Хабарҳо
Паёми табрикии Раиси вилоят Раҷаббой Аҳмадзода бахшида ба Рӯзи Ваҳдати миллӣ - 25.06.2018 15:55
Пешвои миллат Эмомалӣ Раҳмон сокинони Шаҳристонро даъват намуданд, ки дӯстию ҳамкориро бо Ӯзбекистон густариш бахшанд - 25.06.2018 15:07
Маросими ифтитоҳи Меҳмонхонаи замонавии “Киропол” дар хиёбони Истиқлоли шаҳри Истаравшан - 25.06.2018 09:28
Оғози корҳои сохтмонӣ барои бунёди Маҷмааи миллии соҳибкории 16 — ошёнаи «Роҳи абрешим» дар шаҳри Истаравшан - 25.06.2018 08:43
Ифтитоҳи Маркази савдо ва хизматрасонии «Фаровон» дар хиёбони Исмоили Сомонии шаҳри Истаравшан - 25.06.2018 08:30
Муроҷиати иттиҳоди точикони Қазокистон ба кишварҳо ва сохторҳои Аврупо роҷеъ ба мусоҳибаи раиси ҳизби террористии наҳзати ислом - 25.06.2018 08:48
Иштироки Пешвои миллат Эмомалӣ Раҳмон дар маросими ифтитоҳи Парчами давлатии Тоҷикистон дар шаҳри Истаравшан - 25.06.2018 08:19
Иштироки Пешвои миллат Эмомалӣ Раҳмон дар маросими ифтитоҳи Нишони давлатии Тоҷикистон дар шаҳри Истаравшан - 25.06.2018 08:18
Оғози сафари кории Пешвои миллат Эмомалӣ Раҳмон ба шаҳри Истаравшани вилояти Суғд - 25.06.2018 07:01
Суханронии Пешвои миллат Эмомалӣ Раҳмон дар мулоқот бо сокинони ноҳияи Шаҳристон - 24.06.2018 13:00

Ҷонибдории қонуни миллӣ аз сӯи аъзои Маҷлиси миллӣ: мардум дар оростани хони идона набояд ба исрофкорию худнамоӣ ва зиёдаравӣ роҳ диҳанд

( 0 Овоз )

Имрӯз аз ҷониби аъзои палатаи болоии Парлумони Тоҷикистон дар иҷлосияи дувоздаҳуми Маҷлиси миллии Маҷлиси Олии Ҷумҳурии Тоҷикистон  даъвати панҷум Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» ҷонибдорӣ гардид.

Бино ба иттилои АМИТ Ховар қонуни мазкурро дар назди аъзои Маҷлиси миллӣ раиси Кумитаи Маҷлиси намояндагон Фарҳод Раҳимӣ шарҳ дода, гуфт, ки ворид намудани  тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»-ро  Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон бо истифода аз ҳуқуқи ташаббуси қонунгузории худ барои баррасӣ ва ҷонибдорӣ ба  Парлумони  кишвар пешниҳод намуданд, ки ҳадафи он  баланд бардоштани сатҳи иҷтимоии мардуми кишварамон ва мушарраф гардидан  ба зиндагии арзанда мебошад.

Тибқи тағйиру иловаҳо  ба қонуни танзим, ки яке аз қонунҳои миллии Ҷумҳурии Тоҷикистон маҳсуб меёбад,  дар рӯзҳои идҳои Рамазон ва Қурбон  мардуми Тоҷикистон бояд  дастурхони  маънавии  хоксорона ороста, ба исрофкорию худнамоӣ ва зиёдаравӣ роҳ надиҳанд, зеро оростани  хони пурнозу неъмат  ва исрофкорӣ бар хилофи арзишҳои дини мубини Ислом буда, ҷомеаро ба табақаҳо  ҷудо карда, яке аз сабабҳои дар арафаи иддайн боло рафтани нархи маҳсулоти хӯрокӣ дар бозорҳои ҷумҳурӣ мегардад. Инчунин оростани хони хоксоронаю маънавӣ  ба сарфа гардидани буҷети хонаводаҳо ва пос доштани рӯҳи гузаштагон мусоидат менамояд.

Ҳамзамон тибқи  тағйиру иловаҳо ба қонуни танзим аз ин ба баъд гузаронидани маъракаи ақиқа дар ҷумҳурӣ манъ гардида, минбаъд хатнасури бачаҳо дар доираи оила ва бидуни хизматрасонии санъаткорон гузаронида мешавад. Хатна бо розигии волидайн аз рӯзи таваллуди писар то рӯзи бистуми баъди таваллуд дар муассисаҳои тиббии  марбута ба таври ройгон бо тартиби муқаррарнамудаи мақоми ваколатдори давлатӣ дар соҳаи тандурустӣ баргузор мегардад. Таъкид  гардид, ки дар ин самт таҷрибаи бархе аз кишварҳои   пешрафтаи ҷаҳон  омӯхта шудааст.

Инчунин тибқи тағйиру иловаҳо ба қонуни миллӣ минбаъд дар  ҷумҳурӣ   маъракаҳои ноншиканон, модарталбон, падарталбон, чодарканон, муборакбодӣ, шаҳтоз (роҳбандон) манъ карда мешаванд. Дар моддаи 10-и қонун меъёре пешбинӣ гардидааст, ки тибқи он волидайни домоду арӯс   ва ё шахсони онҳоро ивазкунанда бо маслиҳати ҳарду ҷониб имкон доранд  ба ҷои додани оши тӯй маблағи онро барои беҳтар намудани шароити зиндагии навхонадорон сарф намоянд.

Бояд тазаккур дод, ки моддаи 11 –и қонуни танзими анъана маросимҳои дафну азодориро  дар ҷумҳурӣ ба танзим медарорад, ки тибқи тағйиру иловаҳо минбаъд дар Тоҷикистон  маросимҳои дафну азодорӣ, бахусус се, чил ва сол бе забҳи чорво ва бе додани таом гузаронида  мешаванд.  Дар ин росто, бо мақсади ба низом даровардан ва гузаронидани маросими дафну азодорӣ тартиби гузаронидани онҳоро мақоми ваколатдор муайян мекунад. Тибқи тағйиру иловаҳо ба қонуни миллӣ  дар Тоҷикистон гузаронидани маъракаи «ҳоҷизиёрат» манъ карда шуда, дар оянда тартиби сафари шаҳрвандони Тоҷикистонро  барои адои ҳаҷи фарзӣ ва умра Ҳукумати Ҷумҳурии Тоҷикистон муайян менамояд.

Мавриди зикр аст, ки Қонуни Ҷумҳурии Тоҷикистон «Дар бораи  танзими анъана  ва ҷашну маросимҳо дар Ҷумҳурии  Тоҷикистон» аз 4 боб ва 16 модда иборат буда,, онро Парлумони Тоҷикистон соли 2007 қабул намуд. Тағйиру иловаҳо ба қонуни мазкур дар асоси дархосту пешниҳоди  сокинони кишвар зимни вохӯрию баромадҳо тавассути воситаҳои ахбори омма, инчунин зимни мулоқот ба муносибати 10-солагии қабули  Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон», ки 11 июли соли 2017 баён гардида буданд,  таҳия  ва қабул гардидаанд.

Ворид намудани тағйиру иловаҳо ба қонуни миллӣ — Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон»  қадами муассирест дар роҳи баланд бардоштани сатҳ ва сифати  зиндагии  мардуми кишвар  ва ҳифзи анъанаҳои  неки миллӣ.

Бояд тазаккур дод, ки  ворид намудани тағйиру иловаҳо  ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» баъд аз имзои  Президенти Ҷумҳурии Тоҷикистон Эмомалӣ Раҳмон ва чоп гардидан дар нашрияҳои расмии Ҷумҳурии Тоҷикистон дар кишварамон  амалӣ мегардад.

Хадамоти матбуоти
Раиси вилояти Суғд

Шарҳ додан


Защитный код
Нав кардан

ШУМО ДАР: Навиди Суғд Ҷонибдории қонуни миллӣ аз сӯи аъзои Маҷлиси миллӣ: мардум дар оростани хони идона набояд ба исрофкорию худнамоӣ ва зиёдаравӣ роҳ диҳанд