Хабарҳо
Муаррифии иҷрокунандаи вазифаи раиси шаҳри Конибодом - 13.12.2018 14:26
Н О Г У Ф Т А Ҳ О ё дар интизори аломати нуқта - 13.12.2018 23:27
Шикасти Берлин: оё роҳбарони ТЭТ ҲНИ ва хоҷагони онҳо аз гирдиҳамоии нокоми худ дар Берлин сабақҳои зарурӣ мегиранд? - 13.12.2018 23:26
Ашуралӣ Ҷалилзода иҷрокунандаи вазифаи раиси ноҳияи Шаҳристон таъин гардид - 13.12.2018 11:14
Фирдавс Шарифзода иҷрокунандаи вазифаи раиси шаҳри Гулистон таъин гардид - 13.12.2018 09:48
Муаррифии иҷрокунандаи вазифаи раиси шаҳри Конибодом - 13.12.2018 14:26
ЯҲУДИЁН ВА НАСРОНИЁН ДАР ОИНАИ КАҶИ ТЭТ ҲНИ. - 13.12.2018 14:07
БА ЗОНУ ЗАНЕДУ ТАВБА КУНЕД! 10 ШАРТИ “ФАБРИКАИ ҶАВОБ” БА ҲНИТ - 13.12.2018 13:55
Сатторзода Хуршед Ҳомидӣ муовини раиси шаҳри Бӯстон таъин гардид - 13.12.2018 11:26
Ашуралӣ Ҷалилзода иҷрокунандаи вазифаи раиси ноҳияи Шаҳристон таъин гардид - 13.12.2018 11:14

Баррасии рафти иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила”

( 1 Овоз )

Раёсати кор бо занон ва оилаи Мақомоти иҷроияи ҳокимияти давлатии вилояти Суғд бо баргузории як ҷаласа чорабинии “16 рӯзи мубориза алайҳи зӯроварӣ”-ро ҷамъбаст намуд.

Дар ин ҷаласа, ки дар толори Мақомоти иҷроияи ҳокимияти давлатии вилоят баргузор шуд, муовинони раисони шаҳру ноҳияҳо, мудирони шуъба ва бахшҳои кор бо занон ва оила, намояндагони мақомотҳои ҳифзи ҳуқуқ, масъулони соҳаи маориф, комиссияҳо оид ба ҳуқуқи кӯдак, раисони ҷамоату шаҳраку деҳот ва кумитаи маҳаллаҳо, сархатибон, фаъолзанон, раисони Шӯрои занон ва духтарони шаҳру навоҳии вилоят, намояндагони ташкилотҳои ҷамъиятӣ ва воситаҳои ахбори омма иштирок намуданд.

Дар ҷаласа рафти иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила”, Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023 ва пешниҳоди Cуди вилоят бобати бекор кардани ақди никоҳ аз ҷониби масъулин мавриди баррасӣ қарор гирифт. Доир ба рафти иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила” Прокурори калони шуъбаи назорати умумии Прокуратураи вилоят Саидҷамол Ҷалолзода суханронӣ намуд. Баъдан, роҷеъ ба пешниҳоди Cуди вилоят аз рӯи натиҷаи  ҷамъбасти таҷрибаи баррасии парвандаҳои оилавӣ вобаста ба бекор кардани ақди никоҳ, судяи Суди вилоят Фирӯза Аҳмадзода суханронӣ намуд.

Ҳамчунин, доир ба масъалаҳои зикршуда мудири шуъбаи Раёсати асноди ҳолати шаҳрвандӣ дар вилояти Суғд Ҳошимзода Муқаддама, доктори илмҳои филологӣ, профессори Донишгоҳи давлатии Хуҷанд ба номи академик Б.Ғафуров Ғаффорова Умеда, мудири бахш оид ба ҳуқуқи кӯдаки мақомоти иҷроияи ҳокимияти давлатии вилоят Ҳомидова Муҳаббат, равоншинос Раҳимова Муҳаррама, сармутахассиси Раёсати маорифи вилоят Сарҳадов Бахтиёр, имомхатиби масҷиди Тезгузари шаҳри Конибодом Нуруллохон Ҳидоятов изҳори андеша намуданд.

Дар охир, сардори Раёсати кор бо занон ва оилаи вилоят Нигора Ғаффорзода аз масъулин даъват ба амал овард, ки ҷиҳати иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила”, Барномаи давлатӣ оид ба пешгирии зӯроварӣ дар оила дар Ҷумҳурии Тоҷикистон барои солҳои 2014-2023 корбарӣ ҷоннок карда шавад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Баррасии рафти иҷрои Қонуни Ҷумҳурии Тоҷикистон «Дар бораи пешгирии зӯроварӣ дар оила”