Хабарҳо
Боздиди Пешвои миллат аз намоишгоҳи маҳсулоти саноатӣ ва мулоқот бо сохтмончиёни вилояти Суғд - 17.11.2017 16:25
Ифтитоҳи Маҷмааи миллии «Маркази оши палов» ва тақдими туҳфаҳои идона ба 160 нафар ятими кулл - 17.11.2017 14:09
Китоби “Пешвои миллат ва сиёсати забон” муаррифӣ шуд - 17.11.2017 12:44
Суханронии Пешвои миллат Эмомалӣ Раҳмон ба муносибати ифтитоҳи мактаби таҳсилоти миёнаи умумӣ дар маҳаллаи Темурмалики шаҳри Хуҷанд - 17.11.2017 11:41
Ифтитоҳи Мактаби Президентӣ барои хонандагони болаёқат дар шаҳри Хуҷанд - 17.11.2017 11:40
Эмомалӣ Раҳмон – эҳёгари давлати навини тоҷикон - 17.11.2017 11:16
Конибодом. Баргузории конфронси илмӣ-адабӣ бахшида ба 25-солагии Иҷлосияи XVI Шӯрои Олии Ҷумҳурии Тоҷикистон - 17.11.2017 11:10
Ба ифтихори Рӯзи Президент дар шаҳри Исфара чорабинӣ доир шуд - 17.11.2017 11:06
Таҷлили 25-солагии Иҷлосияи XVI Шӯрои Олии Ҷумҳурии Тоҷикистон дар ноҳияи Ашт - 17.11.2017 11:05
Мулоқот бо фаъолон ва сокинони шаҳри Истиқлол - 16.11.2017 11:39

Паёми табрикии Раиси вилоят ба муносибати Рӯзи дониш

( 0 Овоз )

Рӯзи дониш ва оғози соли нави таҳсил имсол дар остонаи иди бузургу муқаддаси миллӣ – 25-умин солгарди Иҷлосияи 16-уми Шӯрои Олии Ҷумҳурии Тоҷикистон фаро мерасад.

Бо ибтикороти шоистаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон маориф дар кишварамон самти асосӣ ва соҳаи стратегӣ эълон шуда, омили муҳимтарини таҳкими давлат ва наҷоти миллат эътироф гардид.

Рӯзи дониш оғози тараддудҳои фараҳбахши аҳли маорифи кишвар барои таълиму тарбияи сазовори насли ояндасоз маҳсуб гардида, талошҳои онҳо дар ин ҷода самараҳои дилхоҳ ба бор меоранд. Зеро таъмин намудани рушди ояндаи давлат ба масъалае робитаи мустаҳкам дорад, ки мо дар кадом сатҳ насли босаводу худогоҳ ва соҳибмаърифату ватандӯстро тарбия карда, ба воя мерасонем.

Пешвои муаззами миллат дар суханрониашон дар таҷлили Рӯзи дониш, дарси сулҳ ва оғози соли нави таҳсил (01.09.2016) таъкид доштанд, ки дар тарбияи насли оянда ва ба воя расондани нерӯи тавонои ватандӯсту ватанпарвар нақши омӯзгор ниҳоят бузург мебошад. Аз ин баҳои баланди Сарвари давлат кормандони муассисаҳои таълимии вилоят руҳбаланд гардида, дар мақоми шукргузорию саодат ҷиҳати иҷрои рисолати таърихии худ азму талоши зиёд доранд.

Як рукни муҳими фаъолияти ҳамарӯзаи мақомоти иҷроияи ҳокимияти давлатии вилоят ғамхорӣ дар ҳаққи аҳли маориф ва таъмини кору пайкори босамари онҳо маҳсуб мегардад. Бо ин мақсад мақомоти иҷроияи ҳокимияти давлатии вилоят туфайли ба тасвиб расонидани як зумра санадҳои муҳими меъёрии ҳуқуқӣ меҳнати фидокоронаи кормандони соҳаро шоиста қадр намуда, онҳоро ба саъю талоши арзанда барои натиҷаҳои назарраси фаъолият раҳнамун месозад.

Шоистаи зикр аст, ки дар радифи мураббиёну омӯзгорон шогирдони сазовори онҳо аз имтиёзу ғамхориҳо мунтазам баҳравар мегарданд. Аз ҷумла, беҳтарин шогирдони муассисаҳои таълимӣ, ки дар озмуну олимпиадаҳои байналмилалию ҷумҳуриявӣ комёб мегарданд, бо мукофоти пулӣ ва туҳфаҳои арзанда сарфароз мешаванд.

Аҳли маорифи вилоятро бо фарорасии Рӯзи дониш ва оғози соли нави хониш самимона табрику муборакбод гуфта, барояшон саломатӣ, бурдборӣ, рӯзгори шоиста ва дар иҷрои рисолати наҷибашон – тарбияи сазовори насли ояндасоз равнақу барорҳои нав ба нав орзумандам.

Ид муборак, омӯзгорону хонандагони арҷманд!

Шарҳ додан


Защитный код
Нав кардан

ШУМО ДАР: Навиди Суғд Паёми табрикии Раиси вилоят ба муносибати Рӯзи дониш