Хабарҳо
Баргузории ҷаласаи сайёри мушовараи Вазорати маориф ва илми Ҷумҳурии Тоҷикистон - 22.05.2018 13:54
Маросими супоридани стипендияҳои Раиси вилоят ба донишҷӯён, магистрантон ва аспирантон - 22.05.2018 13:49
Ба иштирокчиёни Ҳафтаи худидоракунӣ Гувоҳномаҳо супорида шуд - 22.05.2018 13:41
Ғолибияти дастаи вилояти Суғд дар сессияи Академияи хурди илмҳои Ҷумҳурии Тоҷикистон - 22.05.2018 09:37
Хобгоҳи қисми ҳарбии 08362 баъди навсозӣ мавриди истифода қарор гирифт - 22.05.2018 09:32
Машварати корӣ дар ҳузури Пешвои миллат Эмомалӣ Раҳмон - 21.05.2018 13:41
Боздиди Раиси вилоят аз Боғи фарҳангӣ-фароғатии “Наврӯзгоҳ” - 21.05.2018 13:28
Мулоқоти Раиси вилоят бо роҳбари гуруҳи ҳамоҳангсози Бонки ҷаҳонӣ Кардула Расточи - 21.05.2018 11:20
Амалиёти “Кӯкнор-2018” дар ду марҳила гузаронида мешавад - 21.05.2018 10:17
Таъсиси Ситоди вилоятии “Тобистон - 2018” - 21.05.2018 10:16

Иштироки роҳбарият ва меҳмонони ВМКБ дар намоиш-фурӯши маҳсулоти корхонаҳои саноатӣ ва косибону ҳунармандони вилояти Суғд

( 0 Овоз )
  • Пешина
  • 1 of 5
  • Минбаъда

Санаи 25 августи соли 2017 дар доираи баргузории Ҳафтаи фарҳанги ВМКБ дар вилояти Суғд дар даромадгоҳи Кохии фарҳанги ба номи Абӯабдуллоҳи Рудакии маркази вилоят намоиш-фурӯши маҳсулоти корхонаҳои саноатӣ ва косибону ҳунармандони вилояти Суғд  баргузор карда шуд.

Раиси Вилояти Мухтори Куҳистони Бадахшон Шодихон Ҷамшед ва дигар ҳайати меҳмонон аз ин намоишгоҳ боздид ба амал оварданд. Меҳмононро муовини якуми Раиси вилояти Суғд Рустам Раҳматзода,  муовини Раиси вилоят Анвар Яъқубӣ ва дигар шахсони расмӣ ҳамроҳӣ намуданд.

Ҳангоми шиносоӣ бо маҳсулоти саноатчиёни вилояти Суғд маълумот дода шуд, ки дар намоишгоҳ 60 корхона ва косибону ҳунармандон маҳсулоти тайёри худро баҳри сокинони ВМКБ бо нархҳои 20 дарсад арзон пешниҳод намудаанд. Дар намоишгоҳ асосан маҳсулоти тайёри шириву гӯштӣ, обҳои ташнашикан, навъҳои гуногуни хушкмева, нассоҷӣ, матоъҳои адрасу атлас ва ғайра пешниҳод шуд. Таъкид гардид, ки дар вилояти Суғд ба пешрафти соҳаи саноат таваҷҷуҳи махсус зоҳир гардида, ҳамасола маҷмӯи маҳсулоти саноатӣ зиёд мегардад. Ба 5,1 миллирд сомонӣ баробар шудани маҷмӯи маҳсулоти саноатии вилояти Суғд давоми 7 моҳи соли ҷорӣ худ тасдиқи ин гуфтаҳо мебошад.

Ҳамчунин дар асоси дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба эҳё ва рушди ҳунарҳои мардумӣ  таваҷҷуҳи хоса равона гардида, бо таъсиси марказҳои ҳунаромӯзӣ шумораи зиёди занону бонувон ба омӯзиши ҳунарҳои мардумӣ ҷалб карда мешаванд. Дар намоишгоҳ ҳунармандони вилояти Суғд маҳсулоти омодасохтаи худро пешкаши меҳмонон намуданд.

Зимни шиносоӣ Раиси вилояти Мухтори Куҳистони Бадахшон ба пешрафти соҳаи саноати вилояти Суғд ва эҳёву рушди ҳунарҳои халқӣ баҳои баланд дода, ҳамаи онро самараи ваҳдати миллӣ ва амалишавии сиёсати пешгирифтаи Пешвои миллат муҳтарам Эмомалӣ Раҳмон унвон кард.

Хадамоти матбуоти
Раиси вилояти Суғд






Шарҳ додан


Защитный код
Нав кардан

ШУМО ДАР: Навиди Суғд Иштироки роҳбарият ва меҳмонони ВМКБ дар намоиш-фурӯши маҳсулоти корхонаҳои саноатӣ ва косибону ҳунармандони вилояти Суғд