Хабарҳо
26 сентябр иҷлосияи шонздаҳуми Маҷлиси вакилони халқи вилояти Суғд, даъвати панҷум баргузор мегардад - 19.09.2018 09:48
Фармонҳои Президенти Ҷумҳурии Тоҷикистон - 18.09.2018 14:33
Таъиноти кадрӣ - 18.09.2018 14:27
Сокинони Хуҷандшаҳр 23 сентябр Рӯзи шаҳрро таҷлил менамоянд - 18.09.2018 10:02
Баргузории Фестивал-озмуни «Атласу адраси Суғд-2018» дар ноҳияи Спитамен - 18.09.2018 10:01
Нишасти навбатии маҳфили илмиву адабии Ганҷи сухан ба «Рӯзи Рӯдакӣ» ва «Рӯзи забони тоҷикӣ» бахшида шуд - 18.09.2018 09:59
Суғд: Дар 8 моҳи соли равон 57 корхонаи нави саноатӣ бо 812 ҷойи корӣ таъсис дода шуд - 18.09.2018 09:57
«Хуҷанд» ба даври ½- ниҳоии Ҷоми Тоҷикистон баромад - 17.09.2018 13:03
Лоиҳаи «Рушди нақлиёти ҷамъиятии шаҳри Хуҷанд» пурра татбиқ шуд ва шумораи умумии автобусҳо ба 100 адад расид - 17.09.2018 10:20
Ходимони дин ва намозгузорони шаҳри Бӯстон дар мумфаршкунии роҳҳо саҳм мегузоранд - 17.09.2018 09:55

Раиси шаҳри Исфара ба 45 донишҷӯ кумакпулӣ тақдим кард

( 0 Овоз )

Дар Кохи Рӯдакии маркази вилоят мулоқоти раиси шаҳри Исфара Расулзода Дилшод Ҷабборӣ бо донишҷӯён баргузор шуд.

Зимни суҳбат бо донишҷӯён шаҳрдори Исфара нахуст аз таваҷҷуҳу ғамхориҳои Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон, Ҳукумати Ҷумҳурии Тоҷикистон ва мақомотҳои иҷроияи ҳокимияти давлатии вилоят ва шаҳр дар самти таъмини шароити зарурӣ ба таҳсилу касбомӯзии ҷавонон ёдовар гардид. Расулзода Дилшод Ҷабборӣ таъкид намуд, ки дар замони ҷаҳонишавии босуръат ҷавонон бояд дарк намоянд, ки тақдири минбаъдаи давлату халқи Тоҷикистон дар дасти онҳост ва масъулияти минбаъдаи таъмини амнияту субот, рушду инкишоф ва муаррифии Ватан дар арсаи ҷаҳонӣ бар дӯши онҳо вогузор хоҳад шуд.

Расулзода Дилшод Ҷабборӣ ҳамзамон изҳор дошт, ки барои ҳар як ҷавони бонангу ор ҷонбозиву фидокориҳои Асосгузори сулҳу ваҳдати миллӣ — Пешвои миллат, Президенти кишвар муҳтарам Эмомалӣ Раҳмон намунаи олии шинохти Ватану ватандорӣ мебошад.

Дар идомаи мулоқот донишҷӯён ба раиси шаҳр вобаста ба паҳлуҳои мухталифи зиндагиву таҳсилашон суолу дархостҳояшонро пешниҳод намуданд.

Бояд тазаккур дод, ки ҳоло дар мактабҳои олӣ, касбиву техникӣ ва коллеҷҳои маркази вилоят 1284 нафар ҷавонони Исфара таҳсил менамоянд.

Дар ҷараёни мулоқот ба 45 нафар донишҷӯёни аълохон, ятим ва аз оилаҳои камбизоат кумакҳои пулӣ ва ба 45 донишҷӯи дар хобгоҳ иқоматдошта маводи хӯрока тақдим карда шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Раиси шаҳри Исфара ба 45 донишҷӯ кумакпулӣ тақдим кард