Хабарҳо
Мастчоҳ. Баррасии вазъи соҳаи кишоварзӣ дар ҳузури муовини Сарвазири мамлакат - 11.12.2018 11:01
Пирӯзии Ҳанифа Валиева дар даври ниҳоии озмуни “Мураббияи сол” - 11.12.2018 10:47
Шоҳҷоизаи даври вилоятии озмуни «Омӯзгори соли Тоҷикистон-2018»насиби Муродҷон Ҳaйдаров гардид - 11.12.2018 10:42
Наҳзатиҳо барои пуштибонӣ аз ДИИШ дар Берлин гирдиҳамоӣ баргузор мекунад - 11.12.2018 09:21
ИЗҲОРОТИ ҶАМЪИЯТИ ТОҶИКОНИ ЭРОН ВОБАСТА БА ГИРДИҲАМОИИ “НАҲЗАТИЁН” ДАР ОЛМОН - 11.12.2018 09:15
Маҳфили ҷавонони тоҷикистонӣ дар Германия: «Аз номи тоҷикони муқими Аврупо сухан гуфтани як тӯдаи ифротгароёнро қабул надорем! » - 11.12.2018 00:49
АЗ НОМИ ТОҶИКОНИ МУҚИМИ АВРУПО СУХАН ГУФТАНИ ЯК ТУДАИ ИФРОТГАРОЁНРО ҚАБУЛ НАДОРЕМ! - 11.12.2018 00:47
БОРИ КАҶ БА МАНЗИЛ НАМЕРАСАД - 10.12.2018 22:19
Қатъномаи ҷавобӣ ба гирдиҳамоии наҳзатӣ дар назди Сафорати Ҷумҳурии Тоҷикистон дар Берлин - 10.12.2018 22:12
Тазоҳуроти наҳзатӣ ва воҳимаҳои қатъномавӣ - 10.12.2018 21:55

Ба ғолиби озмуни «Беҳтарин барномасоз» ноутбук туҳфа карда шуд

( 1 Овоз )

Бо мақсади баланд бардоштани ҳавасмандии ҷавонон барои фаъолияти зеҳнӣ ва дарёфти соҳибистеъдодҳои нав бо ташаббуси Раёсати кор бо ҷавонон ва варзиши вилояти Суғд бахшида ба Соли ҷавонон дар Донишгоҳи давлатии ҳуқуқ, бизнес ва сиёсати Тоҷикистон озмуни «Беҳтарин барномасоз» миёни донишҷӯёни муассисаҳои таҳсилоти олии вилояти Суғд доир гардид.

Дар озмун 20 нафар омӯзгорони ҷавон, магистрантони соҳибзавқ, навовар ва соҳибҳунар, ки қобилияти ихтироъкорӣ ва сохтани барномаҳои муосиру ҷавобгӯ ба талаботи ҷомеаро доранд, ширкат варзиданд. Дар оғози чорабинӣ сардори Раёсати кор бо ҷавонон, варзиш ва сайёҳии вилоят Олим Зоҳидзода  суханронӣ намуда, аз ҷумла зикр дошт, имрӯз дар тамоми кишварҳои дунё ҷавонон ба ҳайси як нерӯи бузурги бунёдкор ва пешбарандаи ҳаёт эътироф гардидаанд ва таҳкими нерӯи иқтисодиву сиёсӣ ва иҷтимоии мамлакатро бе иштироки фаъолонаи ҷавонон тасаввур намудан душвор аст.

Сипас иштирокчиёни озмун лоиҳаҳои худро пешниҳоди ҳакамон намуданд. Дар натиҷа АбдунабӣҚосимов, омӯзгор аз Донишкадаи политехникии Донишгоҳи техникии Тоҷикистон дар шаҳри Хуҷандбо лоиҳаи «Методика ва комплекси барномаҳо барои муайян кардани муаллифи матни номаълум» сазовори ҷойи аввал гардида, барандаи озмуни «Барномасози беҳтарин» гардид. Ҷои дуюмро  магистранти соли дуюми Донишгоҳи давлатии Хуҷанд ба номи академик Б.Ғафуров – Азамов Н,А. ва  ҷои сеюмро магистранти курси якумиДонишгоҳи давлатии ҳуқуқ, бизнес ва сиёсати Тоҷикистон - Кушнерюк А.И. ишғол намуданд.

Ба  ғолибону ҷоизадорони озмун сардори Раёсати кор бо ҷавонон ва варзиши вилоят Олим Зоҳидзода дар вазъияти тантанавӣ тӯҳфа ва ифтихорномаҳоро супорид. Ба ғолиби озмун Абдунабӣ Қосимов ноутбук туҳфа гардид.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ба ғолиби озмуни «Беҳтарин барномасоз» ноутбук туҳфа карда шуд