимҷон Бобоев ба намояндагони мардумӣ баррасӣ намуда, таъкид карданд, ки лоиҳаи Қонуни мазкур бо мақсади вобаста ба буҳрони иқтисодӣ ва вазъи имрӯзаи молиявии кишвар, инчунин зарурати дарёфт намудани манбаъҳои иловагии даромад, маблағгузорӣ намудани иншооти муҳими дорои аҳамияти стратегӣ ва шиддатнок ташаккул додани Буҷети давлатии Ҷумҳурии Тоҷикистон барои солҳои 2018-2020 таҳия карда шудааст.

Мутобиқи муқаррароти моддаи 252 Кодекси андози Ҷумҳурии Тоҷикистон аз 1 январи соли 2018 андоз аз истифодабарандагони роҳҳои автомобилгард бекор карда мешавад.

Вобаста ба бекор шудани андози мазкур дар соли навбатии молиявӣ ба Буҷети давлатӣ 360 млн. сомонӣ ворид намегардад, ки ин дар натиҷа ба маблағгузорӣ намудани иншооти муҳими дорои аҳамияти стратегӣ монеа эҷод менамояд.

Бинобар ин зарурат пеш омадааст, ки дар Кодекси андози Ҷумҳурии Тоҷикистон тағйирот ворид намуда, амали муқаррароти сархати сеюми моддаи 252 вобаста ба амали меъёри андоз аз истифодабарандагони роҳҳои автомобилгард  то 31 декабри соли 2020 тамдид карда шавад.

Масъалаи ниҳоии рӯзнома-лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон «Дар бораи ворид намудани илова ба Қарори Маҷлиси намояндагони Маҷлиси Олии Ҷумҳурии Тоҷикистон аз 4 феврали соли 2015-ро ба вакилони мардумӣ муовини Вазири корҳои хориҷии Ҷумҳурии Тоҷикистон Исматулло Насридинов ва раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот Олим Салимзода баррасӣ намуда, иброз доштанд, ки кумитаҳои Маҷлиси намояндагон ва шуъбаи ҳуқуқи дастгоҳи Маҷлиси намояндагони Маҷлиси Олии Ҷумҳурии Тоҷикистон Конвенсияии мазкурро мавриди баррасӣ қарор дода, тасдиқи онро ҷонибдорӣ намудаанд.

Кумитаи масъул масъалаи мавриди назарро  14 декабри соли 2017 дар ҷаласаи васеи худ бо иштироки намояндагони кумитаҳои Маҷлиси намояндагон, шуъбаи ҳуқуқи дастгоҳи Маҷлиси намояндагони Маҷлиси Олии Ҷумҳурии Тоҷикистон ва Мушовири калони бахши Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ мавриди муҳокима қарор дод. Иштирокчиёни ҷаласаи васеъ якдилона иброз намуданд, ки он ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шавад.

Ҳамин тариқ дар иҷлосия аз рӯи ҳамаи масъалаҳои муҳокимагардида вакилони мардумӣ қарорҳои дахлдор қабул намуданд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ба Кодекси андози Ҷумҳурии Тоҷикистон тағйирот ворид карда шуд