Хабарҳо
Ба ғолибони озмуни вилоятии “Беҳтарин хонандаи китобҳои бадеӣ дар соли 2018” 9 000 сомонӣ мукофотпулӣ тақдим мешавад - 19.06.2018 08:52
Баргузории маҳфили илмиву адабии “Ганҷи сухан” бо ширкати Гулрухсор ва Фарзона - 19.06.2018 08:37
Дар Хуҷанд байни дастаҳои шиноварии кишварҳои ИДМ мусобиқаи байналмилалӣ оид ба шиноварӣ баргузор мешавад - 18.06.2018 10:16
Ғолибони олимпиадаҳои байналмилалии фаннӣ ва ҷумҳуриявӣ бо мукофотпулиҳо сарфароз гардонида мешаванд - 18.06.2018 09:39
Дар вилояти Суғд озмуни вилоятии “Донишҷӯи сол” гузаронида мешавад - 18.06.2018 09:37
100 кило маводи нашъаовар ва аслиҳа: КДАМ сокини ВМКБ-ро боздошт намуд - 16.06.2018 17:33
100 кг наркотиков и оружие: ГКНБ задержал жителя ГБАО Видео - 16.06.2018 09:56
Раиси вилоят Раҷаббой Аҳмадзода сокинони вилоятро ба муносибати Иди Рамазон табрик намуд - 15.06.2018 07:39
Мулоқоти Ёрдамчии Президенти Ҷумҳурии Тоҷикистон бо фаъолони ноҳияи Ашт - 14.06.2018 09:29
Дар Донишгоҳи давлатии ҳуқуқ, бизнес ва сиёсати Тоҷикистон бахшида ба Рўзи Ваҳдати миллӣ конференсияи илмӣ баргузор шуд - 14.06.2018 09:26

Мулоқоти роҳбарони муассисаҳои таҳсилоти олӣ ва миёнаи касбии вилоят бо хатмкунандагони мактабҳои шаҳри Истиқлол

( 0 Овоз )

Роҳбарони муассисаҳои таҳсилоти олӣ ва миёнаи касбии вилоят бо хатмкунандагони мактабҳои шаҳри Истиқлол мулоқот оростанд.

Дар ин мулоқот, ки бо ҳузури муовини якуми раиси шаҳр Аминҷон Шарифзода, сармутахассиси шуъбаи рушди иҷтимоӣ ва робита бо ҷомеаи Мақомоти иҷроияи ҳокимияти давлатии вилояти Суғд Олимҷон Мирмуҳаммедов доир шуд, наздик 500 нафар хонандагони макотиби шаҳри Истиқлол иштирок доштанд.

Зимни суҳбат бо хонандагони синфҳои болоии мактабҳои шаҳри Истиқлол Ҷӯразода Ҷамшед Ҳабибуллоҳ, ректори Донишгоҳи давлатии Хуҷанд ба номи академик Бобоҷон Ғафуров, Мӯъмин Шарифзода, ректори Донишгоҳи давлатии ҳуқуқ, бизнес ва сиёсати Тоҷикистон, Камолиддин Ғозиев, ноибректори Донишкадаи куҳӣ-металлургии Тоҷикистон, Хуршед Мақсудов, муовини директор оид ба таълими Донишкадаи политехнкиии ДТТ, Ҳомидҷон Ҳошимов, муовини директори Донишкадаи иқтисод ва савдо, инчунин роҳбарони Коллеҷи омӯзгории шаҳри Хуҷанд, Коллеҷи тиббии шаҳри Хуҷанд ва Коллеҷи санъати ба номи Содирхон Ҳофиз доир ба имконият ва шароити таҳсил дар муассисаҳои таҳсилоти олӣ ва миёнаи касбӣ маълумот дода, аз хатмкунандагон даъват ба амал оварданд, ки баъди хатми мактаби миёна таҳсилро идома диҳанд ва пас аз соҳибтахассус шудан ба халқи худ хизмат намоянд.

Дар фарҷоми мулоқот хатмкунандагон  перомуни масъалаҳои гуногун, аз ҷумла дохилшавӣ ба донишгоҳҳо, имтиёзҳои мавҷуда барои ҷойгиршавӣ дар хобгоҳҳо ва забономӯзӣ ба роҳбарони муассисаҳои олӣ саволҳо дода, посухҳои мушаххас гирифтанд.

Ёдовар мешавем, ки мулоқоти роҳбарони муассисаҳои таҳсилоти олӣ ва миёнаи касбии вилоят бо хатмкунандагони мактабҳо дар доираи нақша-чорабиниҳои Мақомоти иҷроияи ҳокимияти давлатии вилояти Суғд ҷараён дорад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Мулоқоти роҳбарони муассисаҳои таҳсилоти олӣ ва миёнаи касбии вилоят бо хатмкунандагони мактабҳои шаҳри Истиқлол