Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Ширкати олимони тоҷик дар ҳамоиши Иқболшиносӣ

( 0 Овоз )

Рӯзҳои 6-9 ноябри соли равон ба истиқболи 140 солагии Муҳаммад Иқболи Лоҳурӣ дар шаҳри Исломободи кишвари Покистон ҳамоиши байналмилалии бузургдошти ин шоир ва мутафаккири барҷаста баргузор гардид, ки дар кори он паҷўҳишгарони бештар аз 20 кишвари олам, аз ҷумла ИМА, Русия, Олмон, Фаронса, Лаҳистон, Украина, Озарбойҷон, Туркманистон, Ҳинд, Туркия, Сомалӣ, Мавритания, Афғонистон ва амсоли ин ширкат варзиданд.

Тоҷикистонро дар ин ҳамоиши бонуфузи илмӣ, ки муддати се рўз доир шуд, профессори Донишгоҳи миллии Тоҷикистон Абдушукури Абдусаттор ва докторанти Донишгоҳи давлатии Хуҷанд ба номи академик Бобоҷон Ғафуров Нуралӣ Нурзод намояндагӣ намуданд.  Дар маросими ифтитоҳии ҳамоиш сафири фавқулода ва мухтори Тоҷикистон дар Покистон Шералӣ Ҷононов низ дар қатори дигар намояндагиҳои дипломатии фаъол дар ин кишвар ширкат намуд.

Дар ҳамоиши серўза наздик ба 60 маърўзаи илмӣ шунида шуд, ки ҷанбаҳои мухталифи фикриву ҳунарии ашъори Муҳаммад Иқболи Лоҳуриро фаро гирифтаанд. Дар суханронии олимони тоҷик масъалаҳои иқболшиносӣ дар Тоҷикистон ва нашри осори ў, инчунин инсони комил аз нигоҳи Султон Боҳу, Бедил ва Иқболи Лоҳурӣ мавриди баррасӣ қарор гирифтанд.  Ҳамзамон, дар ҳошияи баргузори ҳамоиш барномаи ҳунарии иқболхонӣ, инчунин таҷлили шаби милоди Иқбол ба муносибати рўзи таваллудаш, ки ҳамасола 9 ноябр таҷлил мегардад, доир гардиданд.

Хадамоти матбуоти
Раиси вилояти Суғд


Шарҳ додан


Защитный код
Нав кардан

ШУМО ДАР: Навиди Суғд Ширкати олимони тоҷик дар ҳамоиши Иқболшиносӣ