Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Раҳпаймоии ҷавонони вилояти Суғд бахшида ба Рӯзи Парчами давлатии Ҷумҳурии Тоҷикистон

( 1 Овоз )

Имрӯз, ҷумъаи 24 ноябр беш аз 7 ҳазор нафар ҷавонон ва сокинони касбу кори гуногун дар маркази вилоят – шаҳри Хуҷанд ҷамъ омада, бахшида ба Рӯзи Парчами давлатии Ҷумҳурии Тоҷикистон раҳпаймоӣ намуданд.

Раҳпаймоӣ аз назди Маҷмааи таърихию фарҳангии “Истиқлод” оғоз шуд ва иштирокчиён дар даст Парчами давлатии Ҷумҳурии Тоҷикистон дар назди баландтарин пояи Парчами давлатии Тоҷикистон, воқеъ дар назди Мақомоти иҷроияи ҳокимияти давлатии вилояти Суғд сарҷамъ омаданд.

Сипас дар майдони Парчами давлатии Ҷумҳурии Тоҷикистон бо ҳузури муовини Раиси вилоят Назира Ғаффорӣ, роҳбарияти шаҳри Хуҷанд, роҳбарони муассисаҳои олӣ ва миёнаи касбӣ, олимону шоирон, намояндагони мақомоти ҳифзи ҳуқуқ, воситаҳои ахбори омма ва иштирокчиёни раҳпаймоӣ барномаи фарҳангӣ баргузор шуд. Дар оғози чорабинӣ Суруди миллии Ҷумҳурии Тоҷикистон садо дод ва пасон муовини Раиси вилояти Суғд Назира Ғаффорӣ аз номи Раиси вилояти Суғд Абдураҳмон Қодирӣ кулли сокинони вилоятро бахшида ба Рӯзи Парчами давлатии Ҷумҳурии Тоҷикистон таҳният гуфта, паёми табрикии Раиси вилоятро ба самъи ҳозирин расонид.

Шоири халқии Тоҷикистон Нурмуҳаммад Ниёзӣ ва шоири соҳибноми тоҷик Озарахш дар васфи Парчам шеърҳои тозаи худро қироат намуданд.

Дар фароварди чорабинии идона барномаи фарҳангӣ пешниҳод шуд.

Ҷоиз ба таъкид аст, ки бахшида ба Рӯзи Парчами давлатии Ҷумҳурии Тоҷикистон дар вилояти Суғд як қатор чорабиниҳои гуногун, аз қабили конфронсҳои илмиву мусобиқаҳои варзишӣ ва озмунҳои эҷодӣ гузаронида шуд. Бахшида ба ин сана дар идораву ташкилотҳо, корхонаву муассисаҳои давлативу хусусӣ мулоқотҳо доир шуда, дар муассисаҳои таҳсилоти олӣ, миёна ва миёнаи касбӣ дар мавзӯи “Парчами давлатӣ – рамзи ифтихори миллӣ” конференсияҳои илмӣ-амалӣ баргузор шуд.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Раҳпаймоии ҷавонони вилояти Суғд бахшида ба Рӯзи Парчами давлатии Ҷумҳурии Тоҷикистон